Bakı bulvarında yeniliklər

Bakı bulvarında yeniliklər

Yeni ilə hazırlıq da gedir

Dənizkənarı Milli Park ərazisində qış mövsümünə hazırlıq işləri görülür.

BakuCity.az-ın məlumatına görə, bu barədə Dənizkənarı Bulvar İdarəsinin mətbuat xidmətinin rəhbəri Günay Yelmarqızı Baku.ws-ə bildirib.

Onun sözlərinə görə, ərazidəki ağac və kollarda budama işləri aparılır:

“Yaşıllıqlara və ağaclara yemləmə və gübrələr verilir. Soyuğa davamsız nadir ağacların üzəri xüsusi formada bağlanır. Kaktus bağçasının da üstü bağlanır.

Ərazidə çalışan əməkdaşlar qış mövsümünə uyğun uniformalarla təmin olunur. Texnika saz vəziyyətə gətirilib. Müvafiq təmir-bərpa işləri aparılır”.

G.Yelmarqızı əlavə edib ki, qış fəsli üçün səciyyəvi olan mövsümi çiçəklərin yerləri hazırlanır. Qışda həmin çiçəklərin əkilməsi nəzərdə tutulur:

“Bundan başqa, bulvar ərazisində quşların daldalanması üçün yeni yuvalar asılır”.

Bulvar təmsilçisi onu da deyib ki, ərazdə Yeni ilə hazırlıqla bağlı tədbirlər görülür:

“Belə ki, Neftçilər prospekti boyu ağacların bəzədilməsi işlərinə artıq start verilib. Ərazidə ayrı-ayrı kompazisiyaların qurulmasına hazırlıq işləri başlanılıb”. 

BakuCity.az

Bakı bulvar qışa hazırlıq
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər