Bakıda Gürcüstanın saxta sürücülük vəsiqəsini hazırlayanlar tutuldu - FOTO

Bakıda Gürcüstanın saxta sürücülük vəsiqəsini hazırlayanlar tutuldu - FOTO

Hər üç şəxs saxlanılıb

Bakıda Gürcüstanın saxta sürücülük vəsiqəsini hazırlayan dəstənin üzvləri saxlanılıb.

Daxili İşlər Nazirliyinin (DİN) Mətbuat xidmətindən BakuCity.az-a verilən məlumata görə, Baş Narkotiklərlə Mübarizə İdarəsinin əməkdaşlarının həyata keçirdikləri əməliyyat nəticəsində ölkə ərazisində Gürcüstanın saxta sürücülük vəsiqəsi ilə avtomobil idarə edən şəxs tutulub.

Əldə edilmiş əməliyyat məlumatı nəticəsində keçirilən tədbir zamanı əvvəllər məhkum olunmuş paytaxt sakini Elçin Adıgözəlov tutulub. Onun üzərində şəxsi axtarış aparılan zaman 1 ədəd AH 14563430 seriyalı nömrəli Gürcüstanın saxtalaşdırılmış sürücülük vəsiqəsi aşkar olunub.

Keçirilən əlavə əməliyyat tədbirləri ilə E.Adıgözəlovun saxta vəsiqəni Binəqədi rayon sakini əvvvəllər məhkum olunmuş Eyvaz Əliyevdən 150 manata aldığı müəyyən edilib. Əməliyyat nəticəsində E.Əliyev də tutulub və o, ifadəsində saxta vəsiqəni Ramin adlı şəxsdən 100 manata aldığını bildirib. Keçirilən əlavə əməliyyat zamanı saxta sürücülük vəsiqəsini hazırlayan Binəqədi rayon sakini Ramin Ağayev də tutularaq istintaqa təqdim edilib. Onun yaşadığı evə baxış zamanı saxta vəsiqələr hazırlayan avdanlıqlar aşkar edilərək maddi sübut kimi götürülüb.

Faktla bağlı hər üç şəxs barəsində toplanan materiallar müvafiq prosessual qərar verilməsi üçün Baş Mütəşəkkil Cinayətkarlıqla Mübarizə İdarəsinin İstintaq və Təhqiqat İdarəsinə göndərilib.

Bakıda Gürcüstanın saxta sürücülük vəsiqəsini hazırlayanlar tutuldu - FOTO, fotoşəkil-1 Bakıda Gürcüstanın saxta sürücülük vəsiqəsini hazırlayanlar tutuldu - FOTO, fotoşəkil-2 Bakıda Gürcüstanın saxta sürücülük vəsiqəsini hazırlayanlar tutuldu - FOTO, fotoşəkil-3 Bakıda Gürcüstanın saxta sürücülük vəsiqəsini hazırlayanlar tutuldu - FOTO, fotoşəkil-4 Bakıda Gürcüstanın saxta sürücülük vəsiqəsini hazırlayanlar tutuldu - FOTO, fotoşəkil-5

BakuCity.az

Bakı Gürcüstan saxta sürücülük vəsiqəsi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər