Kirkorov: Bakıda ləzzətli xörəkləri yemək üçün arıqlamışam - FOTO

Kirkorov: Bakıda ləzzətli xörəkləri yemək üçün arıqlamışam - FOTO

Rus pop-musiqisinin kralı Bakıda verəcəyi konsertdə sürprizlərdən danışdı

Rusiyanın Xalq artisti Filipp Kirkorov övladları Alla-Viktoriya və Martinlə birgə növbəti dəfə Bakıya gəlib. Bu dəfə o, “#ЦветНастроения. Я+R” adlı yeni şousunu təqdim edəcək.

BakuCity.az xəbər verir ki, müğənnin 30-31 oktyabrda Bakı Konqres Mərkəzindəki konserti ilə əlaqədar olaraq düz Heydər Əliyev Beynəlxalq Hava Limanında mətbuat konfransı baş tutub.

Jurnalistlərə söhbət edən F.Kirkorov növbəti dəfə Bakı tamaşaçıları qarşısında çıxış edəcəyi üçün çox şad olduğunu bildirib, həmçinin Bakı Kristal Zalında ilk konsetini xatırladıb:

“30 illik yaradıcılıq fəaliyyətim ərzində Bakıya daha çox gələ bilərdim. Mən uzun müddət bunu arzulamışam, bu görüşü gözləmişəm. Emin Ağalarovun, “Jara” festivalının və Azərbaycandan olan dostlarımın dəstəyi sayəsində bir neçə il əvvəl ilk dəfə burada olmuşam. Həmin vaxt arzu etdim ki, yenidən və yenidən buraya qayıdım. Dünyanın ən gözəl zallarından biri olan Bakı Kristal Zalında çıxış etmək istəyirdim və yarım il sonra bu arzum gerçəkləşdi. Mən bunu yalnız doğma vətənim Bolqarıstanda, Varna şəhərindəki çıxışımla müqayisə edə bilərəm”.

Rusiya şou-biznesinin kralı məxsusi olaraq Bakıda Azərbaycan mətbəxinin sevimli təamlarından ləzzətlə dadmaq üçün arıqladığını da etiraf edib:

“Bakıya gəlmək dadlı yeməklərdən yemək, şəhəri gəzmək və uşaqlarla xoş vaxt keçirmək deməkdir. Yeri gəlmişkən, uşaqlarım Bakını çox sevir. Yayda “Jara” festivalına gələndə hiss etdim ki, uşaqlar burada olmalıdır. Onlar hər zaman soruşurdular ki, Bakıya yenə nə vaxt gedəcəyik?”

F.Kirkorov bu iki gündə uşaqları ilə şəhərin sevimli yerlərinə - Heydər Əliyev Mərkəzi, İçərişəhər, bulvar və əlbəttə ki, şopinqə getməyi planlaşdırır. Bundan başqa, müğənninin Azərbaycanın Xalq artisti Aygün Kazımovanın qonağı olacağı da gözlənilir:

“Aygün mənə bacı kimidir! O, möhtəşəm ifaçı və parlaq qadındır. Bu yay biz Aygünlə duet yazdırdıq və “Calma” mahnısına klip çəkdirdik.

30 oktyabrdakı şoumda isə Aygün Kazımova xüsusi qonağım olacaq. Biz növbəti uğurumuzu təkrarlamağa çalışacağıq. Bu dəfə biz ikinci mahnımız “Azərbaycan”ı hazırlamışıq".

F.Kirkorovla birgə Bakıya Rusiya və Avropada tanınan DJ – Katya Quseva da gəlib.

Sonda Rusiyanın Xalq artisti Azərbaycan Prezidentinin ailəsinə və AZAL aviaşirkətinə minnətdarlığını bildirib.

Kirkorov: Bakıda ləzzətli xörəkləri yemək üçün arıqlamışam - FOTO, fotoşəkil-1 Kirkorov: Bakıda ləzzətli xörəkləri yemək üçün arıqlamışam - FOTO, fotoşəkil-2 Kirkorov: Bakıda ləzzətli xörəkləri yemək üçün arıqlamışam - FOTO, fotoşəkil-3 Kirkorov: Bakıda ləzzətli xörəkləri yemək üçün arıqlamışam - FOTO, fotoşəkil-4 Kirkorov: Bakıda ləzzətli xörəkləri yemək üçün arıqlamışam - FOTO, fotoşəkil-5 Kirkorov: Bakıda ləzzətli xörəkləri yemək üçün arıqlamışam - FOTO, fotoşəkil-6 Kirkorov: Bakıda ləzzətli xörəkləri yemək üçün arıqlamışam - FOTO, fotoşəkil-7 Kirkorov: Bakıda ləzzətli xörəkləri yemək üçün arıqlamışam - FOTO, fotoşəkil-8 Kirkorov: Bakıda ləzzətli xörəkləri yemək üçün arıqlamışam - FOTO, fotoşəkil-9 Kirkorov: Bakıda ləzzətli xörəkləri yemək üçün arıqlamışam - FOTO, fotoşəkil-10 Kirkorov: Bakıda ləzzətli xörəkləri yemək üçün arıqlamışam - FOTO, fotoşəkil-11 Kirkorov: Bakıda ləzzətli xörəkləri yemək üçün arıqlamışam - FOTO, fotoşəkil-12 Kirkorov: Bakıda ləzzətli xörəkləri yemək üçün arıqlamışam - FOTO, fotoşəkil-13 Kirkorov: Bakıda ləzzətli xörəkləri yemək üçün arıqlamışam - FOTO, fotoşəkil-14

Züleyxa İsmayılova

BakuCity.az

Bakı Filipp Kirkorov konsert
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər