Bakıda binaların üstündəki dəmir çənlər plastmaslarla əvəz oluna bilər - FOTO

Bakıda binaların üstündəki dəmir çənlər plastmaslarla əvəz oluna bilər - FOTO

Dəmir çənləri lift damlarının üstündə yerləşdirmək təhlükəlidir

Bakının Xətai rayonunda sökülən dəmir su çənləri yaşayış binalarının dam örtüklərinin, liftlərin yenilənməsi işləri yekunlaşdıqdan sonra plastmas çənlərlə əvəz edilə biləcək.

BakuCity.az xəbər verir ki, bunu Xətai Rayon İcra Hakimiyyəti (RİH) Aparatının İctimai-siyasi və humanitar məsələlər şöbəsinin müdiri Pənah İmanov Trend-ə bildirib.

O qeyd edib ki, hazırda Prezidentin sərəncamı ilə çoxmərtəbəli binaların dam örtüklərinin əsaslı təmir işləri həyata keçirilir:

"Bu istiqamətdə çox geniş işlərə başlanılıb, bununla əlaqədar binaların üzərindəki dəmir çənlər götürülür, liftlər təzələnir. İlkin mərhələdə 192 binanın dam örtüyündə əsaslı təmir işləri görüləcək. Hazırda Səməd bəy Mehmandarov, Əliağa Şıxlinski küçələri və Gəncə prospektində yerləşən 129 binada işlər aparılır. Eləcə də Xətai rayonunda 129 binanın liftləri yenilənir. Hazırda 30 liftin yenisi ilə əvəzlənməsi yekunlaşıb”.

Həmçinin oxu: Bakıda sakinlər çənlərin sökülməsinə etiraz edir: polis işə qarışdı - VİDEO

P.İmanovun sözlərinə görə, bəzi hallarda sakinlər dəmir çənləri məhz lift damlarının üzərində yerləşdirir ki, bu da çox böyük təhlükə yarada bilər:

“Hazırda həmin su çənləri binanın üzərindən götürülür və işlər yekunlaşdıqdan sonra zərurət yarandığı halda yalnız plastmas çənlər quraşdırıla bilər. Əsas məqsəd sakinlərin təhlükəsiz şəraitdə yaşamasını təmin etməkdir. Ona görə də binaların üstündəki yüklənməni aradan qaldırmalıyıq”.

Şöbə müdiri əlavə edib ki, iş icraçılarına dəmir çənlərin götürülməsi zamanı sakinlərin rahatlığının pozulmaması, çənlər tam boşaldıqdan sonra sökülməsi barədə ciddi göstəriş verilib.

Bakıda binaların üstündəki dəmir çənlər plastmaslarla əvəz oluna bilər - FOTO, fotoşəkil-1 Bakıda binaların üstündəki dəmir çənlər plastmaslarla əvəz oluna bilər - FOTO, fotoşəkil-2 Bakıda binaların üstündəki dəmir çənlər plastmaslarla əvəz oluna bilər - FOTO, fotoşəkil-3 Bakıda binaların üstündəki dəmir çənlər plastmaslarla əvəz oluna bilər - FOTO, fotoşəkil-4

BakuCity.az

Bakı binalar su çənləri
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər