Sürücülərə XƏBƏRDARLIQ: Əks halda 40 manat ziyana düşəcəksiniz

Sürücülərə XƏBƏRDARLIQ: Əks halda 40 manat ziyana düşəcəksiniz

Bilərəkdən nişanların üstünü çirkləndirirlər

Baş Dövlət Yol Polisi İdarəsi (BDYPİ) nəqliyyat vasitələrinin sahiblərinə xəbərdarlıq edib.

İdarənin İctimaiyyətlə əlaqələr şöbəsinin rəisi Rüfət Quliyev BakuCity.az-a bildirib ki, “Yol hərəkəti haqqında” qanunun tələbinə əsasən, hərəkətdə olan nəqliyyat vasitəsinin dövlət qeydiyyat nişanının görünməsi üçün onun təmiz saxlanılması təmin edilməlidir.

Onun sözlərinə görə, nəqliyyat vasitələrinin sürücüləri tərəfindən bu vəzifənin yerinə yetirilməməsi avtomobilin istismarı qaydalarının pozulması hesab edilir.

Hazırda qış mövsümü ilə əlaqədar küçə və yollarda çirkli su və ya palçığın yaranma ehtimalının artdığını xatırladan R.Quliyev bu səbəbdən sürücülərın avtomobillərinin, o cümlədən onların dövlət qeydiyyat nişanlarının təmiz saxlanılmasına daha çox diqqət ayırmasının vacibliyini vurğulayıb.

Lakin bəzi sürücülərin havaların yağışlı, çiskinli olmasını bəhanə gətirərək avtomobillərinin dövlət qeydiyyat nişanlarını təmiz saxlamadığını, hətta bilərəkdən nişanların üstünü bir az da çirkləndiyini təəssüf hissi ilə qeyd edən şöbə rəisi bu kimi halların yol verilməz olduğunu bildirdi:

“Xatırladaq ki, İnzibati Xətalar Məcəlləsinin 342.1.7-ci maddəsinin tələbinə əsasən, hərəkətdə olan nəqliyyat vasitəsinin dövlət qeydiyyat nişanının görünməsi üçün onun təmiz saxlanılmamasına görə 40 manat məbləğində cərimə nəzərdə tutulur".

BakuCity.az

Bakı yol polisi xəbərdarlıq
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər