“V Türk Filmləri Həftəsi – Bakı”ya start verildi - FOTO

“V Türk Filmləri Həftəsi – Bakı”ya start verildi - FOTO

Film həftəsinin açılışında məşhur similar iştirak edib

Noyabrın 25-də Nizami Kino Mərkəzində Türkiyənin Mədəniyyət və Turizm Nazirliyinin, Türkiyənin Azərbaycandakı səfirliyinin, "Yerli Düşünce Derneği"nin, TİKA agentliyinin, təşkilatçılığı və Nizami Kino Mərkəzinin dəstəyi ilə “V Türk Filmləri Həftəsi – Bakı”nın açılış mərasimi gerçəkləşib.

BakuCity.az xəbər verir ki, açılış mərasimində Türkiyənin Azərbaycandaki səfiri Erkan Özoral, hakim Ədalət və İnkişaf Partiyasının Ordu vilayətindən olan millət vəkili və "Yerli Düşünce Derneği"nin baş direktoru Metin Gündoğdu, “Locman” filminin rejissoru Şükrü Alaçam, istehsalçı Oya Işıl Cuhadar, aktyorları Yeliz Kuvancı ve Nisa Sofiya Aksongur, “Çaqqallarla rəqs - 5” filminin rejissoru Murat Şeker, aktyorlar Hande Katipoğlu ve Çağla Irmak, “Kapan” filminin rejissoru Seyid Çolak, ssenaristi Güven Adıgüzel, “Annem” filminin rejissoru Mustafa Kotan, həmçinin FİYAP-ın baş katibi Ahmet Edebali, SETEM-in baş direktoru Mehmet Güleryüz, “Star” qəzetinin mədəniyyət-sənət üzrə redaktoru Bedir Acar, Türk Filmləri Həftəsinin lahiyə assistenti Fatma Gezer ve Türk Filmləri Həftəsinin baş koordinatoru Öner Kılıç olmaqla bir sıra türk iş adamları və mədəniyyət təmsilçiləri iştirak ediblər.

Tədbirə, həmçinin millət vəkili Qənirə Paşayeva, kinorejissor və kinoşünas Ayaz Salayev və digərləri qatılıblar.

Tədbirin rəsmi hissədən sonra rejissor Şükrü Alaçamın “Locman” bədii filmi nümayiş olunub.

Qeyd edək ki, Film Həftəsi ərzində noyabrın 26-da “Locman” filmi, 19:00-da “Kapan”; noyabrın 27-si saat 17:00-da“Annem”, 19:00-da “Çakallarla dans - 5”; noyabrın 28-i saat 17:00-da “Çakallarla dans 5”, 19:00-da “Kapan”; noyabrın 29-u saat 17:00-da “Rafadan Tayfa”, 19:00-da “Annem” bədii filmləri nümayiş olunacaq.

Nümayişlərə giriş sərbəstdir.

“V Türk Filmləri Həftəsi – Bakı”ya start verildi - FOTO , fotoşəkil-1

Ramilə Qardaşxanqızı

BakuCity.az

Bakı V Türk filmləri həftəsi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər