Bakıda iki avtobus toqquşub: yaralılar var - FOTO + VİDEO

Bakıda iki avtobus toqquşub: yaralılar var - FOTO + VİDEO

8 nəfər xəsarət alıb

Bakının Nizami rayonunda ağır yol qəzası baş verib.

BakuCity.az APA-ya istinadən xəbər verir ki, hadisə Qaqa Qarayev prospektində qeydə alınıb.

57 saylı xətt marşrutu üzrə hərəkət edən "İsuzu" markalı sərnişin avtobusu ilə "BakuBus" MMC-yə məxsus 7A saylı xətt marşrutu üzrə hərəkət edən avtobus toqquşub.

Belə ki, 57 saylı avtobusun sürücüsü dayanacağa yaxınlaşarkən sürət həddini aşıb və sükana nəzarəti itirdiyindən həmin avtobus qarşısında olan "BakuBus" MMC-yə məxsus avtobusa çırpılıb. Xəsarət alanların hamısı  57 saylı marşrut avtobusunda olub.

Onlardan Vüqar Xəlilovun vəziyyəti ağır olduğundan stasionar qaydada müalicə alır. Digər yaralılar isə artıq xəstəxanadan evə buraxılıb. Daha iki nəfərə də hadisə yerində tibbi yardım göstərilib.

Yol qəzası nəticəsində 8 nəfər xəsarət alıb. Yaralılar 3 saylı Şəhər Klinik Xəstəxanasına çatdırılıb. Onlardan 5 nəfəri xəstəxanada müalicəsini davam etdirir, digər 3 nəfər isə ilkin tibbi yardımdan sonra evə buraxılıb.

Səhiyyə Nazirliyinin mətbuat xidmətindən BakuCity.az-a verilən məlumata görə, onlardan 4-ü kişi, 4-ü qadındır. 1 qadın burun sümüyünün sınığı diaqnozu ilə Kliniki Tibbi Mərkəzə, digər 7 nəfər 3 saylı Şəhər Xəstəxanasına çatdırılıb.

3 saylı Şəhər Xəstəxanasının baş həkiminin verdiyi məlumata görə, qəza ilə əlaqədar xəstəxanaya çatdırılanlara lazımi tibbi yardım göstərildikdən sonra onlar ambulator müalicəyə buraxılıblar. Kliniki Tibbi Mərkəzə çatdırılan 21 yaşlı qız da göstərilən tibbi yardımdan sonra ambulator müalicəyə buraxılıb.

Həmçinin oxu: Bakıda sürücü yuxuladı, avtomobili köşkə girdi - FOTO + VİDEO

Yaralılardan bəzilərinin adları da məlum olub: 1998-ci il təvəllüdlü Hüseynli Nurtac Mirzəcan oğlu, 1977-ci il təvəllüdlü Seyfullayev Ramil Davud oğlu, 1968-ci il təvəllüdlü Xəlilov Vüqar Mövlan oğlu, 1963-cü il təvəllüdlü Vəsilə Məmmədova, 1999-cu il təvəllüdlü Şəbnəm İsmayılova və 1978-ci il təvəllüdlü Xanım Qasımova.

Faktla bağlı araşdırma aparılır.

Bakıda iki avtobus toqquşub: yaralılar var - FOTO + VİDEO, fotoşəkil-1 Bakıda iki avtobus toqquşub: yaralılar var - FOTO + VİDEO, fotoşəkil-2 Bakıda iki avtobus toqquşub: yaralılar var - FOTO + VİDEO, fotoşəkil-3 Bakıda iki avtobus toqquşub: yaralılar var - FOTO + VİDEO, fotoşəkil-4

BakuCity.az

Bakı avtobus yol qəzası
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər