Bir evdən 3 dəfə oğurluq edən dəstə üzvləri ələ keçdi - FOTO

Bir evdən 3 dəfə oğurluq edən dəstə üzvləri ələ keçdi - FOTO

Cinayət işi açılıb

Abşeron rayonunda bir evdən müxtəlif vaxtlarda 3 dəfə oğurluq edən dəstə üzvləri saxlanılıblar.

Daxili İşlər Nazirliyinin Mətbuat xidmətindən BakuCity.az-a verilən məlumata görə, Abşeron rayonu ərazisindəki evlərin birindən oğurluq edilib. Naməlum şəxslər mənzilə daxil olaraq oradan 59.550 manat dəyərində geyim və məişət əşyaları oğurlayıblar.

Zərərçəkənlər polisə hadisə barədə məlumat verən kimi cinayəti törədən şəxslərin axtarışlarına başlanılıb.

Abşeron rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində qeyd edilən hadisəni törətməkdə şübhəli bilinən Masazır qəsəbə sakinləri, əvvəllər məhkum olunmuşlar – Bəxtiyar Aslanov, Qara Məmmədov və Elmir Bəndəliyev saxlanılıblar.

Araşdırma zamanı müəyyən edilib ki, dəstə üzvləri müxtəlif vaxtlarda qeyd edilən evə oğurluq məqsədilə 3 dəfə daxil olublar.

Həmin mənzilə 3-cü dəfə oğurluq məqsədilə isə dəstənin digər üzvü Bəxtiyar Aslanov tək daxil olub. O, sonuncu dəfə evdə olan divan və kresloları oğurlayaraq satıb.

Saxlanılan şəxslərin oğurladıqları məişət və geyim əşyalarının bir qismi polis tərəfindən aşkar olunaraq maddi sübut kimi götürülüb.

Faktla bağlı saxlanılan şəxslər barəsində Cinayət Məcəlləsinin müvafiq maddələri ilə cinayət işi başlanılıb.

Dəstə üzvlərinin Abşeron rayonu və digər ərazilərdə oğurluqlarda iştirak edib-etmədikləri istintaq araşdırmalarından sonra məlum olacaq.

Bir evdən 3 dəfə oğurluq edən dəstə üzvləri ələ keçdi - FOTO, fotoşəkil-1 Bir evdən 3 dəfə oğurluq edən dəstə üzvləri ələ keçdi - FOTO, fotoşəkil-2 Bir evdən 3 dəfə oğurluq edən dəstə üzvləri ələ keçdi - FOTO, fotoşəkil-3 Bir evdən 3 dəfə oğurluq edən dəstə üzvləri ələ keçdi - FOTO, fotoşəkil-4 Bir evdən 3 dəfə oğurluq edən dəstə üzvləri ələ keçdi - FOTO, fotoşəkil-5 Bir evdən 3 dəfə oğurluq edən dəstə üzvləri ələ keçdi - FOTO, fotoşəkil-6 Bir evdən 3 dəfə oğurluq edən dəstə üzvləri ələ keçdi - FOTO, fotoşəkil-7 Bir evdən 3 dəfə oğurluq edən dəstə üzvləri ələ keçdi - FOTO, fotoşəkil-8 Bir evdən 3 dəfə oğurluq edən dəstə üzvləri ələ keçdi - FOTO, fotoşəkil-9 Bir evdən 3 dəfə oğurluq edən dəstə üzvləri ələ keçdi - FOTO, fotoşəkil-10

BakuCity.az

Bakı oğurluq qarət
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər