Bakıda ilk dəfə iki qurum eyni vaxtda iş görür - Yol təkrar qazılmayacaq

Bakıda ilk dəfə iki qurum eyni vaxtda iş görür - Yol təkrar qazılmayacaq

Təkrar qazıntıya ehtiyac qalmayacaq

Bu gün Bakının bir hissəsində qaz olmayacaq.

"Azəriqaz" İstehsalat Birliyindən BakuCity.az-a verilən məlumata görə, Xətai rayonu Zakir Yusifov küçəsində aparılacaq asfaltlama işləri çərçivəsində həmin yolda köhnə kəmərin yenisi ilə dəyişdirilməsi işləri də icra ediləcək. Bu barədə Azərbaycan Avtomobil Yolları Dövlət Agentliyi ilə razılıq əldə olunub.

Bununla da yol çəkilişi ilə qaz xəttinə dair təmir prosesinin, eyni zamanda, təşkili yenicə çəkiləcək asfalt örtüyünün qorunmasına səbəb olacaq və bu proses üçün bundan sonra təkrar qazıntı aparılmasına ehtiyac qalmayacaq.

Bu zaman yol keçidindəki yeraltı 325 mm diametrində polad boru 315 mm diametrində polietilen boru ilə əvəzlənəcək.

Səhər saat 09 radələrində başlayan işlər zamanı Xətai rayonunun NZS qəsəbəsi, Rəşid Bağırov, Yavər Əliyev, Aşıq Qurban, Süleyman Əhmədov, İlqar Həbibov küçələrində bir qrup abonentin qaz təchizatında müvəqqəti olaraq (təqribən 4 saat müddətinə) fasilələr müşahidə olunacaq.

BakuCity.az

Bakı Azəriqaz yol təmiri
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər