Xəmir yeməklərini sevənlərə həkim məsləhəti - Bakı restoranlarında QİYMƏTLƏR + SİYAHI

Xəmir yeməklərini sevənlərə həkim məsləhəti - Bakı restoranlarında QİYMƏTLƏR + SİYAHI

Xəmir yeməklərinə sadiq qalanlar üçün menyu

Milli mətbəximizin xüsusi təamları sayılan xəmir yeməkləri bir çox paytaxt sakininin də həssas nöqtəsidir. Yəni paytaxtda “hava soyuqdursa, deməli, əsl xəngəl havasıdır”, - deyənlər az deyil. Lakin mütəxəssislər gürzə, düşbərə, qutab və s. kimi xəmir xörəklərindən çox qəbul etməyin zərərli olduğunu vurğulayır.

Xəmir yeməkləri immun sistemini gücləndirirmi? Daha az xəmir xörəyi yemək üçün nə etmək lazımdır? Ümumiyyətlə, xəmir yeməkləri hansı xəstəliklərin yaranmasına səbəb olur?

BakuCity.az-ın bu və ya digər suallarını həkim-dietoloq, pəhrizlə bağlı kitabların müəllifi Leyla Zülfüqarlı cavablandırıb. 

Xəmir yeməkləri immun sistemini gücləndirmir

L.Zülfüqarlı hesab edir ki, azərbaycanlıları kökəldən, belə demək mümkünsə, milli səbəblər var. Onlardan da ən başlıcası milli mətbəxdir:

“Milli mətbəximizdə yüksək kalorili qidalar sırasında xəmir yeməkləri də var. Əksər insanlar hesab edir ki, soyuq aylarda yeyilən xəmir yeməkləri daxili temperaturu yüksəldir və soyuqla yanaşı, xəstəliklərə qarşı da dözümlülük yaradır. Bu, haradasa yanlış düşüncədir. Xəmir yeməklərində karbohidrat olduğuna görə insanı tox saxlayır və xoş əhval-ruhiyyə yaradır, amma müvəqqəti.

Soyuq aylarda iltihabi xəstəliklərə qarşı müqavimətimizin güclü olması üçün bizim antioksidant depomuz güclü olmalıdır. Antioksidant isə daha çox ət, meyvə və vitaminli mikro-elementlər zəngin olan qidalardan alınır. Düzdür, un insan orqanizmi üçün vacib hesab olunan B qrup vitaminlərlə zəngindir, amma unun verdiyi həmin maddələr gün ərzində alacağımız digər qidalarda da çoxluq təşkil edir. Bir sözlə, xəmir yeməkləri ilə mədəmizi yükləmək bizə gözləntilərimizin əvəzinə artıq kalori və çəki verir”.

Həkim-dietoloqun fikrincə, xəmir xörəkləri az yeyildikcə ona qarşı istək də azalır. Bu da insan orqanizmində olan insulin hormonu ilə əlaqəlidir:

“İnsulin hormonu bizi şəkərdən qorumaq üçün daimi dövriyyədədir. Daha çox karbohidratla bəsləndiyimiz zaman isə insulini artırmış oluruq ki, bu da əks reaksiya verir – piylənməyə səbəb olur və tip 2 diabetik mərhələdən əziyyət çəkməyimizlə nəticələnir. Təəssüf ki, tip 2 diabetik xəstəliklərdən ölkədə əziyyət çəkənlərin sayı da çoxdur”.

Xəmir yeməklərini sevənlərə həkim məsləhəti - Bakı restoranlarında QİYMƏTLƏR + SİYAHI, fotoşəkil-1
Xəmir yeməklərini sevənlərə həkim məsləhəti - Bakı restoranlarında QİYMƏTLƏR + SİYAHI, fotoşəkil-1

“Onlar milli mətbəxə sadiqdirlər və sağlam həyat tərzini seçməyiblər”

Kimlərin xəmir yeməklərini xoşlamasına gəlincə, L.Zülfüqarlının sözlərinə görə, o insanlar ki, həftədə iki-üç dəfə xəmir xörəyi yeyir və yenə istəyir, deməli, onlarda karbohidrat mübadiləsinin pozğunluğu yaranıb:

“İllərlə müalicə etdiyim insanlarda bu problem var və adi “chek-up” müayinə ilə səbəbi taparaq problemi həll edə bilirik. Amma bu tip insanlar birdən-birə xoşladıqları yeməklərdən imtina edə bilmədiyi üçün ayda maksimum iki dəfə yemələrini tövsiyə edə bilirəm. Bu da o insanlara aiddir ki, onlar milli mətbəxə sadiqdirlər və sağlam həyat tərzini seçməyiblər.

Həmçinin oxu: Bakıdakı təmizlik şirkətləri: xidmət fərqi və QİYMƏTLƏR

Xəmir yeməklərini bəyənməyən insanlara isə ümumiyyətlə, bu yeməklərə öyrəşməməyi tövsiyyə edirəm. Çünki xəmir yeməklərində qlüten ağırlığı da var. Biz, ümumiyyətlə, xalq olaraq qlütenə çox həssasıq. Bu səbəbdən də hər beş nəfərdən dördündə qəbizlik, köpmə və s. kimi bağırsaq problemləri var”. 

Mütəxəssis deyir ki, xüsusilə, kişilər arasında “yeyirəm, sonra gedib idman edirəm” deyə fikir də formalaşıb:

“Problem sadəcə kalorinin artıqlığında deyil, qida tərkibinin sağlam olmamasındadır. Sağlam olmayan tərkib isə bədənə neyromoral – endokrin istiqamətlərdə ziyan verir”.

Tip 2 şəkərli diabet və qlüten həssaslığı

Tip 2 şəkərli diabet hiperqlikemiya, insulinə rezistentlik və insulin sekresiyasının pozulması ilə xarakterizə olunur. Mütəxəssislərin fikrincə, tip 2 şəkərli diabet xəstəliyinin inkişafı riski yüksək olsa da, geniş əhali kütləsi arasında onun profilaktikası imkanları məhduddur.

Qlüten buğda, çovdar və arpanın tərkibində mövcud olan elastik bir proteindir. “Yapışdırıcı” mənasını verir. Qlüten həssaslığı, allergiyası, yaxud tibbi adı ilə “Celiac” xəstəliyi olan insanlar bu proteini qəbul etdikləri an immun sistemi bədənə “düşmən” daxil olduğunu düşünərək, öz hüceyrələrinə hücum etməyə başlayır və nəticədə kiçik bağırsağa çox ciddi zərər vurur. 

Həmin vaxt kiçik bağırsağın divarlarında olan barmağabənzər, balaca hissəciklər bu proteini gördükləri an iltihablanaraq yastılaşırlar. Bu çıxıntıların əsas vəzifəsi bağırsağa düşən qidaların tərkibindəki zəruri maddələrin bədənə sorulması olduğu üçün bu qabiliyyətlərini itirdikləri an orqanizmdə mədə-bağırsaq simptomları özünü göstərir və insanlarda ürəkbulanma, ishal, qəbzlik, şişkinlik, qarın ağrısı, yorğunluq, zəiflik, baş ağrıları, qusma, qan azlığı, sümük və oynaq ağrıları, dildə şişkinlik, ağızda yaralar, əsəb pozğunluğu, dəri xəstəlikləri və artıq çəki problemləri yaranır. 

Qlüten dözümsüzlüyü cinsindən asılı olmayaraq özünü uşaq yaşlarından biruzə verir, müalicəsi isə yoxdur. Yeganə xilas yolu “qlütensiz həyat tərzi” yaşamaqdan keçir.

Xəmir yeməklərini sevənlərə həkim məsləhəti - Bakı restoranlarında QİYMƏTLƏR + SİYAHI, fotoşəkil-2
Xəmir yeməklərini sevənlərə həkim məsləhəti - Bakı restoranlarında QİYMƏTLƏR + SİYAHI, fotoşəkil-2

Bütün bu deyilənlərə rəğmən, xəmir yeməklərinə sadiq qalanlar üçün menyu

Milli mətbəxə sadiq qalanlar üçün paytaxtda fəaliyyət göstərən 10 restoranda təklif olunan menyularla da maraqlandıq. Məlum oldu ki, paytaxtda əksər restoran və kafelərdə xəmir yeməkləri servis edilir. Menyular təxminən eyni olsa da, qiymətlərdə fərq var.

Qiymət cədvəli:

Restoran

Yemək

Qiymət

CafeCity Fountain

Gürzə

7.00 AZN

Gürzə (qızardılmış)

6.90 AZN

Düşbərə

2.80 AZN


Anadol
u

Gürzə

4.30 AZN

Qızardılmış gürzə

4.80 AZN

Düşbərə

3.10 AZN

Qızardılmış düşbərə

3.40 AZN

İlisu

Düşbərə

3.00 AZN

Sürhüllü (quru və yaş ətlə)

8.00 AZN

Gürcü xəngəli (1 ədədi)

0.50 AZN

Yarpaq xəngəli (qiymə)

3.00 AZN

Yarpaq xəngəli - toyuqla, buxarda və lobya şorbası ilə

5.00 AZN

Xaçapuri

3.00 AZN


Qazmaq

Xingəl (250 qram)

6.00 AZN

Gürzə (220 qram)

6.00 AZN

Təndir & Kabab

Yarpaq xəngəli (250 qram – quzu və çolpa ilə)

6.00 AZN

Gürzə (10 ədəd)

6.00 AZN

Mari Vanna

Qızıl balıqla pelmeni

16.00 AZN

Quzu әti ilә pelmeni

10.00 AZN

Dana әtindәn olan sibirsayağı pelmeni

11.00 AZN

Kartoflu, albalı vә fermer qaymağı ilә vareniklәr

10.00 AZN

Kәsmikli varenik

8.00 AZN

Restoran Teleqüllə

Düşbərə

5.00 AZN


Firuzə

Yarpaq xəngəli (300 qram)

6.50 AZN

Gürzə (200 qram)

7.50 AZN


Naxçıvan

Düşbərə

6.00 AZN

Əriştə

6.00 AZN

Sumax

Gürzə

13.00 AZN

Gürzə (nar şirəsində)

14.00 AZN

Yarpaq xəngəli (yağda qovrulmuş quzu qiyməsi və soğanla)

16.00 AZN

Düşbərə

7.00 AZN

Əriştə

8.00 AZN

Nuş Olsun! 

Ramilə Qardaşxanqızı

BakuCity.az

Bakı xəmir yeməkləri həkim menyu
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Cəmiyyət
Azərbaycan Ordusu Xankəndidə erməni ordusunun üç əsas nöqtəsini məhv edib. "Ermənistandan fərqli olaraq Azərbaycan Ordusu heç vaxt mülki şəxsləri hədəfə almır. Xankəndi və başqa şəhərlərə baxsaq, görərik ki, Ermənistan ordusu atəş nöqtələrini, hərbi obyektləri insanların yaşadıqları yerlərdə qoyurlar, oradan da Azərbaycanı hədəfə alırlar. Bu, terrorçuların istifadə etdikləri üslubdur". BakuCity.az xəbər verir ki, bunu Azərbaycan Respublikası Prezidentinin...
Cəmiyyət
Ermənistanın sabiq baş naziri Vazgen Manukyan müharibədəki məğlubiyyətə görə Ermənistan rəhbərliyini istefa verməyə səsləyib. BakuCity.az xəbər verir ki, V.Manukyan bəyanat yayaraq, Ermənistanın hazırda tarixin ən biabırçı səhifələrini yaşadığını bildirib. “Təkcə Qarabağın deyil, Ermənistanın və erməniliyin gələcəyi də təhlükə altındadır. Bundan xilas olmaq üçün hökumət bütün hakimiyyəti orduya verərək istefaya getməlidir, özü də bunu könüllü şəkildə etməl...
Cəmiyyət
Mütəxəssis orduya dəstək nümayiş etdirib.  "Bakı Mərkəzi Elektrotökmə" ASC-nin idarə heyətinin sədri Cavid Haşımov bir qrup könüllü mülki texniki mütəxəssislərdən ibarət olan komandası ilə müharibənin ilk günlərindən cəbhə bölgələrində zədələnmiş hərbi nəqliyyat vasitələrinin operativ səyyar təmirini təşkil edir, yenidən döyüş sıralarına qaytarır. BakuCity.az xəbər verir ki, bu təşəbbüs Səfərbərlik və Hərbi Xidmətə Çağırış üzrə Dövlət Xidmətinə dəstək olar...
Cəmiyyət
Müdafiə Nazirliyi və Dövlət Sərhəd Xidməti birgə bəyanat yayıb. Azərbaycanın Müdafiə Nazirliyi və Dövlət Sərhəd Xidməti birgə bəyanat yayıb. BakuCity.az sözügüdən bəyanatı təqdim edir: “Yeni humanitar atəşkəs rejiminə riayət edən Azərbaycan bütün cəbhə boyu düşmənin törətdiyi təxribatlara təmkinlə yanaşaraq yalnız adekvat tədbirlər görür. Bundan istifadə edən Ermənistan isə cəbhənin müxtəlif istiqamətləri, xüsusilə də bərpa edilmiş dövlət sərhədləri üzrə v...
Cəmiyyət
Azərbaycanda koronavirusun bitəcəyi tarix açıqlanıb. Bu gün bütün dünyada, eləcə də Azərbaycanda koronavirusun ikinci dalğası yaşanır. Məhz buna görə də gündəlik yoluxma sayı artmaqdadır. Hətta bir neçə gün öncə yoluxanların sayı 950-yə yaxınlaşmışdı. Bu gün bir çoxlarını maraqlandıran məsələ koronavirusun nə zaman bitəcəyidir. BakuCity.az xəbər verir ki, bununla bağlı danışan professor Adil Qeybulla bildirib ki, insanlarımız karantin qaydalarına əməl etmə...
Cəmiyyət
"Azərbaycanın bu hərbi əməliyyatı tarixə düşəcək". BakuCity.az xəbər verir ki, bunu rusiyalı ekspert, jurnalist Maksim Şevçenko öz “Facebook” səhifəsində yazıb. O, Azərbaycan ordusunun uğurlarından və erməni qoşunları ilə silahlı toqquşmalarda qələbələrindən heyranlıq duyduğunu bildirib: “Azərbaycan ordusu Laçına yaxınlaşır. Erməni ordusunun müqavimət göstərməsi demək olar ki, mümkün deyil. Bu hərbi əməliyyat müharibələr tarixində yerini alacaq”. (metbuat....
Cəmiyyət
Ordumuz adekvat tədbirlər görür. Yeni humanitar atəşkəs rejiminə riayət edən Azərbaycan bütün cəbhə boyu düşmənin törətdiyi təxribatlara təmkinlə yanaşaraq, yalnız adekvat tədbirlər görür. BakuCity.az xəbər verir ki, bu haqda Müdafiə Nazirliyi və Dövlət Sərhəd Xidmətinin birgə bəyanatında qeyd edilib: "Bundan istifadə edən Ermənistan isə cəbhənin müxtəlif istiqamətləri, xüsusilə də bərpa edilmiş dövlət sərhədləri üzrə vəziyyəti məqsədyönlü şəkildə gərginlə...
Cəmiyyət
Daxili İşlər Nazirliyi (DİN) koronavirus pandemiyası ilə bağlı əhaliyə müraciət edib. BakuCity.az həmin müraciəti təqdim edir: "Koronavirusla mübarizəmiz davam edir. Bu təhlükəli infeksiyanın mövcudluğunu bir an belə unutmamalı, özümüzü, doğmalarımızı və ətrafımızdakı insanları qorumalıyıq. Biz qorxunc virusa birlikdə, karantin qaydalarına riayət etməklə qalib gələ bilərik”. BakuCity.az
Cəmiyyət
Ermənistanın motoatıcı diviziyasının qərargah rəisi məhv edilib. Azərbaycan Ordusunun keçirdiyi fəaliyyətlər nəticəsində Ermənistan silahlı qüvvələrinin 18-ci motoatıcı diviziyasının ön idarəetmə məntəqəsi məhv edilib. Müdafiə Nazirliyindən BakuCity.az verilən məlumata görə, ölənlər arasında diviziyanın qərargah rəisi polkovnik Sergey Şakaryan da var. BakuCity.az