Transformatorda yanıb, qolu amputasiya olunan Zəhra ilə bağlı qaranlıq məqamlar - VİDEO

BakuCity.az Bakının Nizami rayonu, Keşlə qəsəbəsində transformatora girərək yanan, nəticədə qolu amputasiya olunan 2010-cu il təvəllüdlü Zəhra Əliyeva ilə bağlı qaranlıq məqamlara aydınlıq gətirməyə çalışıb.

Z.Əliyevanın təhsil aldığı 227 nömrəli tam orta məktəbdən BakuCity.az-ın sorğusuna cavab olaraq bildirilib ki, məktəbin 2d sinif şagirdi valideynlərini erkən itirib, nənəsinin himayəsində yaşayır:

“Ötən ilin oktyabr ayında şagirdin nənəsi yaşlı olduğundan nəvəsinin qayğısına qala bilmədiyini deyib, digər nəvələrinin də uşaq evlərində, dövlət himayəsində olduğunu qeyd edib. Nənə baş verə biləcək fəsadların qarşısını əvvəlcədən ala bilmək məqsədilə müvafiq kömək istəyib.

Sonra Nizami Rayon İcra Hakimiyyəti yanında Yetkinlik Yaşına Çatmayanlarla İş üzrə Komissiyaya müraciət edilib. Müvafiq komissiya tərəfindən nənə ilə söhbət aparılıb və şagirdin istəyinə uyğun olaraq, o, nənənin himayəsində qalıb”.

Bildirilib ki, Z.Əliyevanın dərsə davamiyyəti normal olsa da, zəif tədris göstəricilərinə malikdir:

“Məlum olduğu kimi, 10.10.2019-cu il tarixində saat 19:00-da o, evlərinin yaxınlığında yerləşən elektrik şitinə daxil olub və ciddi xəsarətlərlə xəstəxanaya yerləşdirilib. Şagirdin müalicəsinin gedişi və vəziyyəti ilə mütəmadi maraqlanırıq”.

Qonşuluqda yaşayan qəsəbə sakinləri isə uşağın dərsə davamiyyətinin aşağı olduğunu, adətən küçədə olduğunu bildiriblər.

Qeyd edək ki, bundan əvvəl azyaşlının məktəbdən qovulduğu iddia olunurdu.

Həmçinin oxu: Transformatorda yanan, qolu amputasiya olunan Zəhra ilə bağlı təfərrüatlar - VİDEO

Bundan Z.Əliyevanın nənəsi Reyhan Əliyeva BakuCity.az-ın əməkdaşı ilə söhbətində “Azərişıq” ASC-nin əməkdaşları tərəfindən yardım məqsədilə ona 300 manat verildiyini demişdi.

ASC-nin mətbuat xidmətinin rəhbəri Tanrıverdi Mustafayev də bildirib ki, qurum dəymiş zərəri öz üzərinə götürüb:

“Bunun iynəsi var, dərmanı var, həkimi var - bütün bu xərclər ödənilməlidir. “Azərişıq” ASC dəymiş zərəri öz üzərinə götürüb və ödəyəcək. Uşağın sağlamlığı bizim üçün önəmlidir”.

R.Əliyevanın 300 manatdan başqa pul verilmədiyini deməsinə gəlincə, qurum rəsmisi qeyd edib:

“Hər şey ödənilib, xəstəxanadan da soruşa bilərsiniz. Nənəsi ilə şəxsən görüşmüşəm. Şəbəkənin rəisi də hər gün uşağın səhhəti ilə bağlı məlumat alır”.

Bir gecədə transformatorun həmin ərazidən götürülməsinin səbəbi isə belə izah olunub:

“Transformator həmin ərazidən ona görə götürülüb ki, yenidənqurma işləri aparılır. Hər yerdə yeni yarımstansiyalar inşa olunur, təmir işləri gedir. Üzərinə də yazılıb ki, təhlükəlidir, ehtiyatlı olun”.

Hazırda Keşlə qəsəbəsində başqa hansı ərazilərdə təmir işlərinin aparılması ilə bağlı sualımız isə cavabsız qalıb.

Arzu Murad

BakuCity.az

Bakı Zəhra Əliyeva
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Cəmiyyət
Ermənilər növbəti təxribatlarına əl atıblar. Azərbaycan Ordusunun cəbhənin müxtəlif istiqamətlərində əldə etdiyi uğurlar, torpaqlarımızın azad edilməsi hər birimizi qürurlandırır. Bu haqlı mübarizədə vətəndaşlarımız əsgər və zabitlərimizə dəstək olmağa çalışır. Ermənistan tərəfi isə vəziyyətdən sui-istifadə edərək, “Telegram” və digər sosial şəbəkələrdə Azərbaycan adından saxta səhifələr yaradaraq müharibə qurbanlarına və əsgərlərimizə yardım adı altında v...
Cəmiyyət
Azərbaycan ordusu Zəngilan şəhəri və rayonun 6, Füzuli, Cəbrayıl, Xocavənd rayonlarının 18 kəndini işğaldan azad edib.  BakuCity.az xəbər verir ki, bu barədə Prezident İlham Əliyev televiziya ilə xalqa müraciətində deyib. Füzuli rayonu: Dördçinar, Kürdlər, Yuxarı Əbdürrəhmanlı, Qarğabazar, Aşağı Veysəlli, Yuxarı Aybasanlı kəndləri. Cəbrayıl rayonu: Sarafşa, Həsənqaydı, Fuğanlı, İmambağı, Daş Veysəlli, Ağtəpə, Yarəhmədli kəndləri. Xocavənd rayonu: Ağcakənd,...
Cəmiyyət
İşğalçı Ermənistan tərəfi Qarabağda gedən döyüşlərdə Azərbaycana məğlub olduğunu bir daha etiraf edib. BakuCity.az xəbər verir ki, Müdafiə Nazirliyinin nümayəndəsi Artsrun Hovhannisyan öz feysbuk hesabında geri çəkildiklərini bildirib: “Geri çəkilmə məğlubiyyət deyil, 1918 və 1941-ci ildə də bir geriçəkilmə var idi. 1992-ci ildə də eyni geri çəkilmə baş vermişdi”. BakuCity.az
Cəmiyyət
İgidlərimizi siz də tanıyın. Silahlı Qüvvələrin Ali Baş Komandanı İlham Əliyevin rəhbərliyi altında şanlı Azərbaycan Ordusunun keçirdiyi döyüş əməliyyatları uğurla davam edir. BakuCity.az xəbər verir ki, bu barədə Müdafiə Nazirliyinin yaydığı məlumatda bildirilib. Qeyd olunub ki, ordumuzun rəşadəti nəticəsində işğaldan azad edilən şəhər və kəndlərimiz Ermənistan silahlı qüvvələrindən təmizlənib və həmin ərazilər bölmələrimizin tam nəzarəti altındadır. Azər...
Cəmiyyət
Az sonra Prezident İlham Əliyevin xalqa müraciəti olacaq. BakuCity.az xəbər verir ki, bu haqda məlumat AZTV-də yayımlanıb. Çıxış bütün telekanallarda yayımlanacaq. BakuCity.az
Ekologiya
Bakıda oktyabrın 21-də gözlənilkən hava şəraiti açıqlanıb. Bakıda və Abşeron yarımadasında havanın dəyişkən buludlu olacağı, arabir tutulacağı, bəzi yerlərdə yağış yağacağı, günün ikinci yarısında əsasən yağmursuz keçəcəyi gözlənilir. Milli Hidrometeorologiya Xidmətindən BakuCity.az-a verilən məlumata görə, sabah mülayim şimal-qərb küləyi əsəcək. Havanın temperaturu Bakıda və Abşeron yarımadasında gecə 13-15, gündüz 17-19 dərəcə isti olacaq. Atmosfer təzyi...
Cəmiyyət
“Xəyallarımız puç oldu…” Ermənistan baş naziri Nikol Paşinyanın qızı Mariam Paşinyan sosial şəbəkə hesabında Dağlıq Qarabağdakı döyüşlərlə bağlı paylaşım edib. BakuCity.az xəbər verir ki, Mariam "Facebook” profilində pessimist notda yazdığı status erməni istifadəçilərdə ciddi narazılıq yaradıb. Ermənistan mətbuatı artıq baş nazirin ailəsinin belə bir bədbin ab-havada olmasını müzakirə mövzusuna çevirib. Ölkənin birinci ailəsinin dilindən bədbin ruhlu ifadə...
Cəmiyyət
“Tarixin axınının dəyişdiyi günlərdən keçirik”. BakuCity.az xəbər verir ki, bunu Milli Məclisin bugünkü iclasında Türkiyə Böyük Millət Məclisinin sədri Mustafa Şentop deyib.  Mustafa Şentop bildirib ki, insanlıq yeni arayışlar içərisindədir: “İkili standartlardan uzaq, bütün insanların bərabərliyinə dayanan dünyanın qurulması gərəkir. Dünyanın geopolitik və ekonomik nizamı sürətli şəkildə Asiyaya axır. Bəzi siyasət alimləri tərəfindən 21-ci əsr “Asiya əsri...
Cəmiyyət
"Xudafərin" hidroqovşağının əhəmiyyəti. Azərbaycan, İran və Rusiyanın enerji sistemlərinin əlaqələndirilməsi üzrə proses də davam edir. Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. BakuCity.az xəbər verir ki, bunu Energetika naziri Pərviz Şahbazov deyib. P.Şahbazov bildirib ki, eyni zamanda “Azərbaycan Respublikası Hökuməti ilə...