Bakıda ilk dəfə 5G şəbəkəsinin sınaqları aparılacaq

Bakıda ilk dəfə 5G şəbəkəsinin sınaqları aparılacaq

Yaxın vaxtlarda Bakıda ilk dəfə olaraq 5G şəbəkəsinin sınaqları aparılacaq.

BakuCity.az xəbər verir ki, bunu "APA-Economics"ə Nəqliyyat, Rabitə və Yüksək Texnologiyalar Nazirliyindən deyiblər.

Bildirilib ki, artıq bir həftədir Çinin “Huawei” şirkəti ilə belə bir eksperimental zona Heydər Əliyev Mərkəzində yaradılıb:

"Hazırda bu şəbəkənin istismara verilməsi məqsədilə müvafiq qanunvericilik hazırlanır. Bu işlər hələ ilkin mərhələdədir. Paralel olaraq sahə üzrə mütəxəssislərlə müzakirələr aparılır. Belə ki, şəbəkə texnoloji nöqteyi-nəzərdən düzgün qurulmalıdır, çünki burada söhbət internetə qoşulacaq çoxlu sayda qurğudan gedir ki, buna yanaşma da tam fərqli olmalıdır".

Qeyd edək ki, 5G test şəbəkəsinin qurulması işləri "Azercell Telekom" tərəfindən aparılıb.

BakuCity.az

Bakı şəbəkə 5G
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər