Aİ-nin nümayəndəliyi Bakıdakı iğtişaşlarla bağlı iddialara cavab verdi

Aİ-nin nümayəndəliyi Bakıdakı iğtişaşlarla bağlı iddialara cavab verdi

"Biz dinləyirik, lakin tərəf tutmuruq"

Avropa İttifaqının (Aİ) Azərbaycandakı nümayəndəliyi bəzi KİV-lərin Aİ səfirinin Bakı küçələrindəki iğtişaşları dəstəkləməsi ilə bağlı iddialarını tamamilə rədd edir.

BakuCity.az xəbər verir ki, bu barədə Aİ-nin Azərbaycandakı nümayəndəliyinin bəyanatında bildirilib.

Bəyanatda deyilir ki, Azərbaycan Aİ-nin mühüm tərəfdaşı, "Şərq Tərəfdaşlığı" proqramının üzvü, eləcə də energetika sahəsində strateji tərəfdaşıdır:

“Aİ, həmçinin Azərbaycanın suverenliyini, müstəqilliyini və ərazi bütövlüyünü dəstəkləyir. Tərəfdaşlığımızı inkişaf etdirmək və insan hüquqları da daxil olmaqla, çox sayda mövzunu əhatə edən yeni hərtərəfli saziş vasitəsilə əməkdaşlığımızı genişləndirmək üçün birgə çalışırıq".

Həmçinin oxu: Bakının İcra Hakimiyyəti müxalifətin mitinqi üçün yer ayırdı

Qeyd olunub ki, Aİ Azərbaycanın islahatlar proqramını dəstəkləməyə davam edir:

"Avropa İttifaqı həm neft, həm də qeyri-neft sektorlarında Azərbaycanın ilk ticarət tərəfdaşı və investordur. Azərbaycan iqtisadiyyatının şaxələndirilməsi proqramını dəstəkləyirik, o cümlədən təhsil və regional inkişafa dəstək verməklə bunu edirik.

Aİ nümayəndəliyi beynəlxalq hüquq və təcrübəyə uyğun olaraq, Azərbaycan cəmiyyətinin bütün təbəqələri ilə əlaqələrə malikdir. Bu, o deməkdir ki, biz dinləyirik, lakin tərəf tutmuruq. Bütün dünyada diplomatik xidmətlər tərəfindən tətbiq olunduğuna görə, biz də həm hökumət nümayəndələri, həm də müxalifət, vətəndaş cəmiyyəti və digər qruplarla görüşürük".

BakuCity.az

Bakı Avropa İttifaqı iğtişaşlar
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər