Bakıdan Gəncəyə əlavə qatar işləyəcək

Bakıdan Gəncəyə əlavə qatar işləyəcək

Axşam da yola düşəcək

“Azərbaycan Dəmir Yolları” QSC Bakı-Gəncə-Bakı istiqamətində əlavə qatar təyin edib.

QSC-dən BakuCity.az-a verilən məlumata görə, məqsəd Dövlət Bayrağı Günü münasibətilə Bakı-Gəncə-Bakı istiqamətində sərnişinlərin daşınmasına artan tələbatı təmin etməkdir.

Noyabrın 9-da bir istiqamətə təyin olunan 704 nömrəli Bakı-Gəncə sürətli sərnişin qatarı saat 08:45-də Bakıdan yola düşəcək və 13:00-da Gəncəyə çatacaq.

Noyabrın 11-də isə Bakıdan və Gəncədən 704/703 nömrəli Bakı-Gəncə-Bakı sürətli sərnişin qatarı iki istiqamətə təyin ediləcək. Saat 08:45-də Bakıdan yola düşəcək qatar 13:00-da Gəncədə olacaq. Saat 17:00-da isə Gəncədən əks istiqamətə hərəkət edəcək, 21:15-də Bakıya çatacaq.

BakuCity.az

Bakı Gəncə qatar
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər