Bakıda yeni metro stansiyaları harada açılacaq? – SİYAHI

Günəşliyə də metro çəkiləcək

Qarşıdakı illərdə daşınmaz əmlak bazarına təsir edən amillərdən biri də yeni metro stansiyalarının işə düşməsi olacaq. Metro xətlərinin genişlənməsi, yeni stansiyaların tikintisi paytaxtın daşınmaz əmlak xəritəsini ciddi surətdə dəyişdirir. 

Xatırladaq ki, 2011-ci ildə prezident İlham Əliyevin fərmanı Bakı Metropoliteninin Perspektiv İnkişaf Planı təsdiqlənib. Plan paytaxtda yeni metro xətlərinin və stansiyaların tikintisini nəzərdə tutur. Bu işlər nəticəsində 2030-cu ilə qədər Bakı Metropoliteni stansiyaların sayı 76-ya çatdırılacaq.

BakuCity.az FED.az-a istinadən məlumat verir ki, yeni metro stansiyaları aşağıdakı ünvanlarda işə düşəcək.

Yaşıl, qırmızı, sarı, mavi, bənövşəyi…

Hazırda Bakı Metropoliteni 2 xətdən ibarətdir: «Xətai»-«Dərnəgül» və «İçəri şəhər»-«Həzi Aslanov» xətləri. Bu xətləri şərti olaraq müvafiq surətdə «Yaşıl xətt» və «Qırmızı xətt» adlandırırlar. Perspektiv İnkişaf Planında həm bu xətlərin genişlənməsi, həm də, əlavə 3 yeni metro xəttinin - «Bənövşəyi», «Mavi» və «Sarı» xətlərin çəkilməsi nəzərdə tutulub.

«Mavi» və «Bənövşəyi» xətlər Bakının şərq və qərb qurtaracaqlarını birləşdirir.  «Mavi xətt» Yeni Yasamal-Bakıxanov qəsəbəsi, «Bənövşəyi xətt» isə Avtovağzal-Qaraçuxur oxunu yaradır. Bu xəttin qurtaracağında Xocahəsən qəsəbəsinin gərişində, «Murad» şadlıq sarayının yaxınlığında depo stansiyası da tikilir, gələcəkdə ondan yerli əhali də istifadə edə biləcək.

Onlardan fərqli olaraq «Sarı xətt» Binəqədidən-Bibiheybət məscidinə qədər uzanmaqla Bakının şimal və cənubunu əlaqələndirir. «Sarı xətt»in deposu da Binəqədidə olacaq.

Bu 3 yeni xətt indiyədək metronun «Nizami», «Gənclik», «Memar Əcəmi»  və «Azadlıq prospekti» stansiyalarının arasındakı böyük ərazidəki  nəqliyyat xətləri boşluğunu dolduracaq. Bura Heydər Əliyev adına İdman Sərgi Kompleksi, Cıdır meydanı, Həsən Əliyev küçəsinin ətrafı və s. ərazilər aiddir. Yeni xətlərin rahatlıq gətirəcəyi digər ərazi Keşlə, NZS və 8-ci kilometr adlanan sahələrdir. Beləliklə… 

«Bənövşəyi xətt»

Yaxın illərdə Bakının metro xətlərində baş verəcək ən maraqlı dəyişikliklər «Bənövşəyi xətt»lə bağlıdır.  Başlanğıcını Bakı Beynəlxalq Avtovağzalından (gələcəkdə Xocahəsən qəsəbəsinədək uzanacaq) götürən xətt bütün paytaxtı keçərək Qaraçuxur qəsəbəsinədək uzanacaq. Bu xəttin digər özəlliyi onun şəhərin lap mərkəzindən keçməsidir ki, nəticədə paytaxtın bu ərazilərində sərnişin daşımaları qat-qat asanlaşmalıdır.

Bu xəttin üzərində 12 stansiya olacağı nəzərdə tutulub. «Bənövşəyi xətt»in ilk stansiyası (şərti olaraq B-1) Bakı Beynəlxalq Avtovağzalında işə düşüb, sonrakı stansiya B-2 və ya “Memar Əcəmi-2” stansiyasıdır. Adından göründüyü kimi, bu stansiya keçid stansiyasıdır, yəni onun vasitəsilə «Bənövşəyi xətt»in sərnişinləri «Memar Əcəmi» stansiyası vasitəsilə hazırda mövcud olan «Dərnəgül - Xətai» xəttinə keçə bilərlər. 

Növbəti, 3-cü stansiya (B-3) Ceyhun Səlimov küçəsində – Bakının «Papanin» adlanan ərazisində olacaq. Bu stansiya «Bənövşəyi xətt»lə gələcəkdə tikilməsi nəzərdə tutulan «Mavi xətt»in kəsişməsində olduğu üçün bu da keçid stansiyası hesab olunur.

«Bənövşəyi xətt»in 4-cü stansiyası (B-4) Heydər Əliyev adına İdman-Konsert Kompleksinin arxasında, təxminən 1 saylı Klinik Tibbi Mərkəzlə adıçəkilən kompleksin arasında, «Neptun» marketin yaxınlığında olacaq, oradan bir neçə istiqamətə – kompleksin özünə, C.Məmmədquluzadə küçəsinə, eləcə də Tbilisi prospektinə çıxışlar olacaq.

Xəttin beşinci stansiyası (B-5) şəhərin mərkəzində – Heydər Əliyev Sarayının arxa hissəsində –«Qış bağı»nın yanında tikiləcək.

Burdan sonra metro xətti şəhərin mərkəzinə və dənizə doğru davam edəcək və altıncı stansiya (B-6) Azadlıq meydanında olacaq.

Azadlıq meydanından sonrakı stansiya (B-7) «Xətai» stansiyası ilə keçid stansiyası olacaq.

B-8 stansiyasının isə Keşlə qəsəbəsində (məscidin yanında) inşa olunacağı gözlənilir.

Növbəti 2 stansiya Babək prospektində olacaq. Onlardan biri (B-9) “Murad” şadlıq evinin yanında yerləşəcək, digəri isə (B-10) keçmiş «Maşın bazarı» kimi tanınan ərazinin yaxınlığında olacaq. Bundan sonrakı stansiya (B-11) “Xalqlar Dostluğu” stansiyası ilə kəsişəcək. Nəhayət, bu xətt üzrə sonuncu stansiya (B-12) Qaraçuxur qəsəbəsində inşa olunacaq. Qəsəbədə stansiya Hajinski prospektində,  Dövlət Yanğından Mühafizə Xidmətinin yanında tikiləcək.

Hazırda «Bənövşəyi xətt» üzrə işlər tam surətlə gedir. Bu yaya qədər xəttin ilk iki stansiyası - «Avtovağzal» və «Memar Əcəmi 2»  stansiyalar istismara veriləcək. Yeri gəlmişkən, gələcəkdə «Bənövşəyi xətt»in Xocahəsəndə yerləşəcək depoya qədər uzadılması nəzərdə tutulur. 

«Mavi xətt»

Başlanğıcını Yeni Yasamaldan götürən «Mavi xətt» Sabunçu rayonunun Bakıxanov qəsəbəsinədək uzanacaq. Bakı Metroliteni xətlərinin perspektiv sxeminə əsasən, «Mavi xətt»də 11 stansiya və 1 depo olacaq. Depo Yeni Yasamal ərazisində tikiləcək.

Beləliklə, «Mavi xətt»in ilk stansiyası (M-1) Yeni Yasamalda, «Bizim Market»dən bir qədər yuxarıda 77 saylı avtobusun sonuncu dayanacağı kimi tanınan ərazidə nəzərdə tutulur.

2-ci stansiya (M-2) hazırkı «İnşaatçılar» stansiyası ilə keçid stansiyası olacaq.

Bu xəttin 3-cü stansiyası (M-3) Ceyhun Səlimov küçəsində (Papanində) yerləşəcək və «Bənövşəyi xətt»lə keçid stansiyası olacaq. 

4-cü stansiya (M-4) Həsən Əliyev küçəsində Kooperasiya Universitetinin yanında nəzərdə tutulur. Bu stansiyada «Mavi xətt» metronun digər istiqaməti olan «Sarı xətt»lə kəsişəcək.

Xəttin 5-ci stansiyası (M-5) isə hazırkı «Gənclik» stansiyası ilə keçid olacaq.

M-6 stansiyası «Gənclik» stansiyası ilə Keşlə qəsəbəsinin arasında yerləşəcək.

«Mavi xətt»in 7-cı stansiyası (M-7) Keşlə qəsəbəsində «Bənövşəyi xətt»lə kəsişəcək. Xəttin sonrakı iki stansiyaları (M-8 və M-9) Heydər  Əliyev adına Neft Emalı Zavodunun ətrafı və 8-ci kilometr ərazisinə düşür.

10-cu stansiya (M-10) «Qara Qarayev» stansiyası ilə keçiddir.

Sonuncu olacaq M-11 stansiyası isə Bakıxanov qəsəbəsində yerləşəcək. Hazırda «Mavi xətt»in üzərində layihə işləri gedir.

«Sarı xətt»

Bakının metro xətləri sxemində ən böyük səbirsizliklə gözlənilən istiqamət «Sarı xətt»dir desək, yanılmarıq. Bu xətt paytaxtın kifayət qədər inkişaf etmiş və gur hərəkət olan, amma nəqliyyat sisteminin lazımi səviyyədə olmadığı ərazilərini birləşdirir.

İlkin plana əsasən 11 stansiyadan və 1 depodan ibarət olacaq «Sarı xətt» başlanğıcını (S-1 stansiyası) Binəqədi qəsəbəsindən götürəcək, ikinci stansiya (S-2) M.Ə.Rəsulzadə qəsəbəsində olacaq. 

Xəttin 3-cü stansiyası (S-3) hazırkı «Azadlıq prospekti» stansiyası ilə keçid olacaq, 4-cü stansiya (S-4) isə 8-ci mikrorayon ərazisində – Ayna Sultanovanın heykəli ilə «Azadlıq prospekti» metrosunu birləşdirən xəttin düz ortasında inşa ediləcək.

5-ci stansiya (S-5) Kooperasiya Universiteti yaxınlığında «Mavi xət»lə, 6-cı stansiya (S-6) Heydər Əliyev adına İdman Kompleksi yaxınlığında «Bənövşəyi xətt»lə kəsişəcək, 7-ci stansiya (S-7) hazırkı «Nizami» stansiyası, 8-ci stansiya (S-8) isə «İçərişəhər» stansiyası ilə keçid olacaq.

İçəri şəhərlə Bibiheybət məscidi arasındakı ərazidə isə 2 stansiya (S-9 və S-10) tikiləcək. «Sarı xətt»in sonuncu -11-ci stansiyası isə Bibiheybət məscidinin yaxınlığında, yeni salınmış «Yeni şəhər» yaşayış kompleksinin ətrafında nəzərdə tutulub.

«Qırmızı» və «Yaşıl» xətlər genişlənir

Yeni xətlərin salınması ilə yanaşı, indi mövcud olan «Qırmızı» və «Yaşıl» xətlər də genişlənəcək. Bu işlər nəticəsində hər iki xətt hər iki istiqamətdə uzanacaq.

«Yaşıl xətt»

Belə ki, hazırda «Yaşıl xətt» metronun «Xətai» və «Dərnəgül» metro stansiyalarını birləşdirir. Genişlənmə işləri nəticəsində xətt dairəvi forma alacaq. Yəni hər iki tərəfdən uzanmaqla Koroğlu stansiyasında dairə qapanacaq.

Bunun üçün «Xətai» stansiyasından tikilməkdə olan «Həzi Aslanov 2» stansiyasına qədər Nobel prosepekti boyunca 3 yeni stansiya tikiləcək. Bunlardan biri «Ağ Şəhər»də, digəri Xəzər TV-nin binasının yanında (Neft Emalı Zavodunun qabağında), biri də "Nargilə" dairəsi yaxınlığına düşür. 

«Həzi Aslanov 2»dən sonra Köhnə Günəşli, Yeni Günəşli və Qaraçuxurda keçid stansyası olacaq. Qaraçuxurdan sonra tikiləcək stansiya (Bakıxanovla Qaraçuxurun arasında olacaq), sonrakı stansiya Bakıxanov qəsəbəsində, sonra isə Bakıxanovla «Koroğlu» stansiyasının arasında olacaq. Sonra isə Koroğlu stansiyasında keçid stansiyası (11ci) olacaq.

Dərnəgüllə Koroğlu arasında isə 2 yeni stansiya olacaq. Bu stansiyalardan biri «Elit» ticarət mərkəzi və 10 saylı Cəzaçəkmə müəssisəsinin ətrafında, 2cisi isə Böyük Şor yaxınlığında olacaq. 

«Qırmızı xətt»

«Qırmızı xətt» üzrə isə genişləndirmə işlərinin bir hissəsi «İçəri şəhər» stansiyasından sonra olacaq. “İçəri şəhər”dən sonra Badamdar qəsəbəsinə qədər 4 yeni stansiyanın tikintisi nəzərdə tutulub. Bunlardan biri Mətbuat prospektində - 20 saylı məktəbin yanında, digəri Nəbatat bağı ətrafında olmalıdır.

Digər iki stansiya Badamdar qəsəbəsinin ərazisində tikiləcək. Bunlardan biri ABŞ səfirinin evi yaxınlığında, digəri isə qəsəbə şurasının yaxınlığında olacaq.

«Qırmızı xətt» digər tərəfdən, «Həzi Aslanov» stansiyasından sonra da genişlənəcək. Buradan Zığ şosesinə tərəf 2 yeni stansiyanın tikilməsi nəzərdə tutulub. Bunlardan biri Zığ şosesinə girəcəkdə, digəri isə Hərbi Akademiyanın yaxınlığında tikiləcək.

BakuCity.az

Bakı metro yeni stansiyalar
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Cəmiyyət
Rayonlara gediş-gəliş qaydaları müəyyənləşib Bu gündən Bakı, Sumqayıt, Gəncə, Yevlax, Masallı, Cəlilabad, Mingəçevir şəhərlərinin və Abşeron, Bərdə, Salyan, Xaçmaz, Goranboy, Göygöl rayonlarının ərazisinə giriş-çıxış qaydaları müəyyənləşib. BakuCity.az xəbər verir ki, Nazirlər Kabinetinin qərarına əsasən sərt karantin rejimin tətbiq olunan şəhər və rayonlara giriş-çıxış aşağıdakı qaydalara uyğun olaraq həyata keçiriləcək: – Yaxın qohumunun dəfnində iştirak...
Hadisələr
Bakıda xəsarətlə nəticələnən yol qəzası baş verib. BakuCity.az xəbər verir ki, hadisə Nəsimi rayonunda qeydə alınıb. 1997-ci il təvəllüdlü Mikayılov Mikayıl Mirzəbala oğlu motosikletlə hərəkətdə olarkən idarəetməni itirib. Nəticədə nəqliyyat vasitəsi beton səkiyə çırpılıb. Hadisə zamanı M.Mikayılov müxtəlif bədən xəsarətləri alıb. Yaralı xəstəxanaya çatdırılıb, müayinə zamanı ona sol ayağın yerdəyişən sınığı diaqnozu qoyulub. Faktla bağlı araşdırma aparılı...
Cəmiyyət
Xəbər verdiyimiz kimi, paytaxt çimərlikləri avqustun 5-dən istifadəyə verilib. Nazirlər Kabineti yanında Operativ Qərargahın qərarı ilə çimərliklər xüsusi karantin rejiminin tələblərinə uyğun müəyyən edilən qaydalar çərçivəsində avqustun 5-dən vətəndaşların istifadəsinə verilib. Yay fəslində vətəndaşların ən çox üz tutduqları məkanlardan olan çimərliklərdə son iki gündür ki, sıxlıq müşahidə olunur. Bu da koronavirusa yoluxma riskini artırır. Bakı Şəhər İcr...
Cəmiyyət
BNA pandemiya zamanı görülən işlərlə bağlı əhaliyə müraciət edib. Azərbaycanda koronavirus pandemiyası ilə mübarizədə sistemli işlər görülür. Dövlət tərəfindən tətbiq edilən profilaktik və preventiv tədbirlər sayəsində son vaxtlar koronavirusa qarşı mübarizə işində müsbət dinamika müşahidə olunur. Bakı Nəqliyyat Agentliyindən (BNA) BakuCity.az-a bildirilib ki, pandemiya zamanı hökumətin diqqətdə saxladığı əsas məsələlərdən biri də Bakı şəhərində əhalinin,...
Kriminal
Paytaxtın Suraxanı rayonunda qardaş qardaşı öldürüb. Avqustun 8-də Suraxanı rayonu ərazisində Səfa Eynullayevin bıçaqlanaraq öldürülməsi barədə məlumat daxil olub. BakuCity.az xəbər verir ki, Suraxanı rayon prokurorluğundan verilən məlumata görə, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib. Faktla bağlı Suraxanı rayon Prokurorluğunda Ci...
Hadisələr
Bakıda polisə soyuq silahla xəsarət yetirilib. BakuCity.az xəbər verir ki, hadisə Xətai rayonunda qeydə alınıb. Polis əməkdaşı oğurluq edən şəxsi yaxalayan zaman cinayətkar ona bıçaq zərbəsi endirib. Nəticədə polis həyatını qorumaq və oğurluq edən şəxsin ərazidən qaçmasının qarşısını almaq üçün öncə havaya, daha sonra ona atəş açıb. Ayağından güllə yarası alan 1994-cü il təvəllüdlü Elşad Əsədov və hüquq mühafizə orqanın əməkdaşı 3 saylı Şəhər Klinik Xəstəx...
Siyasət
"Azərbaycan Ordusu daha güclüdür və yaxşı təchiz olunub, amma..." Rusiya Hərb Elmləri Akademiyasının rəyasət heyətinin üzvü, hərb elmləri doktoru, bir sıra müharibələrin veteranı, general-leytenant Sergey Çvarkova görə, Qarabağ münaqişəsini sülh yolu ilə həll etmək mümkün deyil. Amma Rusiyanın hərbi-siyasi rəhbərliyinin yürütdüyü siyasətin sayəsində az qala 30 ildir ki, münaqişə nəzarət altındadır və onun ifrat kəskinləşməsinə imkan verilmir. “Dağlıq Qarab...
Kriminal
Ermənilər Gürcüstanda iğtişaşlar törədib, 5 bina yandırılıb. Gürcüstanda ermənilərin yığcam yaşadıqları Samtsxe Cavaxeti bölgəsinin Axalkalaki şəhərində iğtişaşlar törədilib. BakuCity.az xəbər verir ki, buna səbəb Kulikam kəndindən olan gəncin odlu silahla qətlə yetirilməsi olub. Qətl hadisəsindən sonra gənclər arasında qarşıdurma baş verib. Bir qrup aqressiv gənc Axalkalakidə yerləşən 4 ev və 1 mehmanxananı yandırıblar. Yandırılan binaların sahibinin gənc...
Ekologiya
Bakıda 9 avqustda gözlənilən hava şəraiti açıqlanıb. Milli Hidrometeorologiya Xidmətindən BakuCity.az-a verilən məlumata görə, Bakıda və Abşeron yarımadasında havanın yağmursuz keçəcəyi gözlənilir. Mülayim cənub küləyi əsəcək. Havanın temperaturu Abşeron yarımadasında gecə 22-25, gündüz 29-34, Bakıda gecə 23-25, gündüz 31-33 dərəcə isti olacaq. Atmosfer təzyiqi normadan aşağı 754 mm civə sütunu, nisbi rütubət gecə 60-70, gündüz 40-45 faiz təşkil edəcək. Ab...