Zəhərlənən BDU tələbələri ilə bağlı yeni TƏFƏRRÜATLAR

"Arıqlamaq üçün çaylardan istifadə ediblər"

Noyabrın 21-də Bakı Dövlət Universiteti (BDU) 2 saylı yataqxanasında 3 tələbə qız zəhərlənib. Onlardan biri - fizika fakültəsinin tələbəsi, 1999-cu il təvəllüdlü Xasmətova Şəkər Faiq qızı qidadan vəfat edib.

1998-ci il təvəllüdlü İbadova Həmidə Bünyamiddin qızı (Ekologiya və torpaqşünaslıq fakültəsinin tələbəsi) və 1998-ci il təvəllüdlü Quliyeva Dilrubə Qismət qızı (Kitabxanaçılıq və informasiya fakültəsinin tələbəsi) zəhərlənərək Kliniki Tibbi Mərkəzə yerləşdirilib. Dərhal polis, prokurorluq, Qida Təhlükəsizlik Agentliyinin əməkdaşlarının və məhkəmə-tibb ekspertinin iştirakı ilə hadisə yerinə baxış keçirilib, qida nümunələri götürülərək laborator müayinəsinə göndərilib. Fakta görə Bakı şəhər prokurorluğunda Cinayət Məcəlləsinin 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə cinayət işi başlanıb, istintaq aparılır.

BakuCity.az xəbər verir ki, "Yeni Müsavat”ın əməkdaşı da Bakı Dövlət Universitetinin yataqxanasında və universitet binasında olub, hadisə ilə bağlı bəzi məlumatlar əldə edib.

Əvvəlcə BDU-nun Tələbə şəhərciyində olduq. Bura "Tələbə şəhərciyi” kimi tanınsa da, söhbət etdiyimiz komendant Pərviz Əsgərovun sözlərinə görə  yataqxana binasında cəmi 130 tələbə yaşayır. Eyni zamanda həmin binada məcburi köçkünlər də məskunlaşıblar. Universitetin 3 yataqxana korpusu ötən illərdə sökülüb. Yeni yataqxana binası tikilsə də, hələ tamamlanıb istifadəyə verilməyib. Pərviz Əsgərov bildirdi ki, istintaq aparıldığı üçün tələbələrin zəhərləndiyi otağa kimsənin daxil olmasına icazə verilmir:

"Burada əvvəllər məcburi köçkünlər yaşayıblar. 2014-cü ildə məcburi köçkünlərin bir qismi köçürüldükdən sonra boş qalan yerlərdə tələbələr yerləşdirilib. Hazırda binada tələbələr, məcburi köçkün ailələri və BDU-nun əməkdaşlarının ailələri yaşayırlar. Köhnə yataqxana olduğu üçün burada yeməkxana fəaliyyət göstərmir. Tələbələr qidaların hamısını kənardan gətirirlər. Ya alırlar, ya da onlara rayonlardan göndərilir. Əsasən də rayonlardan ailələri onlara qidalar göndərirlər. Hadisə gecə saatlarında baş verib. Gecə saat 2-yə qalmış gözətçi bizə məlumat verdi ki, təcili tibbi yardım xidmətinə zəng edilib və maşını qarşılamağa gedir. Təcili tibbi yardım xidmətinin əməkdaşları 1 saatdan çox həmin qızların yanında olublar. Qızlara təklif olunub ki, onlarla birlikdə xəstəxanaya getsinlər. Ancaq qızlar bildiriblər ki, özlərini yaxşı hiss edirlər və buna gərək duymurlar. Həkimlər gedəndən sonra bizim gözətçimiz də otağa qalxıb. Qızlar deyiblər ki, heç bir problem yoxdur. Zəhərlənən qızlar qonşu otaqda qalan tələbələrə deyiblər ki, səhər əgər yatıb qalarsaq, bizi də oyadarsız. Səhər oyadan zaman isə görüblər ki, qızların ağzından köpük gəlir. Daha sonra isə 3 təcili tibbi yardım maşını gəlib və onlar xəstəxanaya aparılıb. Tələbələrin hər üçü 4-cü kursda oxuyublar və bir otaqda qaldıqları üçün ehtimal olunur ki, onlar  eyni qidanı yeyərək, zəhərləniblər”.

Pərviz Əsgərov digər suallara cavab verməkdən imtina edib, fotosunu çəkməyimizə icazə vermədi...

Daha sonra dünyasını dəyişən Xasmətova Şəkər Faiq qızının təhsil aldığı universitetin Fizika fakültəsinə yollandıq. Fizika fakültəsinin yerləşdiyi BDU-nun əsas binasının girişində Şəkər Xasmətovanın çiçəklərlə bəzədilmiş fotosu qoyulmuşdu. Fakültədə söhbət etdiyimiz tələbələr bildirdilər ki, Şəkər Xasmətovanı intizamlı tələbə kimi tanıyıblar və baş verən hadisədən çox kədərləniblər. Universitetin mətbuat xidmətinin rəhbəri Pərvanə İbrahimova "Yeni Müsavat”a bildirdi ki,  Kliniki Tibbi Mərkəzin Toksikologiya şöbəsində müalicə alan zəhərlənən digər tələbələr Quliyeva Dilrubə Qismət qızı və İbadova Həmidə Bünyamiddin qızının vəziyyəti  getdikcə yaxşılaşır. Bildirdi ki, universitetin rəhbərliyi noyabrın 21-də və 22-də tələbələrin müalicə aldıqları xəstəxanada olub, onların səhhəti ilə maraqlanıblar:

"Bakı Dövlət Universitetinin zəhərlənmə diaqnozu ilə xəstəxanaya yerləşdirilən tələbələrinin vəziyyəti normaldır. Bu gün səhər universitetin rektoru və müşaviri xəstəxanada tələbələrin yanında olublar. Tələbələr özlərini yaxşı hiss edir, gəzir, yemək yeyirlər. Onlar həkimlərin tam nəzarəti altındadırlar. Yaxın günlərdə evə buraxılacaqlar. Hətta onlar oxumaq üçün kitab istəyiblər. Tələbələrimizə şəfa diləyir və tezliklə sağalmalarını arzulayırıq”.

Dilrubə Quliyevanın təhsil aldığı universitetin Kitabxanaçılıq və İnformasiya fakültəsinə də yollanıb, fakültənin sosial məsələlər, tələbələrlə iş üzrə dekan müavini Ələmdar Cabbarlı ilə söhbət etdik. Ə. Cabbarlı bildirdi ki, Dilrubə Quliyeva onun dərs dediyi qrupun tələbəsidir: "Dilrubəyə 4 ildir dərs deyirəm. Həm dərslərini çox yaxşı oxuyur, həm də ictimai işlərdə kifayət qədər aktivdir. Bizdən universitet rəhbərliyi beynəlxalq tədbirlərlə bağlı nümunəvi tələbə istədikləri zaman onun adını vermişik. Təəssüf ki, bu cür hadisə baş verib. Hadisə baş verən kimi dərhal rektorumuz Elçin müəllim xəstəxanada olub. Mən də noyabrın 21-də saat 20-də xəstəxanaya yollandım. Saat 21-də Elçin müəllim içəridən çıxdı. Yəni səhər saaatlarından axşam saat 9-a qədər Elçin müəllim tələbələrin müalicə aldıqları xəstəxanada olub, həkimlərlə, valideynləri ilə görüşüb. Dünən eyni zamanda tələbələrin qrup yoldaşları da xəstəxanada idilər. Elçin müəllim həkimlərdən xahiş etdi ki, qrup yoldaşlarına, yaxınlarına zəhərlənən tələbələrin səhhətləri ilə bağlı məlumat versinlər. Dünən tələbəmizin valideynləri də xəstəxanada idi. Tələbəmizin valideynləri Göyçayda yaşayırlar. Onlar oradan gələnə qədər artıq bizim rəhbərliyimiz xəstəxanada idi.  İlkin rəy budur ki, zəhərlənmə qidadan baş verib. Lakin hansı qidadan olması məlum deyil”.

Qida ilə bağlı məlumatlar belədir ki, tələbələr ayın 18-də suşi sifariş ediblər. Versiyalardan biri budur ki, həmin suşini saxlayıb, sonradan yedikləri üçün zəhərlənə bilərlər.  Eyni zamanda tələbələrin zəhərlənmədən öncə yaşıl noxud, dovğa yedikləri və arıqlamaq üçün istifadə edilən çaylardan içdikləri bildirilir.

Biz Ələmdar Cabbarlı ilə görüşdüyümüz zaman Dilrubə Quliyevaya baş çəkmək üçün xəstəxanaya gedən qrup yoldaşları da gəldilər. Onlar bizə tələbənin yeni çəkdikləri fotosunu göstərdilər. Fotoda tələbə oturaq vəziyyətdə kameraya əl sallayırdı. Bildirdilər ki, zəhərlənən qrup yoldaşlarının və digər tələbə Həmidə İbadovanın vəziyyəti normaldır. Onlar özləri gəzə, yanına gələnlərlə normal qaydada söhbət edə bilirlər...

Məsələ ilə bağlı Baş prokurorluğun mətbuat xidməti aşağıdakı məlumatı yayıb:

Noyabrın 21-də Bakı Dövlət Universitetinin 2 saylı yataqxanasında universitetin tələbələri - 1999-cu il təvəllüdlü Xasmətova Şəkər Faiq qızının qidadan zəhərlənərək vəfat etməsi, 1998-ci il təvəllüdlü Quliyeva Dilrubə Qismət qızı və İbadova Həmidə Bünyamiddinovnanın zəhərlənərək Kliniki Tibbi Mərkəzə yerləşdirilməsi faktı ilə bağlı daxil olmuş məlumat əsasında dərhal polis, prokurorluq, Qida Təhlükəsizlik Agentliyinin əməkdaşlarının və məhkəmə-tibb ekspertinin iştirakı ilə hadisə yerinə baxış keçirilib, qida nümunələri götürülərək laborator müayinəsinə göndərilib.

Fakta görə Bakı şəhər prokurorluğunda Cinayət Məcəlləsinin 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə cinayət işi başlanıb.

Tələbələrin zəhərlənmə səbəblərinin və digər halların müəyyənləşdirilməsi məqsədi ilə müvafiq ekspertizalar təyin edilib.

Hadisə zamanı zəhərlənmə diaqnozu ilə Kliniki Tibbi Mərkəzə daxil olmuş Həmidə İbadova və Dilrubə Quliyevanın müalicəsi Səhiyyə nazirliyinin rəhbərliyi tərəfindən nəzarətə götürülüb, stasionar şəraitdə müalicələri davam etdirilir.

Hazırda iş üzrə Qida Təhlükəsizlik Agentliyinin mütəxəssisləri cəlb edilməklə təqsirkar şəxslərin dairəsinin müəyyənləşdirilməsi istiqamətində zəruri istintaq-əməliyyat tədbirləri davam etdirilir.

Professor Adil Qeybulla isə axar.az saytına açıqlamasında hadisənin qəsd ola biləcəyini istisna etməyib:

"Ümumiyyətlə qeyd edim ki, zəhərlənmə və ölüm hadisəsinə göstərilən səbəblər müəmmalıdır. Məhkəmə tibbi ekspertizası olmasa, ölümə səbəb müəyyən edilməyəcək. Burada qəsd də ola bilər. 3 cavan tələbənin zəhərlənməsinin araşdırılması buna görə mütləqdir. Burada müəmmalı məsələ qızların hər üçündə də bir gün əvvəl qızdırmanın olmasıdır. Həmçinin onlar evdə huşsuz halda tapılarkən ağızlarından qan gəlməsi də müəmmalı məsələdir. Qida zəhərlənməsi üçün bu cür hallar xarakterik deyil. Ola bilər ki, boğulma olub. Bilirsiniz, tələbələrdə müşahidə edilən hallarla zəhərlənməyə səbəb kimi göstərilən hallar bir-birinə uyğun gəlmir”,-deyə A. Qeybulla bildirib.

BakuCity.az

BDU tələbə zəhərlənmə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Hadisələr
Abşeronda xəsarətlə nəticələnən yol nəqliyyat hadisəsi baş verib. BakuCity.az xəbər verir ki, hadisə ötən gün axşam saatlarında Novxanıda qeydə alınıb. "Oskar" yanacaqdoldurma məntəqəsinin yaxınlığında sürücü idarə etdiyi avtomobilin qarşısına çıxan nəqliyyat vasitəsi ilə toqquşmaması üçün manevr edib. Bu zaman avtomobil yol kənarındakı dirəyə çırpılıb. Nəticədə nəqliyyat vasitəsində olan 1964-cü il təvəllüdlü Ksel Svetlana Petrovna xəsarət alıb. Yaralı tə...
Cəmiyyət
Naxçıvanla Bakı arasında təyyarə reyslərinin açılması ilə bağlı müraciət edilib. Bakı şəhərində Naxçıvan Muxtar Respublikasının daimi nümayəndəliyinin rəhbəri Bəxtiyar Əsgərov nümayəndəliyə olan çoxsaylı müraciətlərlə bağlı Azərbaycan Respublikası Nazirlər Kabineti yanında Operativ Qərargaha Naxçıvan-Bakı-Naxçıvan istiqamətində təyyarə reyslərinin açılması ilə əlaqədar olaraq məktubla müraciət edib. BakuCity.az xəbər verir ki, bu barədə daimi nümayəndəliyi...
Hadisələr
Bakıda xəsarətlə nəticələnən yol-nəqliyyat hadisəsi baş verib. BakuCity.az xəbər verir ki, hadisə dünən axşam saatlarında, Nərimanov rayonunda qeydə alınıb. İki avtomobilin toqquşması nəticəsində 1985-ci il təvəllüdlü İsmayılov Emin Nazim oğlu xəsarət alıb. Yaralı təcili tibbi yardım briqadasının köməkliyi ilə xəstəxanaya çatdırılıb. Ona sol qalça nahiyəsinin küt travması diaqnozu qoyulub. BakuCity.az
Ekologiya
26 mayda gözlənilən hava şəraiti. Milli Hidrometeorologiya Xidmətindən BakuCity.az-a verilən məlumata görə, mayın 26-da Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, axşam tutulacağı gözlənilir. Gecə və səhər bəzi yerlərdə duman olacaq, cənub-qərb küləyi gündüz mülayim şimal-qərb küləyi ilə əvəz olunacaq. Havanın temperaturu  Abşeron yarımadasında gecə 14-16, gündüz 21-26, Bakıda  gecə 14-16, gündüz  23-25 dər...
Kriminal
Bakıda narkotiki onlayn satmaq istəyən qardaşlar saxlanıldı. Daxili İşlər Nazirliyi (DİN) Baş Narkotiklərlə Mübarizə İdarəsinin əməkdaşları tərəfindən həyata keçirilən növbəti əməliyyat nəticəsində ölkə ərazisinə gətirilən külli miqdarda yüksək təsiredici xassəyə malik narkotik vasitələrin və psixotrop maddələrin “qara” bazarda satılmasının qarşısı alınıb. Bu barədə BakuCity.az-a DİN-in Mətbuat Xidmətindən məlumat verilib. Baş İdarə əməkdaşlarının daxil ol...
Cəmiyyət
Azərbaycanda indiyədək koronavirus infeksiyasından sağalanların sayı açıqlanıb. BakuCity.az xəbər verir ki, bu barədə Nazirlər Kabineti yanında Operativ Qərargah məlumat yayıb. Hazırkı dövrədək ölkəmizdə 4 271 nəfərin koronavirus infeksiyasına yoluxması faktı müəyyən edilib, onlardan 2 741 nəfər müalicə olunaraq sağalıb, 51 nəfər vəfat edib, 1 479 nəfərin xüsusi rejimli xəstəxanalarda müalicəsi davam etdirilir.  Həmin şəxslərdən 44 nəfərin vəziyyəti ağır,...
Cəmiyyət
Azərbaycanda daha 149 nəfər koronavirusa yoluxub, 134 nəfər sağalıb. Azərbaycan Respublikasında 149 yeni koronavirus infeksiyasına yoluxma faktı qeydə alınıb, 134 nəfər müalicə olunaraq sağalıb və evə buraxılıb.  BakuCity.az xəbər verir ki, bu barədə Nazirlər Kabineti yanında Operativ Qərargah məlumat yayıb. COVID-19 üçün götürülən analiz nümunələri müsbət çıxmış 1955 və 1956-cı il təvəllüdlü iki nəfər vəfat edib. Hazırkı dövrədək ölkəmizdə 4 271 nəfərin k...
Cəmiyyət
Şəhərin mərkəzində uçulub-tökülən bir məhəllə. Paytaxtın Nərimanov rayonu ərazisində olan bu məhəllədə yaşayanlar hər gün ölüm təhlükəsi ilə üz-üzə yaşayır. Ərazidə fəaliyyət göstərən tikinti şirkəti tərəfindən sakinlərin yarısı başqa yerə köçürülsə də, digərləri, necə deyərlər, Allahın ümidinə qalıblar. BakuCity.az xəbər verir ki, söhbət Nərimanov rayonu, Malik Məmmədov 28 ünvanındakı məhəllədən gedir. “Komfort həyat” şirkəti tərəfindən ərazidə tikinti iş...
Cəmiyyət
Qurban bayramının qeyd edildiyi günlər qeyri-rəsmi iş günləri olacaq. İyulun 31-i və avqustun 1-i Azərbaycanda İslam aləmində ən vacib bayramlardan biri olan müqəddəs Qurban bayramı qeyd olunacaq. BakuCity.az xəbər verir ki, bu Nazirlər Kabinetinin 2020-ci il üçün Novruz, Ramazan və Qurban bayramları günlərinin müəyyən edilməsi haqqında Sərəncamında öz əksini tapıb. Azərbayan Respublikasının Baş Naziri Əli Əsədovun 2 dekabr 2019-cu il tarixində imzaladığı...