BDU tələbələrinin zəhərlənməsi ilə bağlı təfərrüatlar məlum olub

BDU tələbələrinin zəhərlənməsi ilə bağlı təfərrüatlar məlum olub

Xəstaxanaya getməkdən imtina ediblər

Bakı Dövlət Universitetinin (BDU) 2 saylı yataqxanasında zəhərlənən tələbələrin kimliyi müəyyənləşib.

BakuCity.az "Report"a istinadən məlumat verir ki, bunlar Ekologiya və torpaqşünaslıq fakültəsinin tələbəsi, 1998-ci il təvəllüdlü İbadova Həmidə Bünyamiddin qızı və Kitabxanaçılıq və informasiya fakültəsinin 4-cü kurs tələbəsi, 1998-ci il təvəllüdlü Quliyeva Dilrubə Qismət qızıdır. 

Məlumata görə, D.Quliyevanın vəziyyəti ağırdır.

Dünyasını dəyişən tələbə isə 1999-cu il təvəllüdlü Xasmətova Şəkər Faiq qızıdır.

BDU-nun rektoru Elçin Babayev zəhərlənən tələbələrə baş çəkmək üçün 1 saylı Kliniki Tibbi Mərkəzə gəlib.

Hər üç tələbə qızın ötən gün axşam saatlarında yüksək hərarət və baş ağrısı ilə təcili tibbi yardıma müraciət etdikləri məlum olub. Hadisə yerinə gələn həkim qızlara ilkin tibbi yardım göstərərək onlara iynə vurub.

Təcili yardımın işçiləri hər üç tələbəni xəstəxanaya aparmaq istəsələr də, tələbələr müalicələrini ev şəraitində almaq istədiklərindən hospitalizasiyadan imtina ediblər. Belə olan halda, həkimlər getməli olublar. Hər üç qız eyni otaqda qalırmış.

BakuCity.az

Bakı tələbə zəhərlənmə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər