Bibiheybət sürüşmə zonasında vəziyyət necədir? - VİDEO

Bibiheybət sürüşmə zonasında vəziyyət necədir? - VİDEO

Rəsmilər hadisə yerində

Ötən gün Bakı-Salyan yolunun Bibiheybət məscidinin yaxınlığından keçən hissəsində baş verən sürüşmə ilə əlaqədar olaraq araşdırmalar davam etdirilir.

BakuCity.az xəbər verir ki, "Report"un çəkiliş qrupu həmin ərazidə olub və reportaj hazırlayıb.

Azərbaycan Avtomobil Yolları Dövlət Agentliyinin (AAYDA) Mətbuat Xidmətinin rəhbəri Anar Nəcəfli və Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov “Report”a açıqlama verib.

Həmçinin oxu: Bakıda yağışdan sonra dəhşətli torpaq sürüşməsi - FOTO + VİDEO

Qeyd edək ki, noyabrın 24-ü axşam saatlarında paytaxtın Bibiheybət ərazisində sürüşmə baş verib. Sürüşmə ilə əlaqədar olaraq Bibiheybət məscidindən paytaxt istiqamətinə yeni yolda hərəkət dayandırılıb. Hadisə nəticəsində yolun asfalt qatı dağılıb. Uçqunun 80-100 metr ərazini əhatə etdiyi bildirilib. Sürüşmə baş verən ərazinin yaxınlığında küçədə hərəkətsiz vəziyyətdə olan "Mercedes" markalı avtomobil uçqunun altında qalıb.

Sürüşmədən sonra hadisə yerinə gələn Baş Nazir Əli Əsədov, Bakı Şəhər İcra Hakimiyyətinin başçısı Eldar Əzizov, Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov, Fövqəladə Hallar nazirinin birinci müavini Rafael Mirzəyev və digər şəxslər əraziyə baxış keçiriblər.

BakuCity.az

Bibiheybət sürüşmə zonası
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər