Bakıya 458 yeni lift gətirilib - FOTO

Bakıya 458 yeni lift gətirilib - FOTO

Liftlər dəyişdirilməsi gələn ildə də davam etdiriləcək

Bakıya 458 yeni lift gətirilib.

Bakı Şəhər İcra Hakimiyyətinin Mətbuat xidmətindən Bakucity.az-a verilən məlumata görə, Bakı Şəhər “Lifttəmir” İstehsalat Birliyi, Almaniyanın "Wittur Holding GMBH" şirkətinin, həmçinin Azərbaycanın bir sıra tanınmış şirkətlərinin rəhbərlərinin iştirakı ilə təqdimat mərasimi, Bakıda yeni liftlərin quraşdırılmasının bu günə olan vəziyyəti, bu istiqamətdə gələcəkdə görüləcək işlərə həsr olunmuş tədbir keçirilib.

Təqdimat mərasimində əvvəlcə "Wittur Holding GMBH" şirkətinin "Global" satış sobəsinin rəhbəri Ahmet Örs, Marketinq direktoru Qerd İmbuş, digər rəsmi şəxslər şirkət, onun məhsulları, biznes tərəfdaşları, müxtəlif ölkələrdə, o cümlədən Azərbaycanda həyata keçirdikləri layihələr barədə məlumat verib, videoçarx nümayiş etdirilib.

Bakıda yeni liftlərin quraşdırılmasının vəziyyəti və gələcəkdə bu istiqamətdə görüləcək işlər barədə ətraflı məlumat verilib.

Bildirilibr ki,  Bakı Şəhər “Lifttəmir” İstehsalat Birliyi ilə Almaniyanın "Wittur Holding GMBH" şirkəti arasında imzalanmıış müqavilə əsasında bu il 542 liftin Bakıya gətirilməsi nəzərdə tutulub. İlk işlər pilot layihə kimi Nizami rayonunda başlanıb, sonradan isə bu işlər digər rayonlarda davam etdirilib. Hazırda müqavilədə nəzərdə tutulan 542 ədəd liftin 458-i artıq Bakıya gətitilib. Bu günə kimi 162 ədəd lift quraşdırılaraq Fövqəladə Hallar Nazirliyinin müvafiq qurumları tərəfindən qeydiyyata alınıb və istismarına icazə verilib. Hazırda paytaxtın Nizami, Qaradağ, Xətai, Nərimanov, Binəqədi, Sabunçu, Yasamal və Nəsimi rayonlarında 296 ədəd yeni liftin quraşdırılması işləri aparılır.

Alınan liftlər keyfiyyət və texniki parametrlərinə görə müasir standartlara tam cavab verir. Yeni liftlər müasir elekton sistemlə təchiz olunub, elektrik xətlərində açılma zamanı YPS sistemi movcuddur ki, vətəndaşlar avtomatik təxliyə olunur. Görmə qabiliyyəti məhdud olan şəxslər liftdən istifadəsi üçün çöl və içəri düymələrində mərtəbələr göstəriciləri brayl əlibası ilə işarələnib.

Bakı şəhəri üzrə çoxmərtəbəli binalarda istismar müddəti ötmüş liftlərin dəyişdirilməsi gələn ildə də davam etdiriləcək və yeni liftlər alınaraq istismar müddəti ötən digər liftlərin də dəyişdirilməsi aparılacaq.

Bakıya 458 yeni lift gətirilib - FOTO, fotoşəkil-1 Bakıya 458 yeni lift gətirilib - FOTO, fotoşəkil-2 Bakıya 458 yeni lift gətirilib - FOTO, fotoşəkil-3 Bakıya 458 yeni lift gətirilib - FOTO, fotoşəkil-4 Bakıya 458 yeni lift gətirilib - FOTO, fotoşəkil-5 Bakıya 458 yeni lift gətirilib - FOTO, fotoşəkil-6

Bakucity.az

Bakı lift
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər