Belçika caz qrupundan Bakıda seminar və master-klass - FOTO

Belçika caz qrupundan Bakıda seminar və master-klass - FOTO

Belçika caz qrupu “Giuseppe Millaci & Vogue Trio” Bakı Caz Festivalı çərçivəsində seminar və master-klass təqdim edib.

BakuCity.az xəbər verir ki, tədbir Belçika musiqiçiləri ilə ünsiyyətdə fəal iştirak edən azərbaycanlı gənc musiqiçilərdə böyük maraq oyadıb.

Cüzeppe Millaçi basist, bəstəkar və prodüserdir. 9 aprel 1988-ci ildə Siciliyada anadan olub və 2000-ci ildən Belçikada yaşayır.

14 yaşında ikən elektrik bas çalmağa başlayıb. Bir neçə il sonra C.Millaçi caz və akustik bas kəşf edib. Rey Braun, Deyv Holland, Mark Conson, Con Patituççi və Larri Qrenadyer kimi bir neçə caz ifaçısına qulaq asıb.

2011-ci ildə Erasmus Proqramının təqaüdündə iştirak edib və Maastrixt Musiqi Akademiyasında müəllim və basist Filip Aertslə birlikdə oxuyub.

C.Millaçi 2013-cü ildə Maestro Jan-Lui Rassinfosun rəhbərliyi ilə Brüssel Kral Konservatoriyasını fərqlənmə diplomu ilə (magistr dərəcəsi) bitirib. Məşqini basist Marko Panasmia və Dryu Qreslə davam etdirib.

2016-cı ildə Cüzeppe "Vogue Trio" layihəsinə fransız pianoçusu Amauri Faye və belçikalı nağaraçı Lionel Beuvenslə başlayıb.

“Giuseppe Millaci & Vogue Trio” dünyada çoxsaylı festival və caz klublarında çıxış edir. Növbəti albomu olan “Endless Way” 2019-cu ilin noyabrında çıxacaq.

Qeyd edək ki, Bakı Caz Festivalı 2019-cu il oktyabrın 27-dək davam edəcək. Festival 2005-ci ildən keçirilir və 10 ildən çoxdur özünü Bakıda ən böyük mədəniyyət tədbirlərindən biri kimi təsdiqləyir.

Belçika caz qrupundan Bakıda seminar və master-klass - FOTO, fotoşəkil-1 Belçika caz qrupundan Bakıda seminar və master-klass - FOTO, fotoşəkil-2 Belçika caz qrupundan Bakıda seminar və master-klass - FOTO, fotoşəkil-3 Belçika caz qrupundan Bakıda seminar və master-klass - FOTO, fotoşəkil-4 Belçika caz qrupundan Bakıda seminar və master-klass - FOTO, fotoşəkil-5

BakuCity.az

Bakı caz master-klass
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər