“Bakı İnkişaf Zirvəsi” adlı forumun açılışı olub - FOTO

“Bakı İnkişaf Zirvəsi” adlı forumun açılışı olub - FOTO

Forum iştirakçılar tərəfindən maraqla qarşılanıb.

BakuCity.az xəbər verir ki, 25 oktyabrda Şüvəlan Sağlamlıq və İstirahət Mərkəzində "My Production"ın təşkilatçılığı ilə “Bakı İnkişaf Zirvəsi” adlı psixoloq və pedaqoqların təkmilləşmə və inkişaf forumunun açılış mərasimi baş tutub.

Azərbaycan Respublikasının Dövlət Himninin səsləndirilməsi ilə açıq elan olunan təlim layihənin rəhbəri psixoloq və təlimçi Vüsalə Əmiraslanovanın nitqi ilə öz işinə başlayıb.

V.Əmiraslanova növbəti üç gün ərzində davam edəcək təlimin məqsədi və əhəmiyyəti haqqında iştirakçılara ətraflı məlumat verib:

“Psixoloq, pedaqoq, eyni zamanda, bu sahəyə marağı olan hər kəs üçün nəzərdə tutulmuş proqramda psixologiya və pedaqogika ilə bağlı bir sıra mövzularda – hipnozun sirləri, davranış pozuntularının aradan qaldırılması, duyğularla işləmə, liderlik, işimizdəki güvəni tam inkişaf etdirmək, iş həyatında uğur qazanmağın sirləri və s. haqqında təlimlər keçirməyi nəzərdə tutmuşuq. Təlimçilər isə Türkiyədən - Yaşam Psixoloji Mərkəzindən dəvət olunmuş mütəxəssislər Kunter Kurt, İzzet Zülküf Çelik və Cevher Sönməzdir”.

Forumun ilk təlimi məhz layihənin rəhbəri V Əmiraslanova tərəfindən gerçəkləşib. O, “Uğura gedən yol” adlı mövzu ilə maraqlı tərəflərə toxunaraq, motivasiya dolu məruzə ilə çıxış edib. Musiqi proqramı ilə davam edən tədbirə rəssamların əsərləri, "Libraff" Kitab Evinin kitabları, eyni zamanda, əl işlərindən ibarət stendlər rəngarənglik qatıb.

Qeyd edək ki, “Bakı İnkişaf Zirvəsi” adlı Forumda psixoloq İzzet Zülküf Çelik “Hipnoterapinin incelikleri”, psixoloq Kunter Kurt “Duygu və davranışlarımızın patronu olmak”, psixoloq Cevher Sönmez isə “İçimizdeki devi uyandırma (Kendini tanıma ve gerçekleçdirme)” kimi mövzularda məruzə edəcəklər.

Gün ərzində keçirilən interaktiv diskussiyalar və psixoloqlarla fərdi görüşlər təlimi daha da maraqlı edəcək.

Həmçinin, gün ərzində dörd dəfə qidalanma, rahat otaqlarda gecələmə, yüksək nəqliyyat xidməti, hər axşam əyləncəli proqram, fotosessiya və digər imkanlar forum iştirakçılarının xidmətində olacaq. Bundan əlavə, istirahət mərkəzində kitabxana, kinoteatr, futbol və basketboll meydançaları, tenis və şahmat mərkəzləri də iştirakçılar üçün açıq olacaq.

Təlimin son günü – 28 oktyabr tarixində iştirakçılara beynəlxalq sertifikat təqdim olunacaq.

İnformasiya dəstəyi - BakuCity.az

Ramilə Qardaşxanqızı

BakuCity.az

forum
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər