Bakıda "Kənddən Şəhərə" yarmarkaları ilə bağlı YENİLİK

Bakıda "Kənddən Şəhərə" yarmarkaları ilə bağlı YENİLİK

Yarmarkaların sayı 5-ə çatdırılacaq

Kənd Təsərrüfatı Nazirliyinə məxsus “Aqrar Tədarük və Təchizat” ASC Bakıda “Kənddən şəhərə” yarmarkalarının keçirdildiyi yerlərin sayını artırmaq istəyir. 

BakuCity.az xəbər verir ki, bu barədə ASC-nin mətbuat katibi Mayis Musayev “Report”a bildirib. 

"Hazırda yarmarkalarımız paytaxtın Yasamal, Binəqədi və Nərimanov rayonlarında təşkil edilir. Bu ilin sonuna qədər daha iki yerdə yarmarka təşkil etməyi planlaşdırırıq. Hələ ki, həmin yerlər məlum deyil", - o deyib.

Xatırladaq ki, “Aqrar Tədarük və Təchizat”ın “Kənddən Şəhərə” layihəsi kiçik və orta fermer təsərrüfatı sahiblərinin yetişdirdiyi məhsulların satışına dəstək məqsədilə həyata keçirilir. Bundan başqa, “Kənddən Şəhərə” markası altında kənd təsərrüfatı məhsullarının keyfiyyətinə və sortuna görə qruplaşdırılaraq qablaşdırılması, brendləşdirilməsi həyata keçirilir. Bu günə qədər müxtəlif bal növləri, “Haşimi” düyüsü, Cəlilabad noxudu, Zaqatala çayı qablaşdırılaraq satışa təqdim olunub.

BakuCity.az

Bakı yarmarka kənd təsərrüfatı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər