Bakıda Xalça Muzeyinin 50 illiyinə həsr olunmuş kitabın təqdimatı olub - FOTO

Bakı Kitab Mərkəzində “Azərbaycan Xalça Muzeyi” adlı kitabın təqdimat mərasimi keçirilib

Bakucity.azxəbər verir ki, tədbirdə Mədəniyyət naziri Əbülfəs Qarayev, Yazıçılar Birliyinin sədri, Xalq yazıçısı Anar, Azərbaycan Milli Xalça Muzeyinin direktoru Şirin Məlikova, Bakı Kitab Mərkəzinin direktoru Günel Rzayeva qonaqlar qarşısında çıxış etdilər.

Gecənin aparıcısı Rəşad Mehdili olub.

Təqdimatda muzeyin direktoru Şirin Məlikova kitabın müəlliflərini – Kübra Əliyeva, Mira Məmmədxanova, Aytən Əhmədova, Aygün Abbasova, Gülzadə Abdulova və Qoşqar Qoşqarlını təqdim etdi. Hər müəllif öz çıxışında tədqiq etdiyi kolleksiya barədə məlumat verib.

Çıxışların mövzularına əsasən auditoriya arasında müsabiqə keçirilib.

Müsabiqədə Milli Xalça Muzeyi, onun müxtəlif eksponatları, məsələn, muzeyin ilk eksponatı “Balıq” xovlu xalçası, arxeoloji qazıntılar zamanı aşkarlanmış keramik qab və məfrəşə aid suallar verilib. Qaliblərə müxtəlif mükafatlar – Milli Xalça Muzeyinin nəşrləri, muzeyə pulsuz giriş və s. təqdim edilib.

Təqdimat mərasimində Azərbaycan Milli Xalça Muzeyinin fəaliyyətini və yeni kitabı əks etdirən video-çarx da nümayiş olunub.

Tədbirdə Azərbaycan Dövlət Akademik Musiqili Teatrının solisti, Əməkdar artist Nərgiz Kərimova və Azərbaycan Dövlət Akademik Opera və Balet Teatrının solisti Fərid Əliyev Üzeyir Hacıbəylinin “Arşın mal alan” operettasından Əsgər və Gülçöhrənin duetini ifa ediblər

Tədbirin sonunda qonaqlar yeni toxunan xalçanın adət-ənənəyə uyğun şəkildə dəzgahdan kəsimində iştirak ediblər. Xalçada ənənəvi xovsuz şəddə kompozisiyasının süjeti – dəvə karvanı əks olunub.

Muzeydən verilən məlumata görə, yeni hazırlanmış xalça xovlu və xovsuz texnikaların birgə tətbiqi ilə hazırlanıb. İki texnikanı özündə birləşdirən xalçalar son dövrlər Milli Xalça Muzeyinin Ənənəvi texnologiya şöbəsinin əməkdaşları tərəfindən görmə qabiliyyəti məhdud insanlar üçün hazırlanır: "Toxucular xovsuz yastı səthtə xovlu texnikada yüksək sıxlıqla ornamentləri toxuyurlar. Bu yenilik görmə qabiliyyətini itirmiş və ya görmə qabiliyyəti məhdud olan insanlara xalçalarımızı “görmək”, texnikaların müxtəlifliyini hiss etmək, toxunmaqla qabarıq ornamenti duymaq imkanı verir".

Tədbirdə Ənənəvi texnologiya şöbəsinin əməkdaşlarının işləri də nümayiş etdirildi. Muzeyin Uşaq şöbəsinin əməkdaşları qonaqlara çətən, şəddə və suvenir xalçalar üzrə ustad dərsləri keçdi. Ən yaxşı əl işlərinin müəllifləri muzey tərəfindən mükafatlandırılıblar.

Qeyd edək ki, muzeyin yeni nəşrində bu mədəniyyət ocağının tarixi, Azərbaycan xalçalarının müxtəlif növləri, dekorativ-tətbiqi sənətin ayrı-ayrı sahələri, zəngin kolleksiyasının ən gözəl nümunələri, xalça sənətinin inkişafında xüsusi rolu olan görkəmli şəxslər haqqında məlumatlar yer alıb.

Dörd yüz səhifədən ibarət Azərbaycan, ingilis və rus dillərində hazırlanmış kitabda muzeyin eksponatlarının şəkilləri ilə yanaşı, onun tarixini əks etdirən arxiv fotoları və sənədləri geniş illüstrativ materiallar əsasında verilib.

Azərbaycan Milli Xalça Muzeyində “Xovlu xalçalar”, “Xovsuz xalçalar”, “Xalça məmulatları”, “Parça, geyim və tikmə”, “Keramika, ağac, şüşə və kağız”, “Zərgərlik” və “Bədii metal” kolleksiyaları qorunur. Kolleksiyaların hər biri haqqında sənətşünaslar və müvafiq sənət sahələrinin mütəxəssisləri tərəfindən müfəssəl fəsillər hazırlanıb.

Kitabda həmçinin muzeyin sərgi işi, beynəlxalq əlaqələr, Qarabağın işğalından sonra Milli Xalça Muzeyində müvəqqəti fəaliyyət göstərən Şuşa filialına həsr olunmuş bölmələr də yer alıb. 

Bakucity.az 

kitab təqdimat bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Hələ heç kəs qiymətləndirməyib
7 baxış dekabrda
Mən məsləhət görürəm
Hələ heç kim məsləhət bilməyib

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Cəmiyyət
Bu sistem bir sıra iri şəhərlərdə işləyir Gələn il Azərbaycan vətəndaşları Bakıda ictimai nəqliyyatda gediş haqlarını birbaşa “MasterCard” vasitəsilə ödəyə biləcək. BakuCity.az-ın Trend-ə istinadən verdiyi məlumata görə, bunu “MasterCard”ın Azərbaycandakı nümayəndəliyinin rəhbəri Erdem Çakar ilin yekunlarına həsr olunmuş tədbir zamanı deyib. O bildirib ki, bu sistem London, Ankara, Sankt-Peterburq və Moskva kimi iri şəhərlərdə işləyir. Həmçinin oxu: Bakıda...
Cəmiyyət
Mənzil bazarında qiymətlər artıb Bu ilin noyabr ayı ərzində Bakının kirayə mənzil bazarında qiymətlər 2,4% artıb. BakuCity.az xəbər verir ki, bunu "APA-Economics"ə "MBA Group" konsaltinq şirkətinin baş direktoru Nüsrət İbrahimov deib. Onun sözlərinə görə, hesabat ayında obyektlərin icarəsində 6,2% artım qeydə alınıb. Həmçinin oxu: Bakıda kirayə mənzil ala bilmək üçün ŞƏRTLƏR "Yanvar-noyabr ayları üzrə kirayə mənzil bazarında qiymətlər ötən ilin eyni dövrü...
Ekologiya
Yağmursuz olacaq Bakıda sabaha gözlənilən hava şəraiti açıqlanıb.  Ekologiya və Təbii Sərvətlər Nazirliyinin Milli Hidrometeorologiya Departamentindən BakuCity.az-a verilən məlumata görə, paytaxtda dekabrın 12-də havanın dəyişkən buludlu olacağı, arabir tutulacağı, əsasən, yağmursuz keçəcəyi gözlənilir. Cənub-şərq küləyi əsəcək. Havanın temperaturu Bakıda gecə 5-7, gündüz 9-11 dərəcə isti olacaq. Atmosfer təzyiqi normadan yüksək 766 mm civə sütunu, nisbi r...
Mədəniyyət
Qaliblər məlumdur Azərbaycan Gənclər İttifaqı və Azərbaycan Rəqs Assosiasiyasının təşkilatçılığı ilə "Sərhədçi" İdman Olimpiya Mərkəzində “Azərbaycan Rəqs Açıq Kuboku 2019” adlı rəqs müsabiqəsi keçirilib. BakuCity.az xəbər verir ki, yarışda hip-hop, rəqs şousu, klassik rəqs, milli rəqs, folklor stilizasiyası, dünya xalqlarının rəqsləri, oriyental, hind və solo rəqslər nümayiş olunub. Əsas mübarizə "Folklor stilizasiya" və "Bollywood" rəqs növlərində olub....
Cəmiyyət
İşgəncələrə məruz qalmış uşaqlar atanın ikinci evliliyindəndir "Bizi ördəyin yerinə basırdı. Bıçağı Hüseynin boğazına dirəyib deyirdi ki, ananızı incitsəniz, boğazınızı kəsib kanala tullayacağam. Yemək istəyəndə ağzımıza acı istiot basırdı. Deyirdi ki, yemək istəməyin. Şişi qızdırıb Hüseynin ayağına basırdı". Bu sözlər ögey ana və atanın işgəncə verdiyi azyaşlı qardaşlardan birinə məxsusdur. BakuCity.az Baku.ws-ə istinadən xəbər verir ki, Qulu ona və qarda...
Cəmiyyət
Alternativ yollardan, ictimai nəqliyyatdan istifadə edin Dekabrın 12-də ümummilli lider Heydər Əliyevin vəfatının 16-cı ildönümü münasibətilə Bakıda bəzi yollarda avtomobillərin hərəkəti məhdudlaşdırılacaq. Bu barədə BakuCity.az-a Bakı Şəhər Baş Polis İdarəsinin Dövlət Yol Polisi İdarəsinin bölmə rəisi, polis polkovniki Vaqif Əsədov deyib. O bildirib ki, ümummilli lider Heydər Əliyevin anım mərasiminə qatılacaq vətəndaşların təhlükəsizliyini təmin etmək mə...
Cəmiyyət
Sahibkarlar kompensasiya tələb edirlər  Bakıda "EuroHome" tikinti malları bazarında mağazaları yanan sahibkarlar aksiya keçirirlər. BakuCity.az "Qaynarinfo"ya istindən xəbər verir ki, Bakı-Sumqayıt yolunu bağlayan sahibkarlar onlara dəyən zərərə görə kompensasiya verilməsini istəyirlər. Mağazası yananlardan biri ona 100 min manatdan çox zərər dəydiyini və ticarət fəaliyyətinin tamam dayandığını bildirib. Həmçinin oxu: Bakıda tikinti bazarının yanğından son...
Cəmiyyət
Paytaxtda üç turizm informasiya mərkəzi fəaliyyət göstərir Azərbaycan Dövlət Turizm Agentliyi tərəfindən Bakıda turistlər üçün dəstək mərkəzi yaradılacaq. BakuCity.az xəbər verir ki, bunu "APA-Economics"ə  Azərbaycan Dövlət Turizm Agentliyinin sədri Fuad Nağıyev deyib. Onun sözlərinə görə, turistlər onları maraqlandıran məlumatları həm mərkəzdə, həm də istifadəyə veriləcək dörd rəqəmli “qaynar xətt” vasitəsilə əldə edə biləcəklər. "Mərkəzin yerləşəcəyi yer...
Hadisələr
Ali məktəbə hazırlaşırdılar Ötən axşam Bakıda baş vermiş yol-nəqliyyat hadisəsinin bəzi təfərrüatları məlum olub. BakuCity.az Trend-ə istinadən məlumat verir ki, Binəqədi rayonundakı qəzada ölən şəxslər 11-ci sinif şagirdləri Tural və Dilarədir. Hadisə baş verən vaxt şagirdlər ali məktəbə hazırlıq dərsindən evlərinə gedirmiş. Həmçinin oxu: Bakıda dəhşətli qəzada ölən tələbənin sevgi məktubu tapıldı - FOTO Xatırladaq ki, ötən axşam Binəqədi rayonunda köməkç...