Restoranlara sonuncu xəbərdarlıq: Toylar da yarımçıq qala bilər

Restoranlara sonuncu xəbərdarlıq: Toylar da yarımçıq qala bilər

Toy vaxtı fəaliyyətləri dayandırıla bilər

Bakıda havaya daha çox tullantı atan restoranların siyahısı açıqlanıb.

BakuCity.az xəbər verir ki, bu gün mətbuat konfransında Ekologiya və Təbii Sərvətlər Nazirliyinin nümayəndəsi Vüqar Kərimov paytaxtın rayonlarında  fəaliyyət göstərən ictimai-iaşə obyektlərində keçirilən son monitorinqlərin nəticələri və  Bakıda havaya daha çox tullantı atan restoran və şadlıq sarayları barədə məlumat verib.

Onun sözlərinə görə, paytaxtın Nizami rayonu ərazisində yerləşən "Xan bağı", "Cənnət", "Madonna", "Hissa", "Ayla", Binəqədi rayon ərazisində "Qızıltac", "Şahənşah", "Oğuzxan", "Röya", Xətai rayonu ərazisində "Elgün", "Movida", "Milana", Nərimanovda "Su sonası" və s. kimi ictimai-iaşə obyektlərinin əksəriyyətində təmizləyici qurğular quraşdırılsa da, onlara vaxtında texniki xidmət göstərilmir, filtrlər təmizlənmir və nəticədə yenə də havaya tüstü və iy-qoxu yayılır:

V.Kərimov bildirib ki, nazirlik belə obyekt sahiblərinə növbəti sərt xəbərdarlıq da edib:

"Məhərrəm ayı onlar üçün fürsət idi ki, filtrləri təmizləsinlər. Qurğusu olmayan və filtrləri vaxtında təmizlətdirməyən restoran və şadlıq saraylarının sahiblərinə bildiririk ki, toy və tədbirlər zamanı havaya atılan tullantıların qarşısının alınması üçün obyetlərindəki manqalların fəaliyyəti dayandırılacaq.

Restoran və şadlıq saraylarında toy edən və tədbir keçirən vətəndaşlarımıza çağırış edirik ki, əvəlcədən restoranda təmizləyici qurğuların olub-olmaması və filtrlərin təmizlənməsi ilə maraqlansınlar ki, xoş günlərində həmin obyektin fəaliyyətinin dayandırılması kimi xoşagəlməz situasiya ilə rastlaşmasınlar.

Bu, bizim obyekt sahiblərinə son xəbərdarlığımızdır”.

Ramilə Qardaşxanqızı

BakuCity.az

Bakı resroranlar tüstü
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər