Hacı Zeynalabdin Tağıyevin gənc qohumu Bakıda söz verdi - FOTO

Hacı Zeynalabdin Tağıyevin gənc qohumu Bakıda söz verdi - FOTO

H.Z.Tağıyevin bəzi sənədlərini və ailə fotolarını gətirəcək

Milyonçu Hacı Zeynalabdin Tağıyevin varisi babasının ev muzeyində olub.

BakuCity.az xəbər verir ki, bu gün Azərbaycan Milli Elmlər Akademiyası (AMEA) Milli Azərbaycan Tarixi Muzeyində Hacı Zeynalabdin Tağıyevin ikinci oğlu Ağasadıq Tağıyevin kötükcəsi Alban Klodla görüş keçirilib.

Muzeyin direktoru, akademik Nailə Vəlixanlı muzeyin hər zaman H.Z.Tağıyevin varisləri ilə təmasda olduğunu deyib:

“Bu gün muzeyin həyatında xüsusi bir gündür. Bu münasibətlə hər kəsi salamlayıram, Alban Kloda isə xüsusi salamlarımı çatdırıram. Çünki biz bu vaxta qədər Hacı Zeynalabdin Tağıyevin əksər qohumları ilə təmasda idik, onlarla görüşürdük və muzeyin fəaliyyəti haqqında söhbətlər aparırdıq, amma bu gün yeni bir nümayəndənin aramıza qatılması bizi sevindirir. Tale belə gətirib ki, Tağıyevin ailəsinin bir hissəsi vətəndən uzaq düşüb. Fransada yaşayan Alban Klodun öz istəyi və araşdırmaları sayəsində Bakıya gəlməsi xüsusi təqdirəlayiqdir. Hacı Zeynalabdin Tağıyev təkrarolunmaz şəxsiyyətdir. Biz onun həyatını öyrəndikcə həm də Azərbaycanın tarixini öyrənirik. Alban özü də tarixçidir. O, bizim tariximizlə də yaxından tanış olacaq”.

N.Vəlixanlı 2020-ci ildə Milli Azərbaycan Tarixi Muzeyinin 100 illiyi münasibəti ilə keçiriləcək tədbirdə Alban Klodun və ailəsinin də iştirak edəcəyini bildirib.

Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-1 Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-2 Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-3 Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-4 Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-5 Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-6 Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-7 Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-8 Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-9 Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-10 Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-11 Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-12 Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-13 Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-14 Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-15

Ulu babası H.Z.Tağıyevin evində olmaqdan məmnunluğunu ifadə edən A.Klod ulu nənəsi Zərrintac Tağıyeva haqqında da məlumat verib. O, bildirib ki, nənəsi Fransaya köçəndən iki il sonra həyat yoldaşını itirib:

“Bütün var-dövlətini itirmiş Zərrintac Tağıyeva iki uşağı ilə tək qalıb və Fransaya köçüb. Babası Tağıyev ona çox yaxşı təhsil verdiyi üçün beş dil bilən Zərrintac Tağıyeva fransız dilində mükəmməl danışırdı. Bu səbəbdən də qısa müddətdə iş tapmaq onun üçün çətin olmayıb. O, tikdiyi niqabları sataraq əldə etdiyi gəlirlə uşaqlarını böyüdüb, onlara təhsil verib. Mən bundan utanmıram, əksinə, qürur duyuram. Zərintac çox sərt xasiyyətə sahib olub. Bu isə onun uşaq yaşlarından tək yaşaması və ağır sınaqlardan keçməsi ilə əlaqəli idi. Bütün Azərbaycan qadınları kimi Zərrintac Tağıyeva da möhtəşəm ana, möhtəşəm qadın olub. Düşünürəm ki, bu torpaqda bütün qadınlar belə fədakardırlar”.

A.Klod qeyd edib ki, onda H.Z.Tağıyevin bəzi sənədləri və ailə fotoları var. O, həmin sənədləri araşdırdıqdan sonra Azərbaycana, Bakıya gəlmək niyyətinə düşüb.

A.Klod söz verib ki, Azərbaycana növbəti səfərində H.Z.Tağıyevin nəsli ilə bağlı onda olan həmin sənədləri muzeyə hədiyyə edəcək.

Sonra H.Z.Tağıyevin görüşdə iştirak edən başqa varisləri çıxış edərək A.Klodu görməkdən məmnun olduqlarını bildiriblər.

Sonda muzeyin elmi katibi Fərhad Cabbarov A.Kloda ulu babasından bəhs edən kitablar hədiyyə edib.

H.Z.Tağıyevin görüşdə iştirak edən bütün qohumları ilə xatirə fotosu çəkilib.

Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-16 Hacı Zeynalabdin Tağıyevin gənc qohumu Bakıda söz verdi - FOTO, fotoşəkil-17

Ramilə Qardaşxanqızı

BakuCity.az

Bakı Hacı Zeynalabdin Tağıyev Alban Klod
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər