• Ana səhifə
  • Elinanın intihar etdiyi məktəbin direktoru ilə bağlı SON QƏRAR - FOTO + VİDEO
13:01, 24 oktyabr 2019

Elinanın intihar etdiyi məktəbin direktoru ilə bağlı SON QƏRAR - FOTO + VİDEO

Elinanın intihar etdiyi məktəbin direktoru ilə bağlı SON QƏRAR - FOTO + VİDEO

Bu gün Səbail Rayon Məhkəməsində 162 saylı məktəbdə intihar edən şagird Elina Hacıyevanın ölümü ilə bağlı təqsirləndirilən direktor Sevinc Abbasovanın məhkəməsi keçirilib.

BakuCity.az "Qafqazinfo"ya istinadən xəbər verir ki, məhkəmədə direktorun vəkili Sadiq Bağırov çıxış edərək ittihamları qəbul etmədiklərini deyib, müvəkkilinə bəraət verilməsini və mülki iddianın təmin edilməməsini istəyib.

S.Abbasova son sözündə Elinanın ölümündə heç bir günahı olmadığını deyib:

“25 ildir müəlliməyəm, məktəbdə, universitetdə dərs demişəm. Həmişə işimə məsuliyyətlə yanaşmışam. Test imtahanı ilə direktorluğa qəbul olmuşam. 625 namizəd içində ilkin direktor təyin olunan 12 direktordan biriyəm. Direktor olduğum 3 il ərzində məktəbin nəticələrində xeyli irəliləyiş olub. İşimdə heç zaman səhlənkar olmamışam. İttihamların heç birini qəbul etmirəm”.

Məhkəmə hökmü elan etmək üçün müşavirəyə çıxıb. Müşavirədən sonra hakim Azər Tağıyevin hökmü ilə S.Abbasova barəsində 2 il 2 ay 14 gün müddətinə azadlığın məhdudlaşdırılması, mülki iddiaya görə isə 18 min manat tutularaq Elinanın anasına ödənilməsinə qərar verilib.

S.Abbasova elektron qolbaq taxaraq müəyyən olunmuş ərazidə sərbəst hərəkət edə biləcək. O bu müddət ərzində saat 23:00-dan 07:00-dək evdən çıxa bilməz.

BakuCity.az

#Elina #məhkəmə #məktəb direktoru

Şərhlər

Elan
live comments feed...