• Ana səhifə
  • İspan heykəltəraş İsaak Kordalın heykəlləri Bakıya hədiyyə ediləcək - FOTO
15:29, 29 oktyabr 2019

İspan heykəltəraş İsaak Kordalın heykəlləri Bakıya hədiyyə ediləcək - FOTO

İspan heykəltəraş İsaak Kordalın heykəlləri Bakıya hədiyyə ediləcək - FOTO

Paytaxtda ikinci mədəni irs festivalının açılışı münasibətilə mətbuat konfransı keçirilib

BakuCity.az xəbər verir ki, II “FANTAZIA” festivalının başlaması münasibətilə “Landmark” biznes mərkəzinin “Ratunda” salonunda mətbuat konfransı keçirilib.

Konfransın məruzəçiləri sırasında “UnitedCultures”MMC-nin nümayəndəsi Könül Hilal, professor, memar Elçin Əliyev, Avropa İttifaqının Azərbaycandakı nümayəndəliyinin rəhbəri Kestutis Yankauskas, Fransanın Azərbaycandakı səfiri Zakari Qros, Belçikanın Azərbaycandakı səfiri Bert Şufs, Moldovanın Azərbaycandakı səfiri George Leuka və Aİ-nin Azərbaycandakı nümayəndə heyətinin ilk müşaviri Denis Daniilidis olub.

Saytımıza verdiyi açıqlamada D.Daniilidis bu il festivalın proqramının xeyli genişləndirildiyini qeyd edib:

“Festivala 10 MDB ölkəsindən nümayəndələr, habelə üçüncü ölkələrin təmsilçiləri qatılacaqlar. Tədbir müxtəlif ölkələrdən beş məşhur memarın iştirak edəcəyi konfransla açılacaq. Bundan əlavə, “Europa Nostra”nın (Mədəni İrsin Qorunması üzrə Avropa Federasiyası) direktoru da tədbirdə iştirak edəcək”.

MDB nümayəndə heyətinin müşavirinin sözlərinə görə, festivalın qonaqlarını böyük bir sürpriz gözləyir:

“Azərbaycanın müvəqqəti muzeyi indiyədək heç kimin görmədiyi əşyaları nümayiş etdirəcək. İçərişəhərdə ispan heykəltəraş İsaak Kordalın kiçik heykəlləri sərgilənəcək. Bu əsərlər festivalımızın şəhərinizə hədiyyəsidir və Bakıda qalacaq. Ümumiyyətlə, teatr tamaşaları, filmlər, konfranslar, sərgilər və s. kimi bir çox maraqlı tədbirlər təşkil ediləcək”.

Memar Elçin Əliyev isə BakuCity.az-a açıqlamasında "FANTAZİA"nın Azərbaycanı və Avropanı qarşılıqlı şəkildə zənginləşdirdiyini söyləyib:

"Bu, çox gözəl festivaldır. Çünki Avropa mədəniyyətindən bəhs edir və müxtəlif ölkələrdən çox sayda qonaq irsimizlə tanış olur”.

Həmçinin oxu: Filarmoniya bağı: Musiqi və təbiətin harmoniyası - FOTOREPORTAJ

Qeyd edək ki, festival noyabrın 1-dən 15-dək davam edəcək.

Festival Aİ-yə üzv dövlətlər və üçüncü ölkələr – Fransa, Bolqarıstan, İtaliya, Finlandiya, Belçika, Niderland, Macarıstan, Moldova, Meksika, Argentina, Tacikistan, Venesuella, o cümlədən yerli tərəfdaşlar – Azərbaycan Mədəniyyət Nazirliyi, Bakı şəhər Mədəniyyət Baş İdarəsi, "İçərişəhər" Tarixi-Memarlıq Qoruğu İdarəsi tərəfindən təşkil olunub. 

Züleyxa İsmayılova

FOTO: Nicat Alili

BakuCity.az

#festival #Avropa İttifaql

Şərhlər

Elan
live comments feed...