• Ana səhifə
  • Bakıda yüzlərlə binanın damı yenilənir - FOTO
15:24, 22 oktyabr 2019

Bakıda yüzlərlə binanın damı yenilənir - FOTO

Bakıda yüzlərlə binanın damı yenilənir - FOTO

Bakıda dam örtüyü təmir ediləcək 380 binanın siyahısı, görüləcək işlərin həcmi və digər məsələlər dəqiqləşdirilib, işləri görəcək podratçılar müəyyənləşdirilib.

Bakı Şəhər İcra Hakimiyyətindən BakuCity.az-a verilən məlumata görə, artıq paytaxtın əksər rayonlarında işlərə başlanılıb. Binaların köhnə dam örtükləri sökülür, sıradan çıxmış, çürümüş hissələri dəyişdirilir, damda suyun axıdılması üçün maililik qurulur, yeni örtük qatı çəkilir. Damlarda navalçalar yenilənir, tüstü bacaları təmir olunur və təmizlənir.

Paytaxtın Nizami və Suraxanı rayonlarında da dam örtüklərinin təmiri ilə bağlı işlərə başlanılıb və işlər böyük sürətlə həyata keçirilir.

380 binanın dam örtüyü ilə bağlı işlər tam başa çatana kimi icra strukrurları tərəfindən nəzarət aparılacaq, başa çatmış hər bir dam örtüyü müvafiq komissiya tərəfindən qəbul ediləcək, podratçıya ödənişlər iş qəbul edildikdən sonra həyata keçiriləcək.

Qeyd edək ki, Azərbaycan Prezidentinin sərəncamı ilə paytaxtda 380 ədəd çoxmənzilli binanın dam örtüyünün təmiri məqsədilə 10 milyon manat vəsait ayrılıb.

BakuCity.az

#Bakı #binalar #dam örtüyü

Şərhlər

Elan
live comments feed...