Bakıda avtobuslar təzələndi - FOTO

Bakıda avtobuslar təzələndi - FOTO

Daşıyıcıya ciddi xəbərdarlıq edilmişdi

Bakıda uzun müddətdir yararsız vəziyyətdə olan 71 və 93 nömrəli müntəzəm marşrut xətti üzrə avtobuslar təmir olunan və nisbətən iritutumlu nəqliyyat vasitələri ilə əvəz olunub.

Bakı Nəqliyyat Agentliyindən BakuCity.az-a verilən məlumata görə ki, hər iki marşrut xətti üzrə istismarda olan avtobusların texniki baxımdan yararsız olması, sərnişin tələbatını ödəməməsi, eləcə də digər çatışmazlıqlar daim sərnişinlərin haqlı narazılığına səbəb olurdu. Ötən dövrdə bununla əlaqədar vətəndaşlar tərəfindən 141 Çağrı Mərkəzinə də çoxsaylı müraciətlər daxil olub.

Vətəndaşlara rahat və təhlükəsiz sərnişindaşıma xidmətinin göstərilməsi, eyni zamanda, buna mane olan halların qısa vaxtda aradan qaldırılması ilə bağlı hər iki xətt üzrə daşıyıcıya ciddi xəbərdarlıq edilmişdi. Bildirilmişdi ki, yenilənmə işləri mütləq qaydada davam etdirilməli, sərnişindaşıma fəaliyyətləri Nazirlər Kabinetinin 04 mart 2019-cu il tarixli 73 saylı qərarı ilə təsdiq olunmuş tələblərə tam uyğunlaşdırılmalıdır.

Bakıda avtobuslar təzələndi - FOTO, fotoşəkil-1 Bakıda avtobuslar təzələndi - FOTO, fotoşəkil-2 Bakıda avtobuslar təzələndi - FOTO, fotoşəkil-3 Bakıda avtobuslar təzələndi - FOTO, fotoşəkil-4

BakuCity.az

Bakı avtobuslar
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər