Bakıda şəhid övladının ad günündə restorandan nümunəvi jest - VİDEO

Bakıda şəhid övladının ad günündə restorandan nümunəvi jest - VİDEO

Amin üçün əlavə xidmətlər də təşkil ediblər

Bakıda restoranların birində övladına ad günü keçirən ana hesabı vermək istəyəndə, ondan pul götürməyiblər.

BakuCity.az Baku.ws-ə istinadən məlumat verir ki, Aprel şəhidimiz Seymur Baxışovun həyat yoldaşı Aynur Baxışova övladı Aminin 8 yaşını qeyd etmək üçün restoran danışıb. Qiymət razılaşıb və ad günü mərasimi baş tutub. Ödəniş etmək istədikdə isə "Bu bizim borcumuzdur, sizin övladınızın şad gününü təşkil etmək bizim üçün fəxrdir" cavabını alıb.

Restoran sahibi müştərisinin şəhid ailəsi olduğunu biləndə hesabı götürməkdən imtina edib.

Bakıdakı restoranların biri aprel şəhidi Seymur Baxışovun ailəsinə maraqlı jest edib. Şəhidin övladı Aminin 8 yaşını qeyd etmək üçün anası restoranların birində yer rezerv edib. Lakin Aminin atasının aprel döyüşlərində şəhid olduğu barədə heç nə deməyib. Restoranda işçilərdən biri uşağı tanıdıqdan sonra isə sahibinə məlumat verib.

A.Baxışova bildirib ki, restorana ödəniş üçün israr etsə də, razılaşmayıblar. Üstəlik, Amin üçün sifarişdə olmayan əlavə xidmətlər də təşkil ediblər.

Amin isə deyir ki, bu ad günü onun üçün unudulmaz bir gün olub. O da böyüyəndə atası kimi hərbiçi olmaq istəyir.

A.Baxışovanın sözlərinə görə, ad günündən sonra restorandan zəng edib bildiriblər ki, bundan sonra da onların xeyir işlərini sevə-sevə təşkil edə bilərlər.

Restorandan bunu reklam üçün etmədiklərini və çəkilişə razı olmadıqlarını bildiriblər.

BakuCity.az

Bakı şəhid övladı resroranı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər