Bakıda müəllimə şagirdi döydü - VİDEO

Bakıda müəllimə şagirdi döydü - VİDEO

"Bütün uşaqları bezdirib"

Bakının Xətai rayonunda yerləşən 269 saylı orta məktəbdə müəllimə şagirdi döyüb.

BakuCity.az xəbər verir ki, bu barədə valideynlərdən biri Azvision.az-a bildirib. O deyib ki, məktəbin rus bölməsində çalışan rəsm müəlliməsi İradə Əhmədqızı dərs zamanı şagirdi döyüb.

Hadisənin hansı səbəbdən baş verdiyi məlum olmasa da, adıçəkilən müəllimənin bir neçə dəfə oxşar hərəkətlərə yol verdiyi deyilir.

“Rəsm kurslarına gedən hansısa şagird yaxşı rəsm çəkirsə, onu döyərək “bu şəkli başqasına çəkdirmisən, özün çəkə bilməzsən” deyir. Bütün uşaqları bezdirib. Dəfələrlə direktora müraciət etmişik, amma cavab belə olub ki, məktəbin tək rəsm müəllimi odur, işdən çıxara bilmərik”, - deyə valideyn vurğulayıb.

Azvision.az məsələ ilə əlaqədar R.Məmmədov adına 269 nömrəli tam orta məktəblə əlaqə saxlayıb. Məktəbdən sorğumuza cavab olaraq bildirilib ki, müəllimənin şagirdə (müvafiq səbəblərə görə şagirdin adı qeyd olunmur) qeyri-uyğun davranışı ilə bağlı videogörüntü 2018-2019-cu tədris ilində çəkilib.

"Valideyn bu barədə həmin vaxt məktəb rəhbərliyinə heç bir müraciət etməyib. 22.11.2019-cu il tarixində valideyn məktəbə gələrək videogörüntünü direktora təqdim edib. Direktor dərhal müəllimə və valideynlə birgə söhbət aparıb. Məsələ ilə bağlı müəllimin izahatı alınıb. Müəllimə izahatında özünü dərs zamanı pis apardığına və lazımsız ifadə işlətdiyinə görə şagirdə istəmədən əl qaldırdığını bildirib. Məktəb direktoru tərəfindən müəlliməyə xəbərdarlıq edilib".

BakuCity.az

Bakı müəllim şagird
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər