Məşhur pianoçu Peter Bens Bakıda: "Azərbaycan mətbəxindən çox xoşum gəlir" - FOTO + VİDEO

Məşhur pianoçu Peter Bens Bakıda: "Azərbaycan mətbəxindən çox xoşum gəlir" - FOTO + VİDEO

"Bakı haqqında çox şey öyrəndim"

Bakıda dünyanın ən sürətli piano ifaçısının konsertinə həsr olunmuş mətbuat konfransı keçirilib.

BakuCity.az-ın məlumatına görə, məşhur macar pianoçusu Peter Bens dünya turu çərçivəsində noyabrın 22-də Bakı Konqres Mərkəzində konsert verəcək.

Dünyanın ən sürətli pianoçusu azərbaycanlı jurnalistlərlə söhbətində konsert proqramından danışaraq bildirib ki, Bakı tamaşaçıları üçün yeni əsərlərini səsləndirəcək: 

“Konsertdə həm də orijinal kompozisiyalar olacaq. Bu dəfə fortepiano və tarın vəhdətini planlaşdırırıq".

P.Bensin sözlərinə görə, az musiqi dinləyir, çünki çox vaxt öz kompozisiyaları üzərində işləyir, ona görə də hələ Azərbaycan bəstəkarlarının əsərləri ilə tanış olmağa vaxt tapmayıb. 

Ümumiyyətlə, o, yalnız fortepiano ilə deyil, müxtəlif janrlarda da musiqi dinləməyə çalışır: 

“Əlbəttə, klassik musiqilərə qulaq asıram, çünki çox sevirəm, ancaq yeni bir şey öyrənməyi də sevirəm. Yalnız dinamik musiqiyə qulaq asmağı və daha sonra fortepianoda çalmağı üstün tuturam. Maykl Cekson kimi əfsanəvi sənətkarların musiqisini də bəyənirəm, belə musiqi məni ruhlandırır”.

Macar sənətçi ölkəmiz haqqında çox şey bildiyini də vurğulayıb:

“Bura gəlməzdən əvvəl Bakı haqqında çox şey öyrəndim. Sizin şəhərinizdən və Azərbaycan mətbəxindən çox xoşum gəlir! Onu da bilirəm ki, Bakıda Azərbaycan və Macarıstan arasında oyun keçirilib".

Qeyd edək ki, P.Bens 2012-ci ildən bəri ABŞ, Kanada, Avropa və Asiyada qastrol səfərlərində iştirak edir. O, eyni zamanda televiziya, kino, teatr, qısametrajlı filmlər və sənədli filmlər, həmçinin məşhur sənətçilər üçün mahnılar yazmağa başlayıb.

Konsert sabah saat 20:00-da Bakı Konqres Mərkəzində keçiriləcək.

Məşhur pianoçu Peter Bens Bakıda: "Azərbaycan mətbəxindən çox xoşum gəlir" - FOTO + VİDEO, fotoşəkil-1 Məşhur pianoçu Peter Bens Bakıda: "Azərbaycan mətbəxindən çox xoşum gəlir" - FOTO + VİDEO, fotoşəkil-2 Məşhur pianoçu Peter Bens Bakıda: "Azərbaycan mətbəxindən çox xoşum gəlir" - FOTO + VİDEO, fotoşəkil-3 Məşhur pianoçu Peter Bens Bakıda: "Azərbaycan mətbəxindən çox xoşum gəlir" - FOTO + VİDEO, fotoşəkil-4 Məşhur pianoçu Peter Bens Bakıda: "Azərbaycan mətbəxindən çox xoşum gəlir" - FOTO + VİDEO, fotoşəkil-5 Məşhur pianoçu Peter Bens Bakıda: "Azərbaycan mətbəxindən çox xoşum gəlir" - FOTO + VİDEO, fotoşəkil-6

BakuCity.az

Bakı piano konsert
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər