Bakıda məşhur telekanal borca görə məhkəməyə verildi

Bakıda məşhur telekanal borca görə məhkəməyə verildi

Borc tələbi ilə bağlı iddia qaldırıb

Əmlak Məsələləri Dövlət Komitəsi "Space” Müstəqil Televiziya və Radio Şirkəti MMC-yə qarşı borc tələbi ilə bağlı iddia qaldırıb.

BakuCity.az Unikal.org-a istinadən xəbər verir ki, 1 saylı Bakı İnzibati-İqtisadi Məhkəməsinə edilən müraciətdə icarə müqaviləsi üzrə ümumilikdə 25 229 manat borcun "Space"dən tutulması istənilib.

Hakim Aytən Oruczadə sadələşdirilmiş icraat qaydasında baxılması üçün verilən ərizənin qəbulundan imtina edilməsi barədə qərar qəbul edib.

Belə ki, mülki prosessual qanunvericiliyə əsasən, 2 min manatdan 10 min manatadək olan mülki işlər üzrə iddialara (kiçik iddialar) sadələşdirilmiş qaydada baxılmasına yol verilir.

Sözügedən iddiada cavabdehdən tələb olunan pul məbləği ümumilikdə 26 229 manat təşkil etdiyi üçün ərizə iddia icraatı qaydasında verilməlidir.

BakuCity.az

Bakı Space telekanal məhkəmə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər