Bakıda yaradılan "Yaşıl guşələr": Biganə qalanlar da var - FOTO

Bakıda yaradılan "Yaşıl guşələr": Biganə qalanlar da var - FOTO

Ötən ay Bakı şəhərinin yaşıllıq vəziyyətinin keyfiyyətcə daha yüksək səviyyəyə çatdırılması və paytaxtın estetik görünüşünün yaxşılaşdırılması məqsədilə “Yaşıl guşələr”in yaradılması və qorunması üçün Bakı Şəhər İcra Hakimiyyətinin başçısı tərəfindən müvafiq sərəncam imzalanıb.

Sərəncamla sahibkarlara, müəssisə və təşkilat rəhbərlərinə paytaxtda yol kənarları, idarə, müəssisə, ictimai iaşə, ticarət və digər obyektlərin qarşısında “Yaşıl guşələr”in yaradılması tövsiyə edilib. 

BakuCity.az-a məlumat verən Bakı Şəhər İcra Hakimiyyətinin mətbuat katibi İsrafil Kərimovun sözlərinə görə, dünya praktikasında yaşıllaşdırma sahəsində uğur qazanmış şəhərlərin təcrübəsi onu göstərir ki, bu işə iş adamları, müəssisə rəhbərləri, hətta ayrı-ayrı vətəndaşlar qoşulduqda daha gözəl nəticələr əldə olunur. 

O, həmçinin qeyd edib ki, bəzi iş adamları, müəssisə rəhbərləri, ayrı-ayrı şəxslər bu təşəbbüsə fəal qoşulublar:

"Az müddət ərzində yol kənarlarında, obyektlərin qarşısında göz oxşayan yaşıl guşələr salındı. Təəssüflər olsun ki, bu işlərə biganə qalanlar da oldu. “Yaşıl Bakı” təşəbbüs qrupunun verdiyi məlumata görə, bəzi iri obyektlər tərəfindən bu işlərə çox etinasız və səhlənkar yanaşılır".

İ.Kərimov qeyd edib ki, vətənini və şəhərini sevən hər bir insan şəhərin yaşıllaşdırılmasına öz töhfəsini verməlidir:

“Bu işlərə etinasız yanaşan, yalnız öz mənfəətini güdən, paytaxtın görünüşünə və ekoloji vəziyyətinə biganə qalan obyekt rəhbərləri və onların əsl sahibləri barədə ictimaiyyətə məlumat veriləcək və onlar qınaq obyektinə çevriləcəklər”.

Bakıda yaradılan "Yaşıl guşələr": Biganə qalanlar da var - FOTO, fotoşəkil-1 Bakıda yaradılan "Yaşıl guşələr": Biganə qalanlar da var - FOTO, fotoşəkil-2 Bakıda yaradılan "Yaşıl guşələr": Biganə qalanlar da var - FOTO, fotoşəkil-3 Bakıda yaradılan "Yaşıl guşələr": Biganə qalanlar da var - FOTO, fotoşəkil-4 Bakıda yaradılan "Yaşıl guşələr": Biganə qalanlar da var - FOTO, fotoşəkil-5 Bakıda yaradılan "Yaşıl guşələr": Biganə qalanlar da var - FOTO, fotoşəkil-6 Bakıda yaradılan "Yaşıl guşələr": Biganə qalanlar da var - FOTO, fotoşəkil-7

Ramilə Qardaşxanqızı

BakuCity.az

Bakı yaşıllıq
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər