Bakıda bu yollar bağlandı - İşə avtomobilsiz gedin

Bakıda bu yollar bağlandı - İşə avtomobilsiz gedin

Bakının mərkəzində nəqliyyatın hərəkəti məhdudlaşdırılıb.

Bakı Şəhər Baş Polis İdarəsinin Dövlət Yol Polisi idarəsinin şöbə rəisi Vaqif Əsədov BakuCity.az-a bildirib ki, paytaxtda Qoşulmama Hərəkatına üzv ölkələrin dövlət və hökumət başçılarının XVIII Zirvə görüşünün keçirilməsi ilə əlaqədar, bu gün saat 08:30-dan Heydər Əliyev Mərkəzi, Bakı Konqres Mərkəzi, "Hyatt Regency” hoteli istiqamətinə doğru kəsişən, bitişən küçə və prospektlərdə avtomobillərin hərəkət istiqaməti dəyişdiriləcək, xüsusilə paytaxtın Nərimanov rayonu ərazisindəki Xətai və Təbriz küçələri istiqamətində, Həsənoğlu və Qədirbəyov küçələri ilə kəsişməsində avtomobillərin hərəkətinə tam məhdudiyyət qoyulacaq.

V.Əsədov həmçinin bildirib ki, Bakı-Salyan yolunun 14-cü kilometrindən, yəni Lökbatan dairəsindən mərkəzə doğru hərəkət edən avtomobil sürücülərinin kənar dairəvi yolla Yasamal rayonu ərazisindən keçməklə hərəkət etməsi nəzərdə tutulub:

“Bir daha sürücülərin nəzərinə çatdırırıq ki, keçirilən tədbirlə əlaqədar, paytaxtın Azneft dairəsi, Niyazi küçəsi, Neftçilər prospekti, R.Rza, Bakıxanov, Y.Səfərov, K.Rəhimov, Ü.Hacıbəyov, Z.Əliyeva küçələri, İnşaatçılar, N.Nərimanov prospektləri, 10-cu zavod dairəsi, H.Əliyev prospekti, M.Hüseyn və T.Elçin küçələrinə bitişən və kəsişən digər küçələrdə mümkün qədər avtomobillərdən istifadə etməsinlər”.

BakuCity.az

Bakı bağlı yollar
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər