“Bakutel” sərgisi yubileyini yeni brend və formatda qeyd edir

Sərgiyə 3 min şirkət qatılacaq

25 ildir ki, İT məhsul və xidmətlərin nümayişi üçün əsas sahə olan “Bakutel” sərgisi telekommunikasiya sahəsinin aparıcı oyunçularını bir araya gətirir.

3-6 dekabr tarixlərində keçiriləcək sərgi Xəzər bölgəsindəki ən böyük İT sərgisi olmaqla yanaşı, həmçinin netvorkinq və işgüzar kontaktların qurulması üçün unikal məkandır.

25 İLLİK UĞUR:

•3000 şirkət

•50 ölkə

•25 000 ziyarətçi

•Yaradılmış müəssisələr, vacib əlaqə və görüşlər

Yubiley sərgidə 20 ölkədən, o cümlədən Azərbaycan, Çin, Finlandiya, İsveçrə, Ukrayna və digər ölkələrdən 200-dən çox şirkətin iştirakı gözlənilir. Ölkələrinin ticarət palataları və səfirliklərinin dəstəyi ilə ABŞ, Belarus, BƏƏ, Fransa, İran, İsrail, İtaliya, Rusiya, Sloveniya, Türkiyə və Xorvatiya və digər ölkələrin aparıcı İT şirkətlərindən ibarət olan milli qruplar sərgidə iştirak edəcəklər.

Yüksək keyfiyyətli telekommunikasiya xidmətlərinin geniş çeşidini “Azərkosmos” və “Rusiya Peyk Rabitəsi” kimi aparıcı peyk operatorları təqdim edəcəklər.

Sərginin debütantlarının sayı ümumi iştirakçıların 30 faizini təşkil edir. Sərgi həm iş, həm də gündəlik həyat üçün ağıllı həllər təklif edir.

Sərgi iştirakçılarının, habelə təqdim olunan məhsul və xidmətlərin siyahısı ilə linkdən keçərək tanış olmaq mümkündür: https://bakutel.az/az-exhibitorslist/

DÖVLƏT SEKTORUNDA İT HƏLLƏR

Bu il dövlət sektoru sərgidə geniş tərkibdə təmsil olunub. Azərbaycan Respublikası Nəqliyyat, Rabitə və Yüksək Texnologiyalar Nazirliyinin stendində nazirliyin tabeliyində olan bütün strukturlar – “Azərpoçt”, “Azərmarka”, “İnnovasiyalar Agentliyi”, “Aztelekom”, “Azintelekom”, “Bakı Telefon Rabitəsi”, “İnformasiya-hesablama mərkəzi” və s. strukturlar təqdim ediləcək.

Bu il “Bakutel” sərgisinə Azərbaycan Respublikası Əmək və Əhalinin Sosial Müdafiəsi Nazirliyinin “DOST” Agentliyi öz həll variantları ilə sərgiyə qatılıb. Həmçinin “ASAN” və onun “E-GOV” (Elektron hökumət) strukturu da tədbirdə iştirak edəcək. Sərginin ikinci zalında IoT (Əşyaların interneti) texnologiyaları təqdim edən şirkətlər yerləşəcəklər. “Bakutel” sərgisinin çərçivəsində Azərbaycan Respublikasının Kiçik və Orta Biznesin İnkişafı Agentliyinin (KOBİA) stendi də təqdim olunacaq.

“STARTAP AVENYU” 

“Bakutel” sərgisi yeniliklərin nümayişi üçün ölkənin ən böyük qovşağıdır. Bu il sərgidə təxminən 50 startapı iştirak edəcək və müxtəlif fəaliyyət sahələri üçün öz layihələrini təqdim edəcəklər.

Yüksək Texnologiyalar Parkının startapları, həmçinin istər Bakıdan, istərsə də ölkə regionlarından olan startapların da daxil olduğu, “İdeyadan biznesə” startap turlarının finalçılarının layihələri təqdim olunacaq. Həmçinin Azərbaycan Respublikası Nəqliyyat, Rabitə və Yüksək Texnologiyalar Nazirliyinin və “Bakcell” şirkətinin stendlərində “Barama” və “AppLab” inkubasiya mərkəzləri təqdim ediləcək.

İŞGÜZAR PROQRAM

“Bakutel” sərgisinin işgüzar proqramına kommunikasiya, dialoq və effektiv həll variantlarının axtarışı üçün müasir platformalar: “İnnovasiyalar zonası” və “Təqdimatlar zonası” daxildir. Bu dinamik zonalarda 3 dekabr tarixində müxtəlif maraqlı tədbirlər keçiriləcək.

4 dekabr tarixidə “Forbes” jurnalının redaksiya direktoru Nikolay Uskovla qapalı görüş keçiriləcək. Sərginin xüsusi qonağı məhz bu tədbirdə iştirak etmək üçün Bakıda səfərdə olacaq və biznes sahəsində innovasiyalar haqda məlumat verəcək.

Həmin gün artıq ikinci dəfə “Bakutel” sərgisi çərçivəsində “Əşyalarin İnterneti: Müasir Cəmiyyətin Təməli” mövzusuna həsr olunmuş “Xəzər İnnovasiya Konfransı” keçiriləcək. Konfransda Əşyaların İnterneti üzrə həllərin inkişaf modelləri, habelə infrastruktur, sənaye və kənd təsərrüfatı kimi müxtəlif sahələrdə bu həllərinin tətbiqi və istifadəsi üçün hüquqi və tənzimləmə məsələləri müzakirə olunacaq.

“BAKUTEL TECH TALKS” 

Sərgi çərçivəsində 4-5 dekabr tarixlərində “Bakutel Tech Talks” Beynəlxalq Müzakirə Platforması təşkil ediləcək. Dolğun məzmun, yüksək səviyyəli məruzəçilər və qızğın müzakirələr rəqəmsal texnologiyalar aləminə dalmaq, bununla da sərginin iştirakçı və ziyarətçilərinə gələcəyə nəzər salmaq və sektorun ən vacib təmayüllərini izləmək kimi unikal fürsət verəcək. “Bakutel Tech Talks” 3 sessiyadan ibarət olacaq:

•Dünyanın məşhur İT şirkətlərində çalışan həmvətənlərimizi bir araya gətirəcək “Bizimkilər” sessiyası.

•Öz həyatı və karyeralarını İT sektoru ilə bağlamış Azərbaycan qadınlarına həsr olunub “Women Tech Talks” sessiyası. Sessiyanın sponsoru qismində “Paşa Bank” çıxış edir.

•İşəgötürənlər və tələbələr arasında "canlı" ünsiyyət formatında İT əmək bazarında peşə, tələb və təklifin aktual problemləri müzakirə ediləcəyi “İT üzrə mütəxəssislərin formalaşmasında məktəb və universitetin rolu: çağırışlar və ehtiyaclar” sessiyası.

Artıq ənənəyə çevrilmiş “B2B” formatlı görüşlər 5 dekabr tarixində keçiriləcək. Bu görüşlər sərgi iştirakçıları və şaquli bazarları təmsil edən şirkətlər arasında işgüzar əlaqələrin qurulması, eləcə də yeni tərəfdaş və innovativ həllərin axtarışı üçün əlavə platforma rolunu oynayacaq.

İLK DƏFƏ MÖHTƏŞƏM ROBOPARK! 

Bakı Ekspo Mərkəzinin foyesində ən yeni robot modelləri nümayiş olunacaq:

•Las-Veqasdan Pepper humanoid robotu

•Robot balıqlar

•Dünyaca məşhur Robot rəssam

•Müxtəlif Sumo, Güləş və Dron yarışları

•Kosmo zonası

•6 metrlik uçan astronaft             

•Sizi təəccübləndirəcək 20-dən çox interaktiv zona

•Və ən nəhayət hamının sevimlisi Robot pianoçu

Robotları öz gözünüzlə görməyə tələsin!

TƏŞKİLATLATÇILAR VƏ RƏSMİ DƏSTƏK 

“Bakutel 2019” sərgisi Azərbaycan Respublikası Nəqliyyat, Rabitə və Yüksək Texnologiyalar Nazirliyi, Beynəlxalq Telekommunikasiya İttifaqı (ITU), Regional Rabitə Birliyi (RRB), Azərbaycanda İxracın və İnvestisiyaların Təşviqi Fondu (AZPROMO), Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) və Azərbaycan Respublikasının Kiçik və Orta Biznesin İnkişafı Agentliyinin dəstəyi ilə keçirilir. Sərginin təşkilatçısı qismində “Caspian Event Organisers” (“CEO”) şirkəti çıxış edir. Sərginin baş sponsoru iyirmi ildən artıq tədbirin iştirakçısı olan “Azercell” şirkətidir. Sərginin sponsoru qismində İsveçrənin “Mitto” şirkəti də çıxış edir. 

“Bakutel 2019” - daha böyük, texnoloji və parlaq!

BakuCity.az

Bakutel sərgi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Cəmiyyət
Suraxanıda 18 kilometr yolda yenidənqurma işləri aparılır. Vətəndaşların rahat gediş-gəlişinin təmin olunması istiqamətində 2020-ci ilin investisiya proqramına uyğun olaraq Suraxanı rayonu Əmircan və Hövsan qəsəbələri üzrə təmirə ehtiyacı olan daha 18 kilometr uzunluğa malik küçə və yollarda Azərbaycan Avtomobil Yolları Dövlət Agentliyi tərəfindən kompleks tədbirlər həyata keçirilir. BakuCity.az Agentliyə istinadən xəbər verir ki, aparılan təmir-tikinti iş...
Cəmiyyət
Paytaxt çimərliklərdə son vəziyyət. Xəbər verdiyimi kimi, avqustun 5-dən Nazirlər Kabinetinin qərarı ilə çimərliklərin fəaliyyətinə icazə verilib. Sakinlər sosial məsafəni gözləmək, karantin qaydalarına riayət etməklə dəniz kənarında istirahət etmək imkanı əldə ediblər.  BakuCity.az xəbər verir ki, Cimerlik.az saytına daxil olmaqla hansı çimərlikdə kvotaların olması barədə məlumat əldə edən paytaxt sakinləri təmizliyin gözlənildiyini, təhlükəsizliyin təmin...
İdman
Azərbaycan milli komandasının baş məşqçisi Canni De Byazi Bakıya gəlib. BakuCity.az AFFA-nın rəsmi saytına istinadən xəbər verir ki, italiyalı mütəxəssis bu gün “Əlincə Arena”da keçiriləcək “Sabah” -  “Qəbələ” yoxlama oyununu stadionda izləyəcək. 64 yaşlı baş məşqçi koronavirus testi verib və analizinin nəticəsinin neqativ olması barədə müvafiq sənədi var. Canni De Byazi oyunu sosial məsafənin qorunması qaydalarına riayət etməklə izləyəcək və heç kimlə üns...
Cəmiyyət
Son bir həftədə Azərbaycanda koronavirusa gündəlik yoluxma sayında azalma müşahidə olunur. BakuCity.az xəbər verir ki, bununla bağlı İcbari Tibbi Sığorta üzrə Dövlət Agentliyi infoqrafika yayıb. Belə ki, avqustun 3-də qeydə alınan yoluxma sayı 241 olubsa,  avqustun 9-da bu rəqəm 87-yə düşüb. Xatırladaq ki, hazırda ölkədə 2 714 aktiv koronavirus xəstəsi var. Bu günə qədər koronavirusa yoluxanların sayı 33 568 nəfər təşkil edib ki, onlardan 30 364 nəfəri art...
Hadisələr
Dənizdə bir neftçi itkin düşüb. “Ötən gün “Abşeronneft” NQÇİ-nin 1100 saylı stasionar dəniz özülündə neft və qaz hasilatı üzrə operator işləyən Kazımov Elşən Səfiyar oğlu gündüz növbəsində olan zaman növbənin sonunda saat 19:00 radələrində iş yoldaşları tərəfindən onun özüldə olmadığı müəyyən edilib”. BakuCity.az xəbər verir ki, bu barədə “Azneft” İstehsalat Birliyindən məlumat verilib. Məlumata görə, Kazımov Elşən axırıncı dəfə həmin gün saat 15:40 radələ...
Ekologiya
Bakıda 11 avqustda gözlənilən hava şəraiti açıqlanıb. Milli Hidrometeorologiya Xidmətindən BakuCity.az-a verilən məlumata görə, Bakıda və Abşeron yarımadasında havanın yağmursuz keçəcəyi gözlənilir. Mülayim şimal-şərq küləyi əsəcək. Havanın temperaturu Abşeron yarımadasında gecə 21-24,  gündüz  29-33,  Bakıda  gecə 22-24, gündüz  30-32 dərəcə isti olacaq.  Atmosfer  təzyiqi normadan aşağı 757 mm civə sütunu, nisbi rütubət gecə 65-75, gündüz 45-55 faiz təşk...
Kriminal
Azərbaycanda daha bir vəzifəli şəxs rüşvət alarkən yaxalanıb. Xidməti vəzifələrinin icrası ilə əlaqədar malik olduğu statusla bir araya sığmayan hərəkətlərə yol verən, tutduğu vəzifədən öz şəxsi mənafeləri naminə istifadə edən, bu cür hərəkətləri ilə vətəndaşların hüquqlarını pozan vəzifəli şəxslərin cinayət məsuliyyətinə cəlb olunması istiqamətində prokurorluq orqanlarının məqsədyönlü və ardıcıl tədbirləri davam etdirilir. BakuCity.az xəbər verir ki, bunu...
Cəmiyyət
Həbs olunan general-leytenant ev dustaqlığına buraxılıb. Dövlət Sərhəd Xidmətinin (DSX) sabiq rəis müavini, general-leytenant Əfqan Nağıyev ev dustaqlığına buraxılıb. BakuCity.az xəbər verir ki, Baş Prokurorluqdan verilən məlumata görə, bununla bağlı Bakı Hərbi Məhkəməsi qərar çıxarıb. Həmçinin oxu: DSX-nin həbs edilən vəzifəliləri açıqlanıb - ADLAR Qeyd edək ki, Ə.Nağıyev və Sahil-Mühafizə Xidmətinin vəzifəli şəxsləri Dövlət Təhlükəsizliyi Xidməti və Baş...
Ekologiya
Şix çimərliyinin bir hissəsinin abadlaşdırılması ilə bağlı paylaşılan müqayisəli fotolar sosial şəbəkələrdə maraqla qarşılanıb. BakuCity.az xəbər verir ki, paylaşımı Saleh Nəsirov adlı istifadəçi edib. Saleh Nəsirov qeyd edib ki, hər iki fotoda eyni ərazi olsa da, fərqli mənzərə var: “Yuxarıdakı şəkil: xaos, bardak, tərbiyyəsizlik, mədəniyyətsizlik, hörmətsizlik, cahillik və antisanitariya, aşağıdakı şəkil: cənnət. Bu şəkil sübüt edir ki, əgər ya...