Bakıda polisin gecə reydləri: xanım sürücü "saxla" əmrinə məhəl qoymadı - VİDEO

Bakıda polisin gecə reydləri: xanım sürücü "saxla" əmrinə məhəl qoymadı - VİDEO

Gecə saatlarında Dövlət Yol Polisinin əməkdaşları tərəfindən Bakı şəhərində qayda pozan sürücülərə qarşı reyd keçirilib.

BakuCity.az-ın APA-ya istinadən verdiyi məlumata görə, şəhərin sükutunu pozan “VAZ 2107” markalı avtomobilin sürücüsü polislərin “saxla” əmrinə tabe olmayıb. 

Qayda pozan sürücüyə işıqvurma cihazlarının nasazlığı ilə əlaqədar Yasamal Rayon Yol Polis Şöbəsinin əməkdaşları tərəfindən “saxla” əmri verilib. Sürücü əmrə məhəl qoymayaraq nəqliyyat vasitəsini Həsən bəy Zərdabi küçəsində yüksək sürətlə idarə etməyə başlayıb. Bu azmış kimi, dırnaqarası qəhrəman avtomaşını ilə əks istiqamətli yolda hərəkət edib. Sonda nəqliyyat vasitəsi Tbilisi prospektində Yol Patrul Xidmətinin əməkdaşları tərəfindən yaradılan süni tıxac vasitəsilə saxlanılıb.

Sürücü Yasamal Rayon Polis İdarəsinin 27-ci polis bölməsinə təhvil verilib. Məlum olub ki, avtoxuliqanlıq əməlini törədən şəxs Həsənov Şahin Fazil oğludur. O, bir müddət əvvəl sürücülük hüququndan məhrum edilibmiş.

Yasamal Rayon Dövlət Yol Polis Şöbəsinin əməkdaşları avtomobili cərimə meydançasına yerləşdirib. Sürücü isə İnzibati Xətalar Məcəlləsinin 511-ci maddəsi ilə məsuliyyətə cəlb edilib.

Bakıda polisin gecə reydləri: xanım sürücü "saxla" əmrinə məhəl qoymadı - VİDEO, fotoşəkil-1 Bakıda polisin gecə reydləri: xanım sürücü "saxla" əmrinə məhəl qoymadı - VİDEO, fotoşəkil-2 Bakıda polisin gecə reydləri: xanım sürücü "saxla" əmrinə məhəl qoymadı - VİDEO, fotoşəkil-3 Bakıda polisin gecə reydləri: xanım sürücü "saxla" əmrinə məhəl qoymadı - VİDEO, fotoşəkil-4 Bakıda polisin gecə reydləri: xanım sürücü "saxla" əmrinə məhəl qoymadı - VİDEO, fotoşəkil-5 Bakıda polisin gecə reydləri: xanım sürücü "saxla" əmrinə məhəl qoymadı - VİDEO, fotoşəkil-6 Bakıda polisin gecə reydləri: xanım sürücü "saxla" əmrinə məhəl qoymadı - VİDEO, fotoşəkil-7

Digər bir qayda pozuntusu isə Səbail rayonunda qeydə alınıb. Belə ki, zərif cinsin nümayəndəsi “Hyundai” markalı avtomobili ilə Neftçilər prospektində manevr qaydalarını kobud şəkildə pozub. Səbail Rayon Dövlət Yol Polis Şöbəsinin əməkdaşları həmin sürücüyə “saxla” əmri verib. Xanım sürücü əmrə məhəl qoymayıb. Sonda Post Patrul Xidmətinin əməkdaşları ilə birgə yol polisi xanımın idarə etdiyi avtomobili saxlaya bilib.

Sürücü heç bir sənəd təqdim etməyib. O, inzibati məsuliyyətə cəlb edilib.

Yol hərəkəti qaydalarını pozan sürücülərə qarşı maarifləndirmə tədbirləri davam etdiriləcək.

BakuCity.az

Bakı yol polisi reydlər
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər