Bakıda "kitab dayanacağı"nın sökülmə səbəbi bilindi - Qurumlar boynuna almır

Bakıda "kitab dayanacağı"nın sökülmə səbəbi bilindi - Qurumlar boynuna almır

Oktyabrın 14-də Bakının Nərimanov rayonu, Nazim Hacıyev küçəsində quraşdırılan “kitab dayanacağı” sökülüb.

Məsələ ilə bağlı Bakı Şəhər İcra Hakimiyyətinin mətbuat xidmətinin rəhbəri İsrafil Kərimov BakuCity.az-a açıqlamasında bildirib:

“Məndə olan məlumata görə, həmin köşk SOCAR tərəfindən quraşdırılıb və dünən elə həmin şirkətin əməkdaşları tərəfindən demontaj olunub. İcra Hakimiyyətinin Ticarət və Xidmət Departamenti tərəfindən isə həmin ərazi nəzarətə götürülmüşdü”.

Onun sözlərində görə, departamentin mövqeyi ondan ibarətdir ki, şəhərin mərkəzinin istənilən ərazisində məqsəddən asılı olmayaraq köşk quraşdırılması üçün müvafiq qurumların icazəsi olmalıdır:

“Ticarət və Xidmət Departamenti köşkün salınmasına irad bildirib və həmin köşk salındığı yerdən götürülüb”.

Bakıda "kitab dayanacağı"nın sökülmə səbəbi bilindi - Qurumlar boynuna almır, fotoşəkil-1

İ.Kərimov bu köşkün yenidən haradasa quraşdırılmasına gəlincə, İ.Kərimov bu barədə heç bir məlumatı olmadığını deyib və bildirib ki, Bakı şəhərində hər hansısa ticari obyektlərin quraşdırılması üçün müvafiq orqanların icazəsi olmalıdır.

SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov isə qeyd edib ki, bir müddət əvvəl Dövlət Neft Şirkətinə məxsus ərazilərdə kitab köşklərinin quraşdırılması təklif olunmuşdu:

“Bu köşklərin quraşdırılmasını SOCAR maliyyələşdirmir. Ümumiyyətlə, həmin köşkün quraşdırılması və sökülməsi barədə məlumatım yoxdur”.

Xatırladaq ki, bu dayanacaqların paytaxtın digər ərazilərində də quraşdırılması nəzərdə tutulurdu.

Arzu Murad

BakuCity.az

Bakı kitab dayanacaq
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər