Prokurorluq araşdırma aparır
Noyabrın 26-da saat 11 radələrində Bakı şəhər sakini, 2004-cü il təvəllüdlü Avcı İlahə Ramazan qızı intihar etmək məqsədilə "Ağ Şəhər" bulvarı ərazisində özünü dənizə atıb.
Bakı şəhər prokurorluğundan BakuCity.az-a verilən məlumata görə, həmin ərazidə xidmət aparan polis əməkdaşlarının ayıq-sayıqlığı və çevikliyi sayəsində İlahə Avcı dənizdən çıxarılaraq dərhal tibbi yardım göstərilməsindən ötrü Səhiyyə Nazirliyinin Kliniki Tibbi Mərkəzinə aparılıb.
Hazırda qızın səhhəti normaldır.
Faktla əlaqədar Xətai rayon prokurorluğunda araşdırma aparılır.
BakuCity.az
