Bakıda qeyri-adi əyləncə məkanları: qorxmayın, baş işlədin - SİYAHI + QİYMƏTLƏR

Bakıda qeyri-adi əyləncə məkanları: qorxmayın, baş işlədin - SİYAHI + QİYMƏTLƏR

Paytaxtın ən yaxşı kvest otaqları

Son illərdə müxtəlif tematik kvestlərdən (axtarış) keçmək kimi əyləncə forması bütün dünyada populyarlıq qazanıb və Bakı da bu baxımdan geri qalmır.

Bugünkü məqalədə BakuCity.az paytaxtın ən maraqlı kvest otaqları haqqında məlumat verəcək.

Hazırda Bakıda bu əyləncə növünün hər hansı bir janrını təklif edən kvest otaqlar və ya eskeyp (qaç canını qurtar) otaqları var: dəhşət otağı, labirint, macəra, tapmacalar və fantaziya. 

Paytaxtın kvest otaqlarından biri olan “Quest Zone Baku”nun (əvvəlki “Claustrophobia Baku”) direktoru Nigar Yeqanova saytımıza açıqlamasında “imtahan”dan keçmək istəyənlərin çox olduğunu qeyd edib:

“Bakıda bu əyləncə növü çox populyardır. İnsanlar həm iş günləri, həm də həftəsonları uşaqları ilə birlikdə gəlir, sonra qohumlara və dostlara məsləhət görürlər. Bəzən bütün tapmacaları tapmağa vaxt tapmayan, lazımi düymələri tapıb otaqdan çıxa bilməyənlər sonra təkrar qayıdırlar”.

Onun sözlərinə görə, burada iki növ kvest var: macəra - "Qulliverin axtarışında" və  dəhşət mövzusunda - "Tərk edilmiş sığınacağın sirri":

"Beş yaşından yuxarı uşaqlara kvestlərdə iştirak etməyə icazə verilir, amma yanında ən azı bir yetkin insan olmaq şərtilə. "Sığınacaq" axtarışında 12 yaşından yuxarı şəxslər iştirak edə bilərlər. Bir komandada ən çox 5 nəfər oynaya bilər".

Bakıda qeyri-adi əyləncə məkanları: qorxmayın, baş işlədin - SİYAHI + QİYMƏTLƏR, fotoşəkil-1

N.Yeqanova qeyd edib ki, burada bütün komanda üçün ödəniş edilir: iş günlərində beş nəfər üçün 60 manat, həftə sonları və tətil günlərində isə 70 manat.

Daha bir maraqlı konsepsiya “Landscape Room” (otaqdan çıxmaq) janrına uyğun fəaliyyət göstərən “Portal Games”dir. Bu cür “xilas” təkcə bir oyun deyil, həm də intellektinizi artırmaq üçün əla yoldur, çünki məntiqli düşünmədən kilidlənmiş otaqdan çıxmaq o qədər də asan deyil. Portal əməkdaşları müxtəlif xüsusi effektlər, musiqi və bəzək əşyaları ilə müştəriləri fərqli bir gerçəkliyə aparırlar.

Burada olduqca geniş oyun seçimi var: “Cəllad”, “Harry Potter”, “Həbsxana”, “Hannibal” və digərləri. Ödəniş - adambaşına 16 manat.

“Questomania” da qonaqlarına bir çox oyunlar təqdim edir. Otaqdan çıxmaq üçün 60 dəqiqə vaxt var. Tapşırıqda 2 və 4 nəfər iştirak edə bilər. "Block D" həbsxanası, "Soyğunçuluq" kimi oyunlar təklif olunur. "Köhnə teatrın sirləri" ən maraqlılardan biri hesab olunur.  Detektiv hekayələri sevənlər üçün "Keçmişdən məktublar"dan keçmək maraqlı olacaq. Qiyməti adambaşına 12-15 manat arasında dəyişir. 10 yaşdan yuxarı uşaqlara da icazə verilir.

Bakıda qeyri-adi əyləncə məkanları: qorxmayın, baş işlədin - SİYAHI + QİYMƏTLƏR, fotoşəkil-2

“Phantom Quests” paytaxtın ən böyük kvest mərkəzlərindən biridir. Burada “Qanlı sirk”, “Kruger Evi”, “Gizli laboratoriya” və “Taxtların oyunu” kimi maraqlı oyunlar var. Proses 60-80 dəqiqə davam edir. Bir komanda iki və ya daha çox adamdan ibarət ola bilər. Bəzi oyunlarda iştirakçılar fizika və kimya kimi elmləri xatırlatmaq məcburiyyətində qalacaqlar. Komanda üzvlərindən başqa, aktyorlar da prosesə təsir göstərən oyunlarda iştirak edirlər. Ödəniş oyundan asılı olaraq bütün komandadan 40 manatdan 60 manata qədər tutulur.

“Tala Escape” qonaqlara otaqdan 60 dəqiqə ərzində çıxmağı təklif edir. İki seçim var: "Həbsxana" və "Kart fırıldaqçısının tapmacası”. Komandada 2-dən 5 nəfərə qədər iştirakçı yer ala bilər. Burada şirkətin öz dizaynerləri tərəfindən xüsusi olaraq hazırlanmış unikal kvestlər var. 8 yaşdan yuxarı uşaqlar da iştirak edə bilər. Ödəniş bütün komanda üçün ödənilir - 45 manat.

“Astral Labirint” "Qorxu otağı", yaxud "The Nun" oyunlarının bəzi qonaqların axıradək qala bilmədiyi qədər qorxunc olduğunu iddia edir. Müvafiq ab-hava yalnız dekorasiya və musiqinin müşayiəti ilə deyil, həm də xüsusi aktyorlar tərəfindən yaradılır. Qrupda 2-7 nəfər iştirak edə bilər, uşaqlara yalnız 12 yaşdan etibarən icazə verilir. Ödəniş - adambaşına 15 manat.

Bakıda qeyri-adi əyləncə məkanları: qorxmayın, baş işlədin - SİYAHI + QİYMƏTLƏR, fotoşəkil-3

“Paranormal Baku” isə qonaqlara daha çox iştirakçı ilə qatılmaq imkanı verir - 2 nəfərdən 10 nəfərə qədər. Hər kəsin gedib çıxa bilmədiyi "Qorxu otağı" da var. Həyəcanlı səs effektləri və aktyorların qəfil görünməsi oyunu unudulmaz edir. Qiyməti - adambaşına 18 manat. Oyunda 12 yaşdan yuxarı uşaqlar da iştirak edə bilər.

Qiymət cədvəli

Kvest otaqlar

Qrup üçün ödəniş

Adambaşına ödəniş

QuestZoneBaku

60-70 AZN

---

Portal Games

---

16 AZN

Questomania

---

12-15 AZN

PhantomQuests

40-60 AZN

---

Tala Escape

45 AZN

---

Astral Labirint

---

15 AZN

ParanormalBaku

---

18 AZN

Züleyxa İsmaylova

BakuCity.az

Bakı kvest əyləncə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər