Bakıda "Qarabağ" - APOEL oyununun biletləri sabahdan satışda olacaq

Bakıda "Qarabağ" - APOEL oyununun biletləri sabahdan satışda olacaq

“Qarabağ”ın UEFA Avropa Liqasının qrup mərhələsinin II turunda Kipr təmsilçisi APOEL ilə oyununun biletləri sabahdan satışa çıxarılacaq.

BakuCity.az xəbər verir ki, qiymətləri sektorlar üzrə 2, 5, 10, 15, 50 və 75 manat olan biletləri saat 12:00-dan etibarən almaq mümkün olacaq.

Biletləri Tofiq Bəhramov adına Respublika stadionunun kassalarından, “Gənclik Mall” və “28 Mall” (iTicket satış məntəqəsi), “Park Bulvar AVM” (iTicket satış məntəqəsi) ticarət mərkəzlərindən, 2 və 3 saylı “ASAN xidmət” mərkəzlərindən (Yasamal, “Amay” t/m) və iTicket.az saytından onlayn şəkildə almaq mümkündür.

Qeyd edək ki, oktyabrın 24-də Tofiq Bəhramov adına Respublika stadionunda keçiriləcək "Qarabağ" - APOEL matçı saat 20:55-də başlayacaq.

Xatırladaq ki, bundan əvvəl UEFA Çempionlar Liqasının təsnifat mərhələsində APOEL ilə qarşılaşan “Qarabağ” səfərdə Kipr təmsilçisinə 2:1 hesabı ilə qalib gəlsə də, Bakıda 0:2 hesabı ilə məğlub olmuş və ÇL-də mübarizəni dayandırmışdı. 

BakuCity.az

Qarabağ Çempionlar Liqası biletlər
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər