Bakı sirkinə gedəndə havanı nəzərə alın, yağış başınıza yağacaq - FOTO

Bakı sirkinə gedəndə havanı nəzərə alın, yağış başınıza yağacaq - FOTO

30 manat verib bilet aldı, çətirlə oturdu

Bakı Dövlət Sirkinin binasındakı acınacaqlı vəziyyət sosial şəbəkələrdə yenidən gündəmə gəlib. 

BakuCity.az “Qafqazinfo”ya istinadən xəbər verir ki, dünən baş tutan şou zamanı tamaşaçılar problemlə üzləşiblər.

Belə ki, valideynlər binanın dam örtüyünün acınacaqlı vəziyyətdə olduğunu görərək yağışdan qorunmaq üçün tamaşaya çətirlə baxıblar. Sevinc Hüseynova adlı istifadəçi hətta həmin anın görüntüsünü lentə alaraq sosial şəbəkədə paylaşıb.

Həmçinin oxu: Bakı Dövlət Sirki niyə bu gündədir? - VİDEO

“30 manat pul verib bilet aldıq və çətirlə izləməli olduq. Nazirlik hara baxır? İstirahətə gəlib niyə əsəbi halda qayıtmalıyıq? Bundan sonra bilet alanda hava şəratini nəzərə alın. Siz də bizim kimi islanmayın, dam örtüyü normal vəziyyətdə deyil” ,- deyə şikayətçi qeyd edib. 

Xatırladaq ki, 2015-ci ilin aprelində Mədəniyyət naziri Əbülfəs Qarayev Bakı sirki üçün yeni binanın tikiləcəyi barədə məlumat vermişdi. Nazir qeyd etmişdi ki, yeni binanın inşası ilə bağlı bir neçə layihə hazırdır.

Bakı Dövlət Sirkinin mətbuat xidmətinin rəhbəri Mahir Hümbətov da bir neçə ildir binanın təmir olunacağını qeyd edir. 

BakuCity.az

Bakı sirk
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər