"Kvartal-95"in ulduzu: Bakının səmimi ab-havası və qonaqpərvər insanları var - FOTO

"Kvartal-95"in ulduzu: Bakının səmimi ab-havası və qonaqpərvər insanları var - FOTO

Oktyabrın 24-də Bakının Heydər Əliyev Sarayında Ukraynanın məşhur “Studiya Kvartal-95" yumoristtik şousunun konserti olub.

Konsert başlamazdan əvvəl BakuCity.az-ın müxbiri şounun əsas aktyorlarından biri olan Yevgeni Koşevoyla söhbət edib. Söhbət sənətçilərin Azərbaycan mətbəxinin ləziz təamlarından olan düşbərə və xəngəli müzakirə etdikləri bir vaxta təsadüf edib.

“Mən ilk dəfədir Bakıya gəlirəm, lakin vaxtımız məhdud olduğundan şəhəri çox gəzə bilmədim. Dostlarım isə şəhər gəzintisinə çıxa bildilər. Onlar hər şeydən çox məmnun idilər. Mənsə, düzünü desəm, başımı yastıqdan qaldırmadım, çünki səhnəyə çıxmazdan öncə dincəlməliydim”, - Y.Koşevoy bildirib.

Aktyorun sözlərinə görə, oktyabrın 23-ü gecə Bakını gəzə bilib və şəhərin axşam mənzərəsi çox xoşuna gəlib:

Y.Koşevoy, həmçinin bir qədər narahat olduğunu etiraf edib, çünki bu, onların Bakı tamaşaçısı qarşısında ilk çıxışları olub:

“Bakı sakinlərinin zarafatlarımızı və nömrələrimizi necə qəbul edəcəyi, necə reaksiya verəcəyini bilmirik. Gələrkən yoldaşlarımla birgə tamaşaçıya hər şeyi düzgün şəkildə çatdırmaq üçün proqramı dörd dəfə təkrar etmişik. Əvvəlcə bizim dildə olan, Ukraynaya aid xüsusiyyətləri səhnəcikdən çıxarmaq istədik. Lakin sonra fikrimizdən daşındıq, çünki bu, bizim əsas özəlliyimizdir”.

"Kvartal-95"in ulduzu: Bakının səmimi ab-havası və qonaqpərvər insanları var - FOTO, fotoşəkil-1 "Kvartal-95"in ulduzu: Bakının səmimi ab-havası və qonaqpərvər insanları var - FOTO, fotoşəkil-2 "Kvartal-95"in ulduzu: Bakının səmimi ab-havası və qonaqpərvər insanları var - FOTO, fotoşəkil-3 "Kvartal-95"in ulduzu: Bakının səmimi ab-havası və qonaqpərvər insanları var - FOTO, fotoşəkil-4 "Kvartal-95"in ulduzu: Bakının səmimi ab-havası və qonaqpərvər insanları var - FOTO, fotoşəkil-5

Konsert Ukrayna şousunun məşhur zarafatları və səhnəcikləri ilə tanış olan çox sayda pərəstişkarlarını toplayıb. Ancaq heç kim konsertin əsas proqramının başlanğıcında ekranda müəllif, rejissor, aparıcı aktyor və indi Ukrayna Prezidenti olan Vladimir Zelenskinin görünəcəyini gözləmirdi. "Axşam məhəlləsi"nə xoş gəldiniz" deyərək Bakı publikasını salamlayan V.Zelenski şou pərəstişkarlarının gurultulu alqışlarını qazanıb.

"Bakının səmimi ab-havası və qonaqpərvər insanları var!" - sözləri ilə Y.Koşevoy şou proqramı açıq elan edib. Konsertdə “Zima” Beynəlxalq Uşaq Festivalında vokal müəllimi olan Ukraynanın Əməkdar artisti Rimma Şapovalova da iştirak edib. Y.Koşevoy R.Şapovalovanı ad günü münasibətilə təbrik edib, ona gül buketi təqdim edib. Sonra "Veçerniy kvartal" adlı konsert şousunun əsas hissəsi başlayıb.

Proqramın əksər hissəsi siyasi nömrələrdən ibarət olub. Ailə və məişət mövzusunda da maraqlı nömrələr təqdim olunub. “Kvartal Girls Band”in qızları öz musiqiləri ilə gecəyə rəng qatıblar.

Konsertin sonunda aktyorlar onları səmimi qəbul etdiklərinə və yaratdıqları xüsusi ab-havaya görə tamaşaçılara təşəkkür ediblər. Ukraynalı aktyor, teleaparıcı, “Kvartal-95”in artisti Sergey Kazanin şəhərə baxmaq və bütün komandanı əvvəlcədən hazırlamaq üçün Bakıya hamıdan öncə gəldiyini deyib.

“Kvartal-95” sonda öz mahnılarını ifa edib.

"Kvartal-95"in ulduzu: Bakının səmimi ab-havası və qonaqpərvər insanları var - FOTO, fotoşəkil-6 "Kvartal-95"in ulduzu: Bakının səmimi ab-havası və qonaqpərvər insanları var - FOTO, fotoşəkil-7 "Kvartal-95"in ulduzu: Bakının səmimi ab-havası və qonaqpərvər insanları var - FOTO, fotoşəkil-8 "Kvartal-95"in ulduzu: Bakının səmimi ab-havası və qonaqpərvər insanları var - FOTO, fotoşəkil-9 "Kvartal-95"in ulduzu: Bakının səmimi ab-havası və qonaqpərvər insanları var - FOTO, fotoşəkil-10

Züleyxa İsmayılova

FOTO: Nicat Alili

BakuCity.az

Kvartal-95 Ukrayna konsert
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər