Bakıda iki qardaş "İnfiniti"dən 70 minlik oğurluq etdi - FOTO

Bakıda iki qardaş "İnfiniti"dən 70 minlik oğurluq etdi - FOTO

Oğrular həbs edilib

Bakıda avtomobildən külli miqdarda pul və qızıl-zinət əşyaları oğurlayan qardaşlar saxlanılıb.

Daxili İşlər Nazirliyindən BakuCity.az-a verilən məlumata görə, paytaxt sakini Elşən Rəhimov oktyabrın 24-də Xətai Rayon Polis İdarəsinə ərizə ilə müraciət edərək həmin gecə ona məxsus “İnfiniti” markalı avtomobilin yaşadığı evin həyətində qabaq sol yan şüşəsinin sındırıldığını və nəqliyyat vasitəsinin saxlanc yerindən 14 min manat dəyərində 65 karat brilyant qaşların, 11 200 manat dəyərində 170 qram çəkidə qızıl-zinət əşyalarının, 10 000 ABŞ dolları, 3000 avro və 1500 manatının naməlum şəraitdə oğurlandığını bildirib.

Xətai RPİ Cinayət Axtarış və 37-ci Polis şöbəsi əməkdaşlarının, həmçinin ekspert-kriminalistlərin iştirakı ilə hadisə yerinə baxış keçirilib. Araşdırma zamanı zərərçəkən şəxsə ümumilikdə 69 458 manat miqdarında maddi ziyanın dəydiyi məlum olub. Polis əməkdaşlarının həyata keçirdikləri təxirəsalınmaz əməliyyat-axtarış tədbirləri nəticəsində qeyd edilən hadisəni törəkməkdə təqsirli bilinən Xəzər rayon sakinləri Rüfət Şahbazov və qardaşı Mürüfət saxlanılaraq istintaqa təqdim ediliblər. Onlardan oğurluq yolla əldə etdikləri pul və qızıl-zinət əşyaları aşkar olunaraq maddi sübut kimi götürülüb.

R.Şahbazov və M.Şahbazov Cinayət Məcəlləsinin 177.3.2-ci maddələri ilə təqsirləndirilən şəxs qismində cəlb edilməklə barələrində məhkəmənin qərarı ilə həbs qətimkan tədbiri seçilib. Araşdırmalar davam etdirilir.

Bakıda iki qardaş "İnfiniti"dən 70 minlik oğurluq etdi - FOTO, fotoşəkil-1 Bakıda iki qardaş "İnfiniti"dən 70 minlik oğurluq etdi - FOTO, fotoşəkil-2 Bakıda iki qardaş "İnfiniti"dən 70 minlik oğurluq etdi - FOTO, fotoşəkil-3 Bakıda iki qardaş "İnfiniti"dən 70 minlik oğurluq etdi - FOTO, fotoşəkil-4 Bakıda iki qardaş "İnfiniti"dən 70 minlik oğurluq etdi - FOTO, fotoşəkil-5 Bakıda iki qardaş "İnfiniti"dən 70 minlik oğurluq etdi - FOTO, fotoşəkil-6 Bakıda iki qardaş "İnfiniti"dən 70 minlik oğurluq etdi - FOTO, fotoşəkil-7

BakuCity.az

Bakı oğurluq
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər