Bakıda danışma və eşitmə qüsurlu uşaqlar üçün film nümayiş olunub - FOTO

Bakıda danışma və eşitmə qüsurlu uşaqlar üçün film nümayiş olunub - FOTO

Bakıda Nizami Kino Mərkəzinin, Əmək və Əhalinin Sosial Müdafiəsi Nazırliyinin və “Şəmsi Əsədullayev” xeyriyyə ictimai birliyinin dəstəyi ilə milli “Bir qalanın sirri” bədii filmi surdotərcümə ilə danışma və eşitmə qüsuru olan uşaqlara nümayiş olunub.

BakuCity.az xəbər verir ki, nümayişdən əvvəl layihənin rəhbəri Cəsarət Hüseynzadə “Bir qalanın sirri” filminin surdo-tərcümə versiyasının nazirliyin maliyyə dəstəyi ilə “Şəmsi Əsədullayev” xeyriyyə ictimai birliyi tərəfindən həyata keçirilən “Eşitmə və nitq qabiliyyəti olmayan sağlamlıq imkanları məhdud uşaqlar üçün kütləvi informasiya vasitələri vasitəsilə surdoloji maarifləndirmə xidmətlərinin aparılması” layihəsi çərçivəsində hazırlandığını bildirib və gələcəkdə maarifləndirici videoların, cizgi filmlərinin surdotərcumə ediləcəyini qeyd edib.

Daha sonra çıxış edən dövlət qurumlarının nümayəndələri və vətəndaş cəmiyyəti təşkilatlarının rəhbərləri layihənin əhəmiyyətindən danışıblar.

Film tamaşaçılar tərəfindən böyük maraqla izlənilib.

Xatirladaq ki, Azərbaycanda ilk dəfə və davamlı olaraq surdotərcüməli filmlər Nizami Kino Mərkəzində təmənnasız nümayiş olunur.

Bakıda danışma və eşitmə qüsurlu uşaqlar üçün film nümayiş olunub - FOTO, fotoşəkil-1 Bakıda danışma və eşitmə qüsurlu uşaqlar üçün film nümayiş olunub - FOTO, fotoşəkil-2 Bakıda danışma və eşitmə qüsurlu uşaqlar üçün film nümayiş olunub - FOTO, fotoşəkil-3

BakuCity.az

Bakı kino
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər