Bakıda ilk dəfə! – “La Skala” teatrı - FOTO

Bakıda ilk dəfə! – “La Skala” teatrı - FOTO

“La Skala” ulduzları Bakıda çıxış edəcəklər

Yalnız 23 noyabr, saat 20:00-da Heydər Əliyev Mərkəzinin səhnəsində İtaliyanın məşhur “La Skala” teatrının ulduzları Üzeyir Hacıbəyli adına Azərbaycan Dövlət Simfonik Orkestrinin müşayəti ilə çıxış edəcəklər. 

BakuCity.az xəbər verir ki, “La Skala” teatrı (italyanca: “Teatro alla Scala” və ya “La Scala”) - əzəmət və lüks ilə zəngin dünya opera mədəniyyətinin mərkəzidir. Teatrın solistləri dünyada anşlaqla qarşılanır.

Konsert proqramında dünya klassiklərinin qızıl fondu hesab olunan əsərlərdən – C.Verdi "Traviata", "Riqoletto", "Trubadur", J.Bizenin "Karmen", C.Puççininin "Toska", "Bohema", Q.Donisettinin "Sevgi şərbəti", V.A.Motsartın "Don Juan", P.Çaykovskinin "Yevgeni Onegin" operalarından solo partiya və duetlər, populyar italyan mahnıları və s. yer alacaq.

İtalyan bariton Covanni QUALYARDO ifaçı kimi uzun illərdir tamaşaçıların sevgisini qazanıb. Milandakı “La Skala” teatrı, Roma Opera Teatrı, Palermodakı Massimo Teatrı, Genuyadakı Karlo Feliçe Teatrı, Kataniyadakı Massimo Bellini Teatrı, Verona Filarmoniya Teatrı, Pyaçentsa Bələdiyyə Teatrı, Torre del Laqo Puççini Festivalı, Pekindəki Milli İfaçılıq Sənəti Mərkəzinin solistidir.

Bruno Kampanella, Daniel Hardinq, Daniel Oren, Yuber Sudan və Myon-Vun Çunq kimi nüfuzlu dirijorlarla qastrollarda olur. 

Mükəmməl italyan opera ifaçısı Massimiliano PİZAPİA parlaq karyerasını Milandakı “La Skala” teatrı, Sürix Opera Teatrı, Münhendəki Bavariya Dövlət Operası, Hamburq Dövlət Operası, Vyana Dövlət Operası, Leypsiq Operası, Buenos-Ayresdəki “Kolon” teatrı, Santyaqo Bələdiyyə Teatrı (Çili), Valensiyadakı Kraliça Sofiya İncəsənət Mərkəzi, Turindəki Recio Teatrı, Arena di Verona, Parmadakı Recio Teatrı, Parisdəki Bastiliya Operasında qurub.

Həmçinin oxu: "Duman"ın möhtəşəm Bakı konserti - VİDEO

Möhtəşəm soprano Marina NAÇKEBİA isə Moskva Konservatoriyasında (professor Zurab Sotkilavanın sinfi) oxuyub. 2014-cü ildə orada da aspiranturanı bitirib.

Monserat Kabalye (2012), Luçiano Pavarotti (2012), Fransisko Vinyas (2013), Rikkardo Dzandonai (2013), Renata Tabeldi (2013), Marçello Ciordani (2014) və “Paris opera Awards” beynəlxalq müsabiqələrinin laureatı olub.

Onun qeyri-adi səsini İtaliyanın ən yaxşı teatrlarında – Parmadakı Recio Teatrında, Pyaçentsa Bələdiyyə Teatrında, Kataniyadakı Massimo Bellini Teatrında və Milandakı “La Skala” teatrında eşitmək olar.

Özünüzə və yaxınlarınıza əsl zövq yaşadın.

Yalnız sizin üçün dünyanın bütün aparıcı teatrlarında alqış qazanan ulduzlar çıxış edəcək!

Yüksək sənət bilicilərini laqeyd qoymayacaq bənzərsiz bir proqram hazırlamışıq.

Bu ilin ən iddialı tədbirində sizi gözləyirik!

Bilet almağa tələsin, yerlərin sayı məhduddur!

Bakıda ilk dəfə! – “La Skala” teatrı - FOTO, fotoşəkil-1 Bakıda ilk dəfə! – “La Skala” teatrı - FOTO, fotoşəkil-2 Bakıda ilk dəfə! – “La Skala” teatrı - FOTO, fotoşəkil-3 Bakıda ilk dəfə! – “La Skala” teatrı - FOTO, fotoşəkil-4 Bakıda ilk dəfə! – “La Skala” teatrı - FOTO, fotoşəkil-5 Bakıda ilk dəfə! – “La Skala” teatrı - FOTO, fotoşəkil-6 Bakıda ilk dəfə! – “La Skala” teatrı - FOTO, fotoşəkil-7 Bakıda ilk dəfə! – “La Skala” teatrı - FOTO, fotoşəkil-8

BakuCity.az

Bakı konsert La Skala
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər