Bakı Nəqliyyat Agentliyi "cib"ləri "tikir" - FOTO

Bakı Nəqliyyat Agentliyi "cib"ləri "tikir" - FOTO

Avtobuslar “cib”ə daxil ola bilmirdi

Bakı Nəqliyyat Agentliyi tərəfindən piyadaların rahatlığının və təhlükəsizliyinin təmin edilməsi məqsədilə növbəti dəyişiklik həyata keçirilib.

Bakı Nəqliyyat Agentliyindən BakuCity.az-a verilən məlumata görə, Hənifə Ələsgərova küçəsində (Mərdanov Qardaşları küçəsi ilə kəsişmədə) mövcud avtobus dayanacaq məntəqəsindəki “cib” ləğv edilərək piyadalar üçün səki inşa edilib.

Dəyişiklik həyata keçirilməmişdən əvvəl sözügedən avtobus dayanacaq məntəqəsində aşağıda göstərilən problemlər mövcud idi:

- Avtobus dayanacaq pavilyonu səkini zəbt etdiyindən piyadalar yolun hərəkət hissəsinə düşmək məcburiyyətində qalırdılar ki, bu da onların həyatları üçün real təhlükə mənbəyinə çevirilirdi;

- “Cib”in standartlara uyğun olmaması səbəbindən avtobuslar “cib”ə daxil ola bilmirdilər;

- Dayanacaq pavilyonunun önündə sərnişinlərin dayanması üçün sahə qalmırdı.

Dəyişiklik həyata keçirildikdən sonra artıq:

- Avtobuslar daha qısa müddətə minib-düşməni həyata keçirir və səkiyə daha rahat yan alır;

- Piyadalar səki ilə daha rahat və təhlükəsiz şəkildə hərəkət edir;

- Sərinişinlər avtobusları dayanacaq pavilyonunun önündə təşkil edilmiş təhlükəsiz sahədə gözləyir;

Bundan başqa, görmə məhdudiyyətli insanlar üçün səkidə hiss edilə bilən (tactile) döşəmələr də yerləşdirilib.

Bakı Nəqliyyat Agentliyi "cib"ləri "tikir" - FOTO, fotoşəkil-1 Bakı Nəqliyyat Agentliyi "cib"ləri "tikir" - FOTO, fotoşəkil-2 Bakı Nəqliyyat Agentliyi "cib"ləri "tikir" - FOTO, fotoşəkil-3 Bakı Nəqliyyat Agentliyi "cib"ləri "tikir" - FOTO, fotoşəkil-4 Bakı Nəqliyyat Agentliyi "cib"ləri "tikir" - FOTO, fotoşəkil-5 Bakı Nəqliyyat Agentliyi "cib"ləri "tikir" - FOTO, fotoşəkil-6

BakuCity.az

Bakı Nəqliyyat Agentliyi dayanacaq
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər