Bakıda uşaqlara siqaret satan şəxs cərimələndi

Bakıda uşaqlara siqaret satan şəxs cərimələndi

Bakıda uşaqlara siqaret satan şəxs cərimələnib.

Daxili İşlər Nazirliyinin mətbuat xidmətindən BakuCity.az-a verilən məlumata görə, qurumun Baş İctimai Təhlükəsizlik İdarəsi və Nərimanov Rayon Polis İdarəsi əməkdaşlarının şəhər ərazisində keçirdikləri reydlər nəticəsində bir köşkdə satıcının yetkinlik yaşına çatmayanlara tütün məmulatı satması faktı aşkar edilib.

Həmin köşkün satıcısı barəsində İnzibati Xətalar Məcəlləsinin 455.2-ci maddəsinə əsasən (Etil (yeyinti) spirti, alkoqollu içkilərin və ya tütün məmulatlarının yetkinlik yaşına çatmayanlara satılması) protokol tərtib olunub.

Bu istiqamətdə reydlər davam etdirilir.

Qeyd edək ki, məcəllənin bu maddəsi ilə yüz manat məbləğində cərimə nəzərdə tutulur.

BakuCity.az

Bakı siqaret cərimə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər