Bakıda saciçi verən restoranlar - SİYAHI + QİYMƏT

Bakıda saciçi verən restoranlar - SİYAHI + QİYMƏT

Sac yeməklərini sevənlər üçün zəngin menyu

Milli mətbəximizin bir çox ləziz təamları sırasında bol çeşidli, zövqə görə hazırlanan saciçi yeməklər də var. Amma sağlam qidalanmaq üçün harada və nə yediyimizə diqqət etməliyik.

BakuCity.az paytaxtda fəaliyyət göstərən restoran və kafelərdə təklif olunan sac yeməkləri və onların qiymətləri barədə məlumat toplayıb. 

Teleqüllə restoranında saciçi yemək üçün depozit ödəməlisiniz

Akademik Abbaszadə, 12 ünvanında yerləşən restorandan bildirilib ki, burada üç növdə saciçi yemək verilir – can əti ilə saciçi, toyuq əti ilə saciçi və balıq sacda (nərə balığı və qızıl balıq). Amma, sac yeməklərinin növü və tərkibi zövqə görə artırıla, həmçinin azaldıla bilər. Restoranda qonaq olmaq istəyən hər kəs 20 manat depozit ödəməlidir.

Bakıda saciçi verən restoranlar - SİYAHI + QİYMƏT, fotoşəkil-1

“Bürc Qala”nın 1 pay sacı 3 nəfərə bəs edir

Kiçik Qala, 15 ünvanında yerləşən “Bürc Qala” restoranından saytımıza bildiriblər ki, burada beş növ sac yeməyi verilir - can əti, quzu əti və kənd çolpasından saciçi, assorti sac və can əti qovurma sacda. Hər sac yeməyi iki nəfərlik nəzərdə tutulub, amma üç nəfərə də bəs edər.

“Qazmaq”

Kiçik Qala , 124 ünvanında yerləşən Qazmaq restoranında toyuq, dana, quzu əti ilə saciçi, həmçinin nərə balığı ilə saciçi və assorti sac olmaqla 5 növdə yemək verilir.

“Tonqal”da sac sifarişi 2 paydan başlayır

Həsən Əliyev küçəsində yerləşən restorandan verilən məlumata görə, burada da sacın beş növü verilir –  quzu əti, dana əti, çolpa, assorti və içalat sacı. Məkandan əlavə olunub ki, burada sacı iki paydan başlayaraq sifariş verə bilərsiniz.

“Nərgiz”in daimi müştəriləri üçün endirim edir

Tərlan Əliyarbəyov, 9 ünvanında yerləşən “Nərgiz” restoranı müştərilərinə saciçinin 9 növünü təklif edir –  nərə balığından saciçi, toyuq ləvəngi sacda, toyuq ətindən saciçi, dana ətindən saciçi, quzu ətindən saciçi, assorti sac, tərəvəzlə sac, cız-bız və içalat sacı.  Daimi müştərilər üçün qiymətdə endirimlər də edilir.

“Şirvanşah Muzey Restoran”da balıq sacın 1 payı 50-55 manatdır

Salatın Əsgərova, 86 ünvanında fəaliyyət göstərən “Şirvanşah Muzey Restoran”da sacın 6 növü təklif olunur – nərə balığı sacda, malın can ətindən saciçi, quzu və toyuq ətindən saciçi, içalat və assorti sac. Restorandan verilən məlumata görə, məkanda Nərə balığı ilə verilən sacın qiyməti bazara uyğun olaraq tez-tez dəyişir və 1 payı təqribən 50-55 manata başa gəlir.

Bakıda saciçi verən restoranlar - SİYAHI + QİYMƏT, fotoşəkil-2

“Darçın” restoranının ən çox sifariş olunan sacı assortidir

“Darçın” restoranı Zahid Xəlilov, 43 ünvanında yerləşir. Məkandan verilən məlumata görə, burada müştərilərə dörd  növdə sac təqdim edilir – toyuq, quzu və can ətindən saciçi, assorti sac. Restorandan bildiriblər ki, burada ən çox sifariş olunan assorti sacdır.

“Əfsanə” sac yeməklərini zövqə görə hazırlayır

Kafedən verilən məlumata görə, məkanda verilən assorti sacın tərkibi xırda doğranmış toyuq sinə əti, xırda doğranmış can əti (mal), göbələk, kartof, pamidor və bibərdən ibarətdir. Bu sac sadə, holland pendiri və qaymaqlı olmaqla üç növdə hazırlanır.

“Ənənəvi sac” adlandırılan saciçi isə əsasən antrikot, mal  və qoyun əti (iri tikə və sümüklərlə), ciyər qovurması və müxtəlif tərəvəzlər əlavə olunmaqla dörd növdə hazırlanır. Kafe Nəriman Nərimanov, 30 ünvanında yerləşir. 

Qiymət cədvəli:

Restoranlar

Sac

Qiymət

Teleqüllə

Can əti ilə (qoyun əti, 1 pay)

20 AZN

Balıq sacda (1 pay)

23-36 AZN

Çolpa sacda (1 pay)

30 AZN



Bürc Qala

Can əti ilə sac (1 pay)

24 AZN

Quzu əti ilə sac (1 pay)

22 AZN

Çolpa sacda(1 pay)

14 AZN

Assorti sac (1 pay)

35 AZN

Can əti ilə qovurma sac (1 pay)

20 AZN



Qazmaq

Toyuq sac (2 pay)

15 AZN

Dana sac (2 pay)

19 AZN

Assorti sac (2 pay)

22 AZN

Quzu sac (2 pay)

17 AZN

Nərə balığı ilə sac (2 pay)

35 AZN


Tonqal

Quzu və dana əti ilə sac (1 pay)

11 AZN

Assorti sac (1 pay)

12 AZN

Çolpa sacda (2 pay)

16 AZN

İçalat və tərəvəz sacda (1 pay)

8 AZN



Nərgiz

Toyuq ləvəngi sacda (1.200 qr)

31 AZN

Toyuq əti ilə sac (1 pay)

10,50AZN

Dana əti ilə sac (1 pay)

11,90 AZN

Quzu əti ilə sac

8.00 AZN

Assorti sac (1 pay)

12,50 AZN

Cız-bız və quzu içalatı sacda (1 pay)

12,40 AZN

Nərə balığı sacda (1 pay)

33 AZN

Tərəvəz sac (1 pay)

7,50 AZN




Şirvanşah Muzey-Restoran

Nərə balığı sacda (2 pay)

50-55 Azn

Malın can ətindən sac (2 pay)

16 AZN

Quzu ətindən sac (2 pay)

13 AZN

Toyuq ətindən sac (2 pay)

13  AZN

İçalat sac (2 pay)

11   AZN

Assorti sac (2 pay)

15 AZN



Darçın

Toyuq əti ilə sac (2 pay)

18-20 AZN

Quzu əti ilə sac (2 pay)

20 AZN

Can əti ilə sac (2 pay)

22 AZN

Assorti sac (2 pay)

24 AZN

Əfsanə

Assorti sac (qaymaqlı və pendirli, 2 pay)

18 AZN

Assorti sac (sadə, 2 pay)

16 AZN

Antrikot sac

30 AZN

Saciçinin hazırlanmasında eyni vaxtda ətdən və bol tərəvəzdən istifadə olunur. Ən qədim sac yeməyi isə sac qovurmadır ki, o da ətin ən yaxşı hissəsi, qoyun quyruğu və soğanla birlikdə yağda, sac içində qovrulur.

Sacda bişirilən yeməklər isti halda süfrəyə verilməlidir. Bunun üçün sac süfrədə "sacayağı" deyilən 3 dayaqlı altlığın üzərində qoyulur.

Ramilə Qardaşxanqızı

BakuCity.az

Bakı restoran saciçi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər