Bakıda "Payız əfsanələri" beynəlxalq incəsənət müsabiqəsi keçiriləcək

Bakıda "Payız əfsanələri" beynəlxalq incəsənət müsabiqəsi keçiriləcək

4 yaşdan yuxarı hər kəs iştirak edə bilər

9-10 noyabr Bakıda, Rəşid Behbudov adına Azərbaycan Dövlət Mahnı Teatrında “Payız əfsanələri” adlı beynəlxalq incəsənət müsabiqəsi keçiriləcək.

BakuCity.az xəbər verir ki, təşkilatçı Azərbaycan Gənclər İttifaqıdır.

İttifaqın İdarə Heyətinin üzvü Əziz Əzizov deyib ki, münın keçirilməsində məqsəd istedadlı uşaqlar və gənclərlə tanışlıq, onları tapmaq, üzə çıxarmaqdır, həmçinin regionlarda olan istedadlı gənclərin tanıtımıdır:

“Gürcüstan, Ukrayna, Türkiyə, İran və Rusiyadan gələn qrupların vokal, musiqi və xoreoqrafik çıxışları gözlənilir. Artıq iştirakçıların sayı dörd mini keçib və mənim fikrimcə, bu fakt Azərbaycanı Qafqaz regionunun incəsənətində lider edir”.

“Payız əfsanələri”ndə bir neçə janrda iştirakçıların çıxışları gözlənilir: folklor, klassik, estrada, incəsənətin bir neçə növləri – mahnı, teatr, vokal, bədii qiraət, xoreoqrafiya.

4 yaşdan başlayaraq hər kəs müsabiqədə iştirak edə bilər. İştirakçılar yaş kateqoriyalarına bölünürlər: 4-7 yaş, 7-10 yaş, 11-15 yaş və 16 yaşdan yuxarı.

Hər bir janırda solo, duet, kiçik qruplar və ansambllar kimi nominasiyalar var.

Obyektivlik və dürüstlük naminə çıxışlar zamanı iştirakçıların hansı studiya və ya məktəbi təmsil etdikləri açıqlanmır (bu proses mükafatlandırma zamanı açıqlanır).

Seçim iştirakçının qeydiyyat nömrəsi ilə aparılır. Münsiflər heyəti Azərbaycanın əməkdar artistləri və incəsənət xadimləridir.

Azərbaycan Gənclər İttifaqı hər kəsi bu beynəlxalq incəsənət müsabiqəsində iştirak etməyə dəvət edir.

Qeydiyyat üçün: [email protected]; +994 12 497 12 36, +994 50 250 22 93, +994 50 250 22 80

İnformasiya dəstəyi – BakuCity.az

BakuCity.az

Bakı incəsənət müsabiqəsi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər